| e-texts navigator |
| Wylie |
348a1 @#ཞུགས་པ།། བྱ་བ་བཏང་བའི་མི་དང་འདྲ།། དེ་ཡང་འདུས་པའི་སྙིང་པོ་ཉོན།། དེ་ཕྱིར་འཁོར་འདས་གཉིས་ཀྱི་གཞི།། རང་བཞིན་ངོ་བོའི་ལུས་དང་ནི།། རྟོགས་པའི་ངོ་བོ་ཉིད་སྐུ་གཉིས།། གནས་སྐབས་འབྲེལ་མེད་མཐར་ཐུག
348a2 དེ་ཕྱིར་ལྷུན་གྲུབ་སངས་རྒྱས་ཡིན།། རྫོགས་པ་ཆེན་པོ་དེས་དོན་ཐམས་ཅད་འདུས་པའི་ཡང་སྙིང་། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་རིན་པོ་ཆེ་གསེར་གྱི་ཡང་ཞུན་ལས། འཁོར་འདས་གཉིས་ཀྱི་གཞི་རང་བཞིན་གྱི་ལུས་བསྟན་པའི་ལེའུ་ལྟེ་དྲུག་པའོ།
348a3 དེ་ཡང་རྡོ་རྗེ་སེམས་དཔའ་ཉོན།། མུ་སྟེགས་རྟག་པའི་འཁྲུལ་དཔེ་ནི།། འཁྲུལ་སྨན་ཆེན་པོ་དང་འདྲ་སྟེ།། གཞི་དང་འཁྲུལ་པའི་ཉེས་པ་དེ།། སུན་འདོན་ལ་བློ་གྲངས་བསྟན་པ།། འཁྲུལ་གཞི་མེད་པའི་འཁྲུལ་པ་དེ།། རི་བོང་རྭ་བཞིན་ཡོད་མི
348a4 སྲིད།། འཁྲུལ་གཞི་ལས་ནི་འཁྲུལ་པ་བྱུང་།། དེ་ཕྱིར་དབྱེ་བ་ཤིན་ཏུ་གཅེས།། དེ་ཡང་འདུས་པའི་སྙིང་པོ་ཉོན།། ངོ་བོ་མི་འགྱུར་གཞི་བྱས་ནས།། ཁ་དོག་དབྱིབས་ཅན་དག་ཏུ་འཁྲུལ།། ལོག་པའི་དཀའ་ཐུབ་དམྱལ་བར་ལྟུང་།། རིག་པས
348a5 བརྟགས་ན་བདག་མ་གྲུབ།། དེ་ཉིད་དོན་ཤེས་ལ་ཟློའོ།། དེ་ཡང་འཁོར་གྱི་སྙིང་པོ་ཉོན།། མུ་སྟེགས་ཆད་པའི་དབྱེ་བ་ནི།། ཁ་དོག་དབྱིབས་མེད་ཆད་གཞི་བྱས།། སྔ་ཕྱི་རྒྱུ་འབྲས་མེད་པར་འཁྲུལ།། སྲུར་བཏབ་དམྱལ་བ་ཆེན་པོར་སྲུང་།།
348a6 ཆད་དུ་མིན་སྟེ་རིག་པར་ཡོད།། དེ་ཕྱིར་གཞི་ལ་གོལ་མེད་པས།། རང་བྱུང་ཡེ་ཤེས་ཀློང་ན་གནས།། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས། མུ་སྟེགས་འཁྲུལ་ཚུལ་བསྟན་པའི་ལེའུ་སྟེ་བདུན་པའོ།། ། ཀུན་རིག་སྟོན་པས་ཡང་གསུངས་པ།
348a7 གཞི་ནི་མེ་ལོང་ལྟ་བུ་ལ།། གཟུགས་བརྟན་ཐེག་པ་རིམ་དགུ་བྱུང་།། ཕྱོགས་ཙམ་འཁྲུལ་ཚུལ་ངས་བཤད་ཉོན།། མཚན་ཉིད་ཐེག་པ་རྣམ་གསུམ་གྱི།། ཉན་ཐོས་རང་རྒྱལ་མདོ་སྡེ་ཡི།། དབྱེ་བའི་རྣམ་གྲངས་མདོར་བསྟན་པ།། སྣང་བའི་ཕྲ
iiif viewer powered by OpenSeadragon
