| e-texts navigator |
| Wylie |
176b1 རྫོགས།། ཆོས་རྣམས་ལྟ་བས་ཟག་བཅད་པས།། ཤེས་རབ་ཕ་རོལ་ཕྱིན་པ་རྫོགས།། སྣང་བ་གང་ཡང་མི་འགོག་པས།། ཐབས་ཀྱི་ཕ་རོལ་ཕྱིན་པ་རྫོགས།། མི་གནས་བླ་མེད་དོན་རྟོགས་པས།། སྨོན་ལམ་ཕ་རོལ་ཕྱིན་པ་རྫོགས།། མ་རིག་མུན་པ
176b2 ཀུན་བཅོམ་པས།། སྟོབས་ཀྱི་ཕ་རོལ་ཕྱིན་པ་རྫོགས།། འཁོར་འདས་ཡེ་ཤེས་ལྷུན་རྫོགས་པས།། ཡེ་ཤེས་ཕ་རོལ་ཕྱིན་པ་རྫོགས།། ལུས་ངག་དེ་ལས་མ་ཉམས་པས།། རྫོགས་ཆེན་མ་ལུས་ཐམས་ཅད་རྫོགས།། དེ་ཡང་སེམས་དཔའ་རྡོ་རྗེ་རྗོད།།
176b3 དྲཔེར་ན་ཡིད་བཞིན་ནོར་བུ་ལ།། དགོས་འདོད་ཐམས་ཅད་རྫོགས་པ་བཞིན།། ཆོས་ཉིད་རིག་པའི་དབང་ཐོབ་པས།། ཕྱི་ནང་དབང་རྣམས་དེ་ལ་རྫོགས།། མི་རྟོག་ཡེ་ཤེས་བགེགས་བསལ་བས།། ཕྱི་ནང་མཚམས་གཅོད་དེ་ལ་རྫོགས།། མ་རིག་རྣམ་ཞེག
176b4 སླེ་བ་མེད་པས།། དོན་གྱི་བཤགས་པ་དེ་ལ་རྫོགས།། གཉིས་མེད་དོན་ལ་རང་གནས་པས།། བྱིན་ཆེན་དབབ་པ་དེ་ལ་རྫོགས།། ཉོན་མོངས་བདུད་རྩི་ཆེན་པོ་ལ།། ཡེ་ཤེས་བྱིན་རླབས་དོན་གྱིས་རྫོགས།། འབྱུང་བ་ལྔ་ཡིས་ཀུན་ཁྱབ་པས།། དབང་ཆེན
176b5 རིག་པ་དོན་གྱིས་རྫོགས།། ཕྱོགས་བཅུ་རང་བཞིན་ལྷུན་གྲུབ་པས།། གཞལ་ཡས་ཁང་ཆེན་དེ་ལ་རྫོགས།། རིག་ཚོར་དོན་གྱི་ལྷ་ཡིན་པས།། ཡེ་ཤེས་ལྷ་རྣམས་དེ་ལ་རྫོགས།། སངས་རྒྱས་སེམས་ཅན་དབྱེར་མེད་པས།། སྤྱན་དྲངས་བསྟིམ་པ་དེ་ལ
176b6 རྫོགས།། ཆོས་ཉིད་དོན་ལས་མི་འགྱུར་བས།། བརྟན་པར་བཞུགས་པ་དེ་ལ་རྫོགས།། ཐམས་ཅད་བཟང་ངན་མིང་མེད་པས།། ཟིལ་གྱིས་མནན་པ་དེ་ལ་རྫོགས།། ཐམས་ཅད་འདྲེས་པ་ཆེན་པོ་ལ།། ནན་ཏན་ཕྱག་རྒྱ་དེ་ལ་རྫོགས།། བསྒྲུབ་སྤྱོད་ཐམས
176b7 ཅད་ཡེ་ཤེས་པས།། ཕྱག་རྒྱའི་མཆོད་པ་དེ་ལ་རྫོགས།། སེམས་ཅན་ཆོས་ཉིད་དོན་འབྱོར་པས།། སྐྱོང་སྒྲོལ་མཆོད་པ་དེ་ལ་རྫོགས།། ཡོན་ཏན་ཐམས་ཅད་ཀུན་གྲུབ་པས།། མཐར་ཕྱིན་སྨོན་ལམ་དེ་ལ་རྫོགས།། སྐུ་གསུང་ཐུགས་ཀྱི་དོན་རྟོགས་པས།།
iiif viewer powered by OpenSeadragon
