| e-texts navigator |
| Wylie |
5b1 ཆོས་ཉིད་རང་བྱུང་རྩ་ཞེས་བྱ་བ། ན་མཁའི་མཐོངས་ཁུང་སྒོ་ནས་རྩ་ཤར་བ།། གསང་བ་འགག་མེད་རྩ་ཞེས་བྱ།། དེ་བཞི་རྩིཏྟ་དག་ལ་ཟུགག་ཚད་མེད་སྒོ་བཞིའི་རྩེ་ཞེས་སོ།། རྩིཏྟ་རིན་ཆེན་གུར་ཕུབ་ནས་། གཟུང་འཛན་རྟོག་པའི་རྩ་ཞེས་ཏེ།
5b2 རྩོད་པའི་སྒོ་གསུམ་དག་ཏུ་ཐུག། དེ་ལ་མིང་དུ་མཚོན་པ་ན།། ཤེས་རབ་མྱུར་བྱེད་མི་པོ་ཆེ།། རྣམ་ཤེས་རླུང་གི་རྟ་ལ་ཞོན།། གཟུང་འཛིན་ལྕགས་ཀྱུ་ལགས་ན་ཐོགས།། རྩོད་པའི་སྒོ་གསུམ་དག་དུ་ཕྱིན།། སྣང་བའི་ཡུལ་ལ་གཟུང
5b3 འཛིན་སྤྱད།། རྣམ་ཤེས་ཚིམ་བྱེད་ཞེསུ་བྱ།། རིག་པའི་རྩ་ལ་ནི་གཞི་རུ་འཛིན།། སྙིང་དེ་མེད་པས་བསྐལ་པ་རླུ་ཞེས་བྱ།། དེ་དང་བདུད་ལངས་རྩ་དུ་འབྲེལ།། རྩ་དེ་འདུས་ན་འཆི་རྟག་སོ།། སྲོག་སོ་འཛིན་པའི་རྩ་དག་གནས། མདུད་པ
5b4 དང་ཤོག་རྩ་ཞེས་བྱ།། དེ་དང་བདུད་ལངས་རྩ་རུ་འབྲེལ།། སྡུད་བྱེད་རླུང་ཆེན་རྟོག་པའོ།། ནག་པོ་སྡིག་མེད་རྩ་དེ་ནས།། དཔག་བསམ་ལྗོན་ཤིང་རྩ་ཞེས་ཏེ། དེ་ནི་བཤད་པ་རང་བྱུང་རྩ་རུ་རྟགས།། དེས་ནི་ལུས་ཀྱི་དབང་པོ་གཟུང་།། ཐུག
5b5 རྗེས་འབྱུང་བའི་དུས་ཉིད་ན། རྩ་ནི་བདུད་པའི་རྟགས་སྒོམ་ཞེས།། རྩ་ཆེན་དེ་རྣམས་ངག་ཏུ་ནི།། ཁྲག་དང་ཆུ་སེར་མི་རྒྱུ་སྟེ།། རིག་པའི་རྩལ་ནི་རླུང་དུ་རྒྱུ།། ངོ་བོ་འགག་མེད་གསལ་བ་ལ། རྩ་ནི་དེ་རྣམས་ངག་དུ་རྒྱུ།། རྩ་ལས་ཐུགས་རྗེ་སྤྲ།
5b6 སྐྲ་འབྱིན།། ལ་ལས་ཤེས་རབ་ཆེན་པོར་འཆང་། ལ་ལས་མི་སྐྱོང་གཞི་རུ་འཛིན།། ལ་ལས་དུས་ཟད་འཆི་རྟག་སྟོན།། ཕུང་པོའི་ནང་དུ་དེ་ལྟར་དབྱེན། ཅེས་གསུངས་སོ།། དུར་ཁྲོད་ཕུང་པོ་འབར་བའི་རྒྱུད་ལས།། རིག་པའི་གནས་ལུགས
5b7 དང་། རྩའི་དབྱེ་བ་བསྟན་པའི་སྟེ་ལེའུ་ལྔ་པའོ།། ། དེ་ནས་ཡང་ཞུས་པ་ཀྱེ+ེ་ཀྱེ་བཅོམ་ལྡན་ཁྲོ་གཉེར་ཅན།། སེམས་སུ་དབྱེ་བ་ཇི་ལྟར་དབྱེ།། ཡེ་ཤེས་ཞེས་ནི་གང་ལ་བགྱི།། ཅེས་ཞུ་སོ།། བཀའ་སྩལ
iiif viewer powered by OpenSeadragon
