| e-texts navigator |
| Wylie |
107a1 @ངོ་བོར་འབྲེལ་པ་ཡིན།། ཞེས་གསུངས་སོ།། ཕུན་སུམ་ཚོགས་པ་དང་གླེང་བསློང་དང་གླེང་གཞིའི་ལེའུ་སྟེ་དང་པོའོ།། །། དེ་ནས་ངང་དངས་ཁྱེའུ་ཆུང་གིས།། ཀ་དག་ཉིད་ལ་འདི་སྐད་ཞུས།། སེམས་དང་ཆོས་རྣམས་ཡོད་དམ་མེད།། སྒྲ་དང་ཡེ
107a2 ཤེས་གང་ལ་ཟེར།། དུག་ལྔ་སྐུ་ལྔ་ཡོད་དམ་མེད།། མ་རིག་ཡེ་ཤེས་ཅི་ལ་ཟེར།། འཁོར་བ་མྱང་འདས་ཡོད་དམ་མེད།། སངས་རྒྱས་སེམས་ཅན་ཅི་ལ་ཟེར།། དགེ་སྡིག་བྱ་བ་ཡོད་དམ་མེད།། མཐོ་རིས་ངན་སོང་ཅི་ལ་ཟེར།། ཆོས་རྣམས་ཉན་བཤད་ཡོད་དམ་མེད།། ཐེག་སྒོ་རབ
107a3 འབྱམས་ཅི་ལ་ཟེར།། བག་ཆགས་སྒྲིབ་གཡོགས་ཡོད་དམ་མེད།། ལས་འགྲོ་རྣམ་སྨིན་ཅི་ལ་ཟེར།། ཞེས་སྟོན་པ་ལ་ཞུས་སོ།། འཁོར་གྱིས་གླེང་སློང་བའི་ལེའུ་སྟེ་གཉིས་པའོ།། །། དེ་ནས་དད་དངས་ཁྱེའུ་ཆུང་གིས།། ཆོས་དང་སེམས་རིག་ཡོད་དམ་མེད།། ཅེས་ཞུས་པ་དང་།།
107a4 སྟོན་པས་འཁོར་ལ་བཀའ་སྩལ་པ།། དངོས་མེད་ཀ་དག་སྟོད་པ་ལ།། ཆོས་རྣམས་མིང་ཡང་ཡོད་མ་ཡིན།། ཆོས་སུ་སྣང་བ་འཁྲུལ་པའི་སེམས།། ཆོས་རྣམས་སེམས་ཀྱི་འཁྲུལ་པ་ཡིན།། བྱར་མེད་བློ་འདས་ཆོས་རྣམས་མེད།། སེམས་མེད་རིག་མེད་འཛིན་རྟོག་མེད།། སེམས་མེད་ཀ་དག
107a5 ཀློང་དུ་གྱུར།། རིག་མེད་དང་དངས་སྟོང་སང་ངོ་།། གསལ་གདངས་ཅིར་ཡང་བརྗོད་དུ་མེད།། ཅེས་གསུངས་སོ།། སེམས་དང་ཆོས་མེད་པར་བསྟན་པའི་ལེའུ་སྟེ་གསུམ་པའོ།། ། དེ་ནས་ངང་དངས་ཁྱེའུ་ཆུང་གིས་ཞུས་པ། སྐྲ་དང་ཡེ་ཤེས་ཅལ་ཟེར།། ཞེས་ཞུས་པ
107a6 དང་། སྟོན་པས་འཁོར་ལ་བཀའ་སྩལ་པ།། སྐྲ་དང་ཡེ་ཤེས་བླ་དགས་ཡིན།། ཀ་དག་ཉིད་ལ་སྐུ་དང་ཡེ་ཤེས་མེད།། ཅེས་གསུངས་སོ།། སྐུ་དང་ཡེ་ཤེས་མེད་པར་བསྟན་པའི་ལེའུ་སྟེ་བཞི་པའོ།། །། དང་དངས་ཁྱེའུ་ཆུང་གིས་ཞུས་པ།། དུག་ལྔ་སྐུ་ལྔ་ཡོད
107a7 དམ་མེད།། མ་རིག་བྱ་བ་ཅི་ལ་ཟེར།། ཞུས་པས། སྟོན་པས་བཀའ་སྩལ་པ། ཀ་དག་དྲི་མེད་དུག་མེད་པས།། དུག་ལྔ་སྤུ་ལྔ་གཉིས་ཀ་མེད།། འདོད་ཆགས་ཞེ་སྡང་གཏི་མུག་མེད།། ང་རྒྱལ་ཕྲག་དོག་གནས་དག། སྒྲ་གསུམ་དབྱེར་མེད་སྐྲ་ལྔ་མེད།། ཀ་དག་སྟོང་གསལ་མ
iiif viewer powered by OpenSeadragon
