| e-texts navigator |
| Wylie |
179b1 ཅིག། ས་མེད་ས་བཅུར་མ་བགྲོད་ཅིག། རྟེན་མེད་དམིགས་ཀྱང་མ་འཆའ་ཞིག། སྒྲིབ་མེད་སྒྲིབ་གཉིས་མ་སྐྱོངས་ཤིག། ཡུལ་མེད་ཚོགས་གཉིས་མ་གསོག་ཅིག། སེམས་ལ་གཉེན་པོ་མེད་པར་སྦྱོར།། ལུང་ལས་མ་བཏུས་མན་ངག་གིས།། སེམས་ལས
179b2 མ་རྟོག་སངས་རྒྱས་བརྙེས།། རྒྱུ་ལས་མ་བྱུང་འབྲས་བརྩོན་འདྲ།། དེ་ཡང་སེམས་དཔའ་རྡོ་རྗེ་ཁྱོད།། ཇི་བཞིན་པ་ཡི་དེ་ཉིད་ལ།། སངས་རྒྱས་ཉིད་ཀྱིས་བྱར་མེད་པས།། བློ་དང་བློ་ཡི་སྣང་བ་ཡིས།། གང་གིས་བཅོས་ཏེ་སུ་ཡིས་བྱས།། བྱེད་པ་པོ་ཡང་ག་ལ་ཡོད།།
179b3 རྫོགས་པ་ཆེན་པོ་ལྦུ་བ་ཐམས་ཅད་ཀྱི་སྙིང་པོ་ལས། ཐེ་ཚོམ་བསལ་བའི་ལེའུ་སྟེ་བཅུ་དགུ་པའོ།། ། ཀུན་རིག་སེམས་ཀྱི་རྒྱལ་པོ་ཡིས།། འདུས་པའི་ཚོགས་ལ་བཀའ་སྩལ་པ།། སེམས་དཔའ་རྡོ་རྗེ་ང་ཡི་ཆོས།། འབྱུང་བ་ལྔ་དག་ཉོན་མོངས་དག
179b4 པ་ནི།། སྣང་སྟོང་གོ་འབྱེད་ཀུན་ཁྱབ་མཁའ།། ཐེག་ཆེན་པོ་ལ་ཀུན་གནས་པས།། ཞི་གནས་རྣམ་དག་རྒྱ་ཆེན་པོ།། ལྷག་མཐོང་ཡེ་ཤེས་འོད་འབར་མེ།། ཤེས་བྱ་ཐོགས་མེད་ཡོ་ཤེས་རླུང་།། ཀུན་ལ་ཁྱབ་པས་ནམ་མཁའི་དབྱིངས།། འབྱུང་བ་ཡེ་ཤེས་ལྔ་རུ་དག།
179b5 དེ་ཡང་སེམས་དཔའ་རྡོ་རྗེ་ཁྱོད།། མ་འདྲེས་ཡོངས་རྫོགས་གསལ་སྟོང་གཟུགས།། ཁམས་གསུམ་རང་བཞིན་གོ་བའི་སྒྲ།། དམ་པའི་ཚིསྒྲ་བྱེད་ཆོས་ཀྱི་དྲི།། སྣོད་བཅུད་ཉམས་སུ་མྱོང་བའི་རོ།། བདེ་མཆོག་དོན་ལ་རེག་པའི་ཐུགས།། དེ་ཡང་འདུས་པའི་ཚོགས་རྣམས
179b6 ཀུན།། ཅི་ཡང་མི་སེམས་གཏི་མུག་ལ།། དངོས་པོ་ཀུན་བཅོམ་ཞེ་སྡང་ཉིད།། ཡེ་ཤེས་ང་རྒྱལ་བདག་ཉིད་ཆེ།། རང་བཞིན་སྙིང་རྗེ་འདོད་ཆགས་ཆེ།། སེམས་ཉིད་མི་འགྱུར་གཞན་ཕྲག་དོག། འབྱུང་བ་འདོད་ཡོན་དུག་ལྔ་ཡང་།། ཐམས་ཅད་ཡེ་ཤེས་ཆེན་པོར་དག།
179b7 ཀུན་གྱི་རང་བཞིན་དེ་ཤེས་པས།། དེ་ཉིད་དབང་དུ་ཐམས་ཅད་འདུས།། ཀུན་ལ་དབང་བསྒྱུར་ཐོབ་པས་ན།། ཡེ་དབང་ཆེན་པར་རྫོགས་པ་ཡིན།། ཡེ་ཤེས་སེམས་དཔའ་ཆེན་པོ་ཁྱོད།། འཇིག་རྟེན་མ་ལུས་ཁམས་རྣམས་ཀྱང་།། བསམ་གྱིས་མི་ཁྱབ་ཚིམ་གྱུར་ཀྱང།
iiif viewer powered by OpenSeadragon
