| e-texts navigator |
| Wylie |
269a1 པའི་དག་འ་རྣམས།། གཞིལ་མེད་པ་ལྡད་ཅོད་པས།། འཁྲུལ་མེད་ཡེ་ཤེས་རྣམ་པར་དག། མུན་དུས་ནམ་ལངས་ཉི་ཤང་བཞིན།། མུན་པ་མ་སངས་འོད་དྲུགསལ།། ཡེགས་རིན་ཆེན་ཉི་ཤ་རབས།། མངག་འཁྲུལ་བའི་མུན་པ་སངས།
269a2 གཁྲུལ་སྣང་མ་སྤངས་འོད་གསལ་ཤར།། མ་རིག་འཁྲུལ་སྣང་ཐམས་ཅད་སངས།། ཡེ་ཤེས་མཁའ་གསལ་འཁྲུལ་མེད་རྒྱས།། འགྱུར་མེད་སངས་རྒྱས་ཆོས་སྐུར་གྱུར།། རྩེ་མེད་དབྱིངས་སུ་མངོན་སངས་རྒྱས།། འཁྲུལ་པ་མ་སྤངས་རྩད་ནས་ཆོད།། འགྱུར་བ་མེད་པར
269a3 རྒྱས་ཐོབ་ལ།། བསམ་མེད་བརྗོད་མེད་དབྱིངས་སུ་སྡོད།། འཁྲུལ་སྣང་ཐམས་ཅད་རྩད་བཅད་པས།། ཁམས་གསུམ་འཁོར་བ་ཕྱགས་མས་བཏབ།། མྱ་ངན་འདས་པའི་ཞིང་ཁམས་ལ།། ཐམས་ཅད་སངས་རྒྱས་ཆོས་སྐུར་སྣང་།། ཞེས་གསུངས་སོ།། རིན་པོ་ཆེ་བཅུད་ཀྱི
269a4 ཡང་སྙིང་སྤོས་གཅོད་རྩ་བའི་རྒྱུད་ལས། སེམས་ཅན་ཇི་ལྟར་འཁྲུལ་པ་དང་། དེའི་རྩད་གཅོད་ཐབས་བསྟན་པའི་ལེའུ་སྟེ་གསུམ་པའོ།། ། དེ་ནས་སྟོན་པ་ཀུན་བཟང་ལ།། རྡོ་རྗེ་སེམས་དཔས་འདི་སྐད་གསོལ།། སེམས་སྡེ་ཇི་སྙེད་ཡོད་པ་རྣམས།། དེ་ཡི་སྤྲོས་པ
269a5 ཇི་ལྟར་བཅད།། ཅེས་གསོལ་པ་དང་། ཀུན་ཏུ་བཟང་པོས་བཀའ་སྩལ་པ།། སེམས་སྡེ་སྤྲོས་གཅོད་བསྟན་པ་ལ།། ངོ་བོ་ཅིརརེ་ཡང་གཟུང་མེད་ལ།། མཚན་ཉིད་ཅིར་ཡང་འཆར་བ་ལ།། སྣ་ཚོགས་ངེས་མེད་བསམ་འདས་ཏེ།། མ་བཅོས་མ་བསླང་མ་བསམ་པར།།
269a6 མཐར་འཛིན་ཅིར་ཡང་སེམས་པ་མེད།། དེ་བཞིན་ཉིད་དུ་སྤྲོས་པ་ཆོད།། རིན་ཆེན་བཅུད་ཀྱི་ཡང་སྙིང་སྤྲོས་གཅོད་རྩ་བའི་རྒྱུད་ལས། སེམས་ཀྱི་སྤྲོས་པ་བཅད་པའི་ལེའུ་སྟེ་བཞི་པའོ།། །། དེ་ནས་སེམས་ཉིད་ཀུན་བཟང་ལ།། རྡོ་རྗེ་སེམས་དཔས་འདི་སྐད་གསོལ།། ཆོས
269a7 སྡེ་ཇི་སྙེད་ཡོད་པ་རྣམས།། དེ་ཡི་སྤྲོས་པ་གང་དུ་བཅད།། ཅེས་གསོལ་པ་དང་། ཀུན་ཏུ་བཟང་པོས་བཀའ་སྩལ་པ།། བརྒྱད་ཁྲི་བཞི་སྟོང་ཐེག་པ་རྣམས།། ཆོས་ཀྱི་སྡེ་ཚན་ཐམས་ཅད་ཀུན།། མཚན་ཉིད་ཅིར་ཡང་མ་ཡིན་པས།། འདི་ཞེས་བསྟན་དུ་མེད་པ་ལ།། བཤད
iiif viewer powered by OpenSeadragon
