| e-texts navigator |
| Wylie |
337a1 སེམས་དཔའ་ཡིས།། སྟོན་པ་གསང་བའི་བདག་པོ་ལ།། ཀ་དག་བསྟན་དུ་བཏུབ་ལགས་སམ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སྤྱོད་མན་དྲོད་པ་བསྐྱེར་ཕྱིར་ལས།། ཀ་དག་དངོས་མེད་བསྟན་དུ་མེད།།
337a2 ཏད་འཁྲུལ་རྨོངས་མི་ཤེས་ལ།། མུན་ཁུངས་གསལ་སྒྲོན་ལྟ་བུར་བཤད།། མི་མངོན་མི་སྣང་འོད་ཁང་ན།། ཤེས་མེད་ཀ་དག་བློ་འདས་དངོས་པོ་མེད།། ཅད་མེད་ཅིར་སྣང་ཀུན་འབྱུང་དང་།། དངོས་མེད་སྣ་ཚོགས་གཉིས་མ་གྲུབ།། སྟོང་གས་པ་དང་ལ་གང་གི་ཐ་སྙད་མེད།།
337a3 ཡོད་དང་མེད་དང་ཅིར་ཡང་གྲུབ་པ་མེད།། མཉམ་དང་མི་མཉམ་དབྱེ་བས་ལ་རྩིས་གདབ་མེད།། དངོས་མེད་རང་བྱུང་དང་དངོས་དངས་སེང་ངོ་།། གྱང་དེ་བུན་ནེ་མེར་རེ་ལྒང་ངེ་བ།། ཐ་སྙད་ཙམ་ཡིན་ཅིར་ཡང་གྲུབ་པ་མེད།། ཕྲ་ཞིང་ཤེས་དཀའ་མི་རྟོག་རྟོག་ལས་འདས།།
337a4 མཆོག་ཏུ་གསང་བའི་དངོས་མེད་ཟང་ཀ་འདི།། རྣ་བས་ཟོས་མེད་ལྕེ་ཡིས་བརྗོད་དུ་མེད། ཡིད་ལ་དྲན་མེད་སེམས་ལ་གཞག་ཏུ་མེད།། རིག་པས་བརྟག་མེད་བློ་ཡི་ཡུལ་ལས་འདས།། ཚོགས་བརྒྱད་ཡུལ་དུ་མ་གྱུར་རྣམ་ཤེས་རྩིས་གདབ་མེད།། སྒོ་ལྔའི་ཡུལ་དུ་མ་གྱུར་དམིགས
337a5 ལས་འདས།། དཔེ་བྱད་ཀུན་ལས་འདས་པས་བསྟན་དུ་མེད།། ཅེས་གསུངས་སོ།། ནམ་མཁའ་ཀློང་ཡངས་ཀྱི་རྒྱུད་ལས། དངོས་མེད་མཚོན་དུ་མི་བཏུབ་པར་བསྟན་པའི་ལེའུ་སྟེ་གསུམ་པའོ།། །། དེ་ནས་རྡོ་རྗེ་སེམས་དཔའ་ཡིས།། བཅོམ་ལྡན
337a6 གསང་བའི་བདག་པོ་ལ།། སྙིང་པོའི་གནས་ལུགས་ཇི་ལྟར་གནས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སྙིང་པོའི་གནས་ལུགས་མཚོན་དུ་མེད།། རེ་ཞིག་གསུང་གི་སྒྲོན་མ་ཡིས།། མོས་ཚོགས་འདུས་པའི་འཁོར་ལ་བཤད།། སྙིང་པོའི་གནས
337a7 ལུགས་འདི་ལྟར་གནས།། ཀ་དག་ཟང་ཀར་གནས་པ་ཡིན།། དངོས་མེད་རྣལ་མར་གནས་པ་ཡིན།། སྐྱེ་བ་མེད་པར་གནས་པ་ཡིན།། འགག་པ་མེད་པར་གནས་པ་ཡིན།། གཉིས་སུ་མེད་པར་གནས་པ་ཡིན།། རང་གྲོལ་ཆེན་པོར་གནས་པ་ཡིན།། རྒྱུ
iiif viewer powered by OpenSeadragon
