| e-texts navigator |
| Wylie |
225b1 ཚོད་ལུས་བསྒོམས་པ།། དཔེར་ན་བུམ་ནང་ནམ་མཁའ་བཞིན།། ཚེ་གཅིག་བསྒོམས་ཀྱང་ཡེ་ཤེས་མེད།། རྣལ་འབྱོར་མ་བསྒོམས་རྟོགས་པར་གྱིས།། དུ་ཡང་འདུས་པའི་སེམས་དཔའ་ཉོན།། ཡུལ་གྱི་རྐྱེན་གྱིས་རྟོག་གྱུར་ཚེ།། རྒྱ་ཡིངས
225b2 བཞི་དོན་གསལ་བ།། ཡེ་ཤེས་མ་བསྒོམས་བྲལ་བ་མིན།། བ་མོ་ལ་ནི་ཉི་ཤར་བཞིན།། ཡུལ་ཉིད་སེམས་སུ་མི་བསྒོམ་པས།། དྲན་རིག་ཆོས་ཉིད་བྱང་ཆུབ་སེམས།། དེ་ཉིད་སྤྱད་པའི་ཡུལ་ལས་འདས།། དེ་ཉིད་དོན་ལས་ཉམས་པ་མེད།། རང་སེམས་བྱེད།།
225b3 རྒོད་དུ་མ་གནས་ཚེ།། ནང་གི་དུས་བཞི་དོན་དྲན་པས།། ཚོགས་དྲུག་འགགས་ཀྱང་ཆོས་སྐུར་གསལ།། བུམ་པའི་ནང་གི་མར་མེ་འདྲ།། འཇིགས་པ་བརྒལ་འདོད་མི་བཞིན་དུ།། ཉམས་མེད་རིག་པའི་དོན་འདི་ལས།། ནད་གཅོད་སྡུག་བསྔལ་ཅི་བྱུང་ཡང་།།
225b4 མན་ངག་དྲན་པ་གཅེས་པར་གསུང་།། སངས་རྒྱས་སེམས་ཅན་གཉིས་ཀའི་གོང་།། གསང་བའི་དུས་གཅིག་ཉིད་དུ་ཤེས།། གོལ་ས་རྡུལ་ཙམ་མི་འབྱུང་བས།། དེ་ཚེ་ཆོས་སྐུ་ཟང་ཀ་མ།། མི་འགྱུར་བརྟན་པས་གསེར་བཞིན་ན།། དེ་ཕྱིར་སྐྱེ་བའི་རྒྱུ་མེད
225b5 པས།། ཐ་མ་འཆི་ཞིང་འཕོ་བ་མེད།། དེ་ལྟར་རིག་པ་རྫུན་མི་འཆད།། ལུས་ངག་ཡིད་གསུམ་སྐུ་གསུང་ཐུགས།། རྫོགས་པ་ཆེན་པོ་རིན་པོ་ཆེ་འཁོར་བ་རྩད་ནས་གཅོད་པའི་རྒྱུད་ལས། གདམས་ངག་མངོན་དུ་བསྟན་པའི་ལེའུ་སྟེ་ལྔ་པའོ།།
225b6 སེམས་དཔའ་ཆེན་པོ་དེ་ཡང་ཉོན།། ང་ཡི་རྟོགས་པ་ལ་བཟླན།། འདོད་ཆགས་ཞེ་སྡང་གཏི་མུག་ཀྱང་། སྤང་དུ་མེད་དེ་བྱང་ཆུབ་ལམ།། འདོད་ཡོན་ལྔ་ནི་ལོངས་སྤྱོད་རྒྱན།། ལུས་ལ་ཕོ་མོ་ཡོད་པའི་ཕྱིར།། ཆགས་པ་སྤྱོད་ཚེ་དོན་གྱིས་ཟིན།། གསལ་ཇེས
225b7 ཆོས་སུའི་སྙིང་པོ་ཉིད།། དེ་ཚེ་བདེ་བ་ལོངས་སྤྱོད་རྒྱན།། གཞི་པ་འཆིང་གྲོལ་མེད་པའི་ཕྱིར།། དཀར་པོའི་ཆོས་དང་སྡིག་ལ་སོགས།། གཉིས་ཀའི་འབྲས་བུ་མི་འབྱུང་བས།། སེམས་ཉིད་ཡེ་ནས་རྟོགས་པ་ཡིན།། དེ་ཕྱིར་དགེ་སྡིག་བྱེད་མཁན་མེད།།
iiif viewer powered by OpenSeadragon
