| e-texts navigator |
| Wylie |
8b1 འབྲིང་ཐ་མ་གསུམ་གྱི་ཉམས་སུ་བླང་ལུགས་བསྟན་པའི་ལེའུ་སྟེ་དན་པའོ།། ། དེ་ནས་ཡང་གསང་བའི་བདག་པོས་ཞུས་པ་ཀྵེ་ཀྱེ་བཅོམ་ལྡན་ཁྲོ་གཉེར་ཅན།། ཕུང་པ་དོན་ལ
8b2 ཇི་ལྟར་སྦྱངས་འདུར་ཁྲོད་ཞེས་ནི་གང་ལ་བགྱི།། མཐོང་སྣང་རིམས་ཀྱིས་ཇི་ལྟར་འཆང་།། རིག་པའི་རྒྱལ་པོས་གསུང་དུ་གསོལ།། ཞེས་ཞུ་སོ།། ཡང་གསུང་བ།། ཕུང་པོའི་དོན་ནི་འདི་བཞིན་ཏེ།། ད་ལྟའི་བག་ཆགས་རྣམ་རྟོག་ལ།
8b3 རྟོགས་པའི་ཡིས་མ་སྐྱེས་པས་ཤ་མ་རིག་རང་དགར་གཟུང་འཛིན་སྤྱད།། ཉོན་མོངས་དུག་ལྔའི་དབང་དུ་གྱུར།། རིག་པའི་ཡིས་ཕུང་ཞེས་བྱ། པོ་ནི་རངས་མ་ཟིན་འཇིགས་པའོ།། འབར་ནི་ཉོན་མོངས་དུག་ལྔ་འབར།། རྒྱུད་ནི་འཁོར་བ་རང
8b4 དགར་རྒྱུད།། དུར་ཁྲོད་མི་གཙང་ནང་ན་གནས།། མ་རིག་མ་རྟོགས་དུས་ནའོ།། སྐྱོན་གྱི་མཐའ་གསུམ་སེལ་འགྱུར་ན།། མ་རིག་སེམས་ཀྱི་བརྡར་ཤ་གཅད།། དུག་ལྔ་རང་གྲོལ་ཡིས་ཏེ།། དེ་ལྟར་རིག་པའི་དོན་ཤེས་ན།། རིག་པ་མ་ཡིན
8b5 གཞན་སྣང་མེད།། སྐྱེ་མེད་ཆེན་པོའི་ངང་དུ་གྲོལ།། ཐམས་ཅད་མངོན་སངས་ཉིད་དུ་རྒྱས།། དེ་ལྟར་ཐ~ཾད་རྒྱས་ཐེབས་ན།། ཕུང་ནི་མ་རིག་དུག་ལྔ་ཕུང་། བོ་ན་རིག་པ་འགྱུར་བ་མེད།། འབར་ནི་བདེ་ཆེན་རྟོགས་པ་འབར།། དུར་ནི་ཆོས་དབྱིངས
8b6 ཡིན་ཏེ། ཁྲོད་ནི་རིག་པའི་ཡིས་སོ།། རང་གིས་རང་སྣང་ཟིན་པའོ།། ཆོས་ཉིད་ཞིང་ཁམས་དག་གསལ་ལ།། རིག་པའི་ཡིས་རང་གསལ་ཐིམ།། དབྱིངས་དང་ཡིས་རིག་པ་གཉིས་མེད་དེ། རང་ས་ཟིན་ཏེ་མ་འགྱུར་བའོ།། ཅེས་གསུངས་སོ།
8b7 དུར་ཁྲོད་ཕུང་པོ་འབར་བའི་རྒྱུད་ལས།། ཕུང་པོ་རྒྱུད་ལས་སྦྱར་ཞིང་སྣང་བགོ་བཟློག་པའི་ལེའུ་སྟེ་བཅུ་པའོ།། ། དེ་ནས་ཡང་གསང་བའི་བདག་པོ་དང་།། བསྐུད་པའི་འཁོར་དགའ་རབ་རྡོ་རྗེ་དང་།། འཁོར་མཁ
iiif viewer powered by OpenSeadragon
