| e-texts navigator |
| Wylie |
161a1 ཞིང་སྲིད་པའི་སངས་རྒྱས་ལོགས་ན་མེད།། དེ་ཕྱིར་རྒྱུ་ལས་མི་རྩོལ་འབྲས་བྲ་ལ།། རེ་དོགས་རྩོལ་བ་རྒྱ་མཐོར་ཆུ་བོར་ནས།། སྤྲི་ཏུང་རི་དྭགས་ཆུར་མཐོང་བསྒེགས་པ་བཞིན།། བསྒོམ་མེད་དོན་ཉིད་བོར་ནས་སུ་བསྒོམ་པ།། བྱང་ཆུབ་མེད་པར
161a2 རང་གི་སྡུག་བསྔལ་སྟོན།། དེ་ཡང་རྡོ་རྗེ་སེམས་དཔའ་ཡིད་ཀྱིས་ཉོན།། རང་རིག་འདི་ཉིད་རྟོགས་པའི་རྣལ་འབྱོར་པ།། ཡེ་ཤེས་བཅུད་ཉིད་ཆོས་ཀྱི་གཏེར་དུ་སྨིན།། ནམ་མཁའ་གོ་ཡངས་འབྱུང་བའི་ལམ་དུ་བདེ།། རྟོགས་པའི་གོ་ཡངས་སངས་རྒྱས་ལམ་དུ་བདེ།།
161a3 གདམས་ངག་གོ་ཡངས་བསྒོམ་པའི་ལམ་དུ་བདེ།། དུས་གསུམ་འགྱུར་མེད་དང་དགེ་ལྟ་བའི་དབྱིངས།། འདོད་དབུ་རང་ལས་ཡོན་ཏན་འཆང་པའི་ཕྱིར།། རྒྱུ་འབྲས་གཞན་ལ་རག་མ་ལུས་པས་ཟབ།། ཡེ་ནས་ཆོས་ཉིད་ཡེ་ཤེས་རང་བྱུང་ལ།། འཁོར་བར་གནས་ཀྱང
161a4 སྒྲིབ་པས་གོས་པ་མེད།། དེ་ཕྱིར་དོན་རྟོགས་ད་ལྟ་ཉིད་ནས་ནི།། ཆོས་སྐུ་མངོན་དུ་གྱུར་པས་སངས་རྒྱས་ཡིན།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། ཡེ་ཤེས་དོན་ལ་ལ་བཟླ་བའི་ལེའུ་སྟེ་ཉེར་བརྒྱད་པའོ།། །། དེ་ནས་རྡོ་རྗེ་སེམས
161a5 དཔས་ཡང་ཞུས་པ།། ངེས་དོན་ཆོས་སྐུ་རྟོགས་པའི་རྣལ་འབྱོར་ལ།། དུག་ལྔ་མ་སྤངས་རང་གྲོལ་ཇི་ལྟར་འབྱུང་།། ཚོགས་མ་བསགས་པར་གཟུགས་སྐུ་གང་ལས་འབྱུང་།། གོང་འོག་ཐེ་ཚོམ་གེགས་ནི་ཇི་ལྟར་སེལ།། དེ་སྐད་ཞུས་པའི་དོན་གསན་བཀའ་སྩལ
161a6 པ།། དུག་ལྔ་མ་སྤངས་རང་སར་གྲོལ་བ་ཡང་།། དཔེར་ན་རིན་ཆེན་འོད་ཀྱིས་མུན་སེལ་ལྟར།། འཁོར་བའི་ཐོག་མཐའ་རྩད་ནས་ཆོད་པའི་ཕྱིར།། ངོ་བོ་ཉིད་ཀྱི་སྒྲ་རུ་རང་རྟོགས་ན།། གདོད་ནས་མ་རིག་དག་པས་གཏི་མུག་བྲལ།། ད་ཡང་འདུས་པའི་རྡོ་རྗེ
161a7 སེམས་དཔའ་ཉོན།། མ་རིག་མེད་ཕྱིར་ཞེ་སྡང་ཡུལ་མེད་པས།། ཁ་དོག་ཡུལ་ལ་མནར་སེམས་བྱེད་པ་ཡང་།། བ་མོ་ལ་ནི་ཉི་ཤར་དངོས་མེད་ལྟར།། ཡུལ་དང་འབྲེལ་མེད་དྲན་པས་ཞེ་སྡང་གྲོལ།། ཕོ་མོ་ཆགས་པ་ལས་ཀྱིས་སྐྱེ་གྱུར་ཚེ།། སྔ་ཕྱི་མ་སོང་དེ་དུས
iiif viewer powered by OpenSeadragon
