| e-texts navigator |
| Wylie |
148b1 གདུང་བ་བད་ཀྱར་ཡད་བྱོས་དན་གསལ་པ།། མངག་ལས་ཀྱིས་སྡུག་བསྔལ་འཐམས་པའི་སེམས།། གཟུང་བ་ན་པ་གཆགས་དབང་གིས་ཞན་པ་ལ།། ནཱམ་རྟག་དྲ་པ་གང་གྲེས་བཅད་པ་དེ་ཐབས།། ཐུགས་རྣ་ཆེན་པས་མོ་འོང་ན་མར་ཆད།།
148b2 ཏུ་རྣལ་འབྱོར་བཀའ་དོན་འབྱུང་བ་དཀང་།། སེམས་ཅན་ཚེ་ཐུང་སྐྱེ་ནས་གཏིང་ནས་ཐུག། མ་རིག་མུན་པས་གཏིབས་པ་སྙིང་རེ་རྗེ།། འགྲོ་དྲུག་འཁོར་བ་མི་སྒྲོལ་ཡི་རེ་མུག། རང་སེམས་ས་འཁོར་བདག་ལས་མཁན་མཛོད། སེམས་ཅན་ལས་ལཾ་ཐུགས
148b3 རྗེས་ཡི་ཆད་ཀྱང་།། སྙིང་རྗེས་འགྲོ་དོན་ཐུགས་རྗེ་མི་མཛད་དམ།། སེམས་ཅན་ལྷ་མེ་རྣམས་ནི་ཤེས་པ་རྩིང་།། དབང་པོ་ཡུལ་ལ་གཡེངས་པའི་གཟུང་འཛིན་གྱིས།། འཚོ་བ་དཀོན་ལ་ནཱད་དང་རྐྱེན་མང་བས།། ཐར་ལམ་མི་འཐོབ་འཁོར་བར་ལྟུང་ཞིང་འཁྱམས།།
148b4 ངེས་དོན་མན་ངག་རྟོགས་པར་བྱ་བའི་དོན།། བཀའ་བཞིན་སྣོད་དང་ལྡན་པར་དམ་བཅས་པས།། མ་བསྒོམས་འབྲལ་མེད་ངེས་དོན་ཐུགས་རྗེས་གསུངས།། རྫོགས་པ་ཆེན་པོའི་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། འཁོར་གྱིས་གདུང་བ་བཏོན་པའི
148b5 ལེའུ་སྟེ་གཉིས་པའོ།། ། དེ་ནས་འདུས་པའི་རྡོ་རྗེ་སེམས་དཔའ་ལ།། ཐུགས་ཀྱིས་གཟིགས་ནས་ངེས་པར་བཀའ་སྩལ་པ།། བསྒོམ་དུ་མེད་པ་མེ་འབྲལ་གདམས་ངག་རྒྱུན།། ཀུན་བཟང་དེ་ཡི་ཐུགས་ནས་བརྒྱུད་པ་ཡི།། ངེས་དོན་བྱིན་གྱིས
148b6 བརླབས་པའི་མཁས་པ་ལ།། རང་སེམས་རྟོགས་འདོད་སློབ་མ་ལས་ཅན་གྱིས།། དད་པས་རང་ཉིད་ཤིན་ཏུ་གུས་བྱས་ནས།། ལུས་དང་ལོངས་སྤྱོད་སྲོག་ལ་མི་བལྟ་བར།། སྲིང་མོ་བུ་མོ་ལ་སོགས་རབ་བརྒྱན་ཏེ།། རྟ་དང་གླང་པོ་ནོར་གྱི་དབྱིག་རྣམས་ཀྱང་།།
148b7 སེར་སྣ་མེད་པར་བླ་མ་དག་ལ་འབུལ། དེ་ཡང་འཁོར་གྱི་སྙིང་པོ་ཉོན།། ཆོས་ཕྱིར་བརྩོན་འགྲུས་ཆེ་ལ་དམ་ཚིག་ལྡན།། བློ་བརྟན་ཤེས་རབ་ཆེ་ཞིང་དོན་གསང་ཐུབ།། ཚུལ་ཤིས་དང་བཟང་རྣམས་ཀྱི་དོན་གྱི་གཏེར།། དེ་དག་ཡོན་ཏན་བརྒྱ་ལྡན་སློབ་མ་ལ།། རབ་ཏུ་གས
iiif viewer powered by OpenSeadragon
