| e-texts navigator |
| Wylie |
98a1 མདོདག།། བཆར་ན་གྲུས་ན་ས་མ་ལ།། རྟགས་དང་མས་ས་མདུལ།། སངས་ཐས་སེམས་ཅན་བྱས་པ་མམ།། ཐོགས་སཏས་བྱས་སདངས།། ལནམ་ཐགས་རྒྱས་ས་མམ།། མདངན་ཀྱངས་སྲུང་བབས
98a2 པ་འགག་མེད་གྱེས་མདོ་ཡིན།། ཅེས་སོ།། ནམ་མཁའ་འབར་བའི་རྒྱུད་ལས། སངས་རྒྱས་སེམས་ཅན་གྱི་གྱེས་མདོ་བསྟན་པའི་ལེའུ་སྟེ་སུམ་ཅུ་པའོ།། ། དེ་ནས་རང་བྱུང་དང་དངས་ཀྱིས།། མིང་མེད་སྟོན་པ་ཀུན་ཐོལ་ལ།། ཟློས་བཏགས་ཆོས་རྣམས་ཡོད་དམ
98a3 མེད།། བྱར་མེད་བློ་འདས་གང་ལ་ཟེར།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། འཁོར་གྱི་དྲི་བ་གཉིས་པོ་དེ།། རྟོགས་དང་མ་རྟོགས་གང་ལ་འདྲི།། མ་རྟོགས་པ་ལ་འདྲི་བ་ན།། ཇི་སྲིད་རྣམ་རྟོག་བློ་འཁྲུལ་མ་ཟད་པར།། བློས་བཏགས་ཆོས་རྣམས་ཟད་པ་མེད
98a4 པ་ཡོད།། རྣམ་རྟོགས་འཁྲུལ་པ་མ་ཟད་པར།། བློས་བཏགས་ཆོས་རྣམས་ཡོད་པར་གསུངས།། རྣམ་རྟོག་འཁྲུལ་པ་ཟད་པ་ན།། བློས་བཏགས་ཆོས་རྣམས་གཅིག་ཀྱང་ཡོད་མ་ཡིན།། བློ་ཟད་བློས་བཏགས་ཆོས་རྣམས་ཟད།། ཅེས་གསུངས་སོ།། དེ་ནས་འཁོར་གྱིས་སྟོན་པ་ལ
98a5 ཞུས་པ།། བྱེད་མེད་བློ་འདས་གང་ལ་ཟེར།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། བློ་དང་དངོས་པོ་འཕྲད་ནས་ཆོས་དང་སེམས་འདྲེས་ཙམ་ན། རིག་རླག་སེམས་མེད་ཡིད་ཀྱི་རྣམ་རྟོག་ཟད།། བྱ་བའི་ཡུལ་མེད་རྩོལ་བསྒྲུབ་སེམས་དང་བྲལ།། བློ
98a6 འདས་དོན་ལ་བློས་བཏགས་ཆོས་རྣམས་མེད།། ཅེས་གསུངས་སོ།། ནམ་མཁའ་འབར་བའི་རྒྱུད་ལས། བློས་བཏགས་ཆོས་རྣམས་མེད་པར་བསྟན་པའི་ལེའུ་སྟེ་སོ་གཅིག་པའོ།། ། དེ་ནས་རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ།། བློས་བཏགས
98a7 ཆོས་དེ་ཚིག་གིས་བཏགས་མ་བཏགས། བཏགས་ན་བློ་འདས་ཆོས་དང་ཁྱད་པར་ཅད་བདོག་གམ། ཅི་སྟེ་ཞེ་ན་གཉིས་ཀ་ཚིག་གིས་མཚོན་ཅིང་མིང་དུ་བཏགས་པའི་ཕྱིར། ཞེས་སྟོན་པ་ལ་ཞུས་པ། སྟོན་པས་འཁོར་ལ་བཀའ་སྩལ་པ། བློས་བཏགས་ཆོས་དང་བློ་འདས་མིང་མེད་གཉིས།
iiif viewer powered by OpenSeadragon
