| e-texts navigator |
| Wylie |
121a1 བུ་བསྟན་པ་ནི།། གྱི་ཡི་འབྱུང་བལྔ་པོ་ཡེ་ཤེས་ལྔ།། ནང་གི་འབྲས་བུ་བསྟན་པ་ནི།། རྟགས་ཀྱི་ཡེ་ཤེས་ཚོན་གང་ལ།། ཡང་གསང་འབྲས་བུ་གཉིས་ཡིནན།། ངོ་བོ་རང་བཞིན་ཐུགས་རྔ་དང་།། རིག་པའི་ཡེ་ཤེས་ཀུན་ལ།
121a2 རེ་རེ་ལ་ཡང་བཞི་བཞིས་བསྐོར།། མཚན་ཉིད་འཛིན་པ་དབུས་གནས་ཏེ།། ཐམས་ཅད་ཡེ་ཤེས་ཆེན་པོར་ཤར།། ཐམས་ཅད་མཁྱེན་པའི་ཡེ་ཤེས་ལས།། ཐམས་ཅད་འབྱུང་ཡང་དང་བྱུང་ལ།། ཐམས་ཅད་འགགས་ཀྱང་རང་འགགས་ལ།། ཐམས་ཅད་གྲོལ་ཡང
121a3 རང་གྲོལ་ལས།། འབྲས་བུ་ཐོབ་པའི་ས་མེད་དེ།། དཔེར་ན་རྒྱ་མཚོའི་ཉ་མོ་བཞིན།། གར་བྱིན་རྒྱ་མཚོའི་ནང་དུ་གནས།། ལྷུན་གྱིས་གྲུབ་པས་ཐོབ་པ་མེད།། པད་མ་ནོར་བུ་རིན་པོ་ཆེ།། ཐམས་ཅད་གཅིག་ལས་རང་བྱུང་བས།། དེ་ནི་ལྷན་གྲུབ་ཆོས་སྐུའོ།། དབང
121a4 པོ་རབ་ཀྱི་ཆོས་ཡིན་ཏེ།། འབྲིང་དང་ཐ་མ་འཁྱམས་པར་མཆིའོ།། རྫོགས་ཆེན་གནད་དུ་མ་ཕེབས་པར།། ཆོས་སྤྱོད་གང་དགར་བཏང་བ་ནི།། དེ་ནི་རྫོགས་ཆེན་རྒྱུན་ཆད་ཡིན།། རྫོགས་ཆེན་རྟག་ཅིང་མ་ཆད་པར།། དགེ་སྡིག་འཚལ་བར་སྤྱོད་པ་ནི།། དེ་ནི་རྫོགས་ཆེན་དྲང
121a5 ཐད་ཡིན།། རྫོགས་ཆེན་རྒྱུད་ལ་མ་ཐེབས་པར།། ཐོས་བསམ་བསྒོམ་སྒྲུབ་མི་བྱེད་པ།། དེ་ནི་རྫོགས་ཆེན་རྒྱལ་པ་ཡིན།། ཡེ་ཤེས་གནད་དུ་མི་འཛིན་པར།། སེམས་འཛིན་ཕྲ་མོ་བརྩམ་པ་ནི།། དེ་ནི་སྒྲོན་མའི་ཡིད་སྨོན་ཡིན།། སེམས་འཛིན
121a6 གཅིག་ལ་ཡང་འཆའ་བ།། དེ་ནི་ལོང་བའི་ལམ་སྣ་ཡིན།། གདམས་ངག་ཕྱོགས་རེ་མ་རྫོགས་པར།། རྒན་མོ་མཛུབ་ཚུགས་བསྒོམ་པ་ནི།། དམ་པར་ཞེན་པའི་བསྒོམ་པ་ཡིན།། ཞེ་འདོད་གཅིག་ལ་རྟེན་འཆའ་བས།། རྒང་པོ་མཁར་ཐོགས་བསྒོམ་པ་ནི།།
121a7 ནི་ལོང་བའི་ལམ་རྒྱས་ཡིན།། བདེ་བའི་ཉམས་མྱོང་ལ་བརྟེན་ནས།། གཞོན་པ་བདེ་བ་བསྒོམ་པ་ནི།། དེ་ནི་གཞོན་པའི་རྨི་ལམ་ཡིན།། ཞེས་གསུངས་སོ།། ཀུན་ཏུ་བཟང་པོ་སྲོག་གི་ཐིགས་པ། འབྲས་བུ་ཡེ་གྲོལ་ཆེན་པོའི་རྒྱུད་རྫོགས་སོ།།
iiif viewer powered by OpenSeadragon
