| e-texts navigator |
| Wylie |
5b1 དེ་བས་ཤེས་བྱ་ཤེས་བྱེད་དག་པ་ལ།། ཕ་རོལ་ཕྱིན་དངས་བཅུ་ལམ་ལྔ་རྫོགས།། སྐུ་དང་ཡེ་ཤེས་ཡོན་ཏན་མ་ལུས་རྫོགས།། མ་སྤངས་མཚན་དང་མི་གནས་དཔེ་བྱད་རྫོགས།། དེ་ལས་གཞན་ནི་ཡེ་ཤེས་མ་ཡིན་ཏེ།། གཟུང་འཛིན་སྒྲིབ།
5b2 པ་ཡེ་ཤེས་ག་ལ་ཡིན།། བྱ་བྱེད་འདུ་བྱས་ཡེ་ཤེས་ག་ལ་ཡིན།། རེ་དོགས་དུག་གསུམ་ཡེ་ཤེས་ག་ལ་ཡིན།། སྤྱན་དང་ཡེ་ཤེས་དོན་ནི་མ་སྒྲིབ་པའི།། སྒྲིབ་པའི་དོན་ནི་གཟུང་འཛིན་གཉིས་ལས་མེད། དོན་ལ་ལྷ་དང་མཐོང་བ་ཡོད་མ་ཡིན།།
5b3 འཁྲུལ་པའི་བློ་ལ་ལྷ་དང་མཐོང་མ་ཡོད།། བྱ་བྱེད་མེད་པ་ལྟ་སྒོམ་ལ་སོགས་མཆོག། རྟག་པར་འདོད་ན་འཁྲུལ་དེ་རྟོགས་མི་འགྱུར།། རྟག་ཡུལ་མེད་པར་རྟོགས་འགྱུར་ག་ལ་སྲིད།། དགའ་རབ་རྡོ་རྗེ་ཐུགས་ཀྱི་དཀྱིལ་འཁོར་དུ།། རྡོ་རྗེ་སེམས་དཔའི
5b4 ཐུགས་ཀྱི་ཐིགས་པ་བབས།། ཅེས་བརྟེན་འབྲེལ་གཅད་པའི་གསང་ཐིག་སྟེ། བཞི་པའོ།། ། བཅོམ་ལྡན་འདས་བདེ་ཆེན་ངང་ལ་ཕྱག་འཚལ་ལོ།། ཨེ་མ་འཁྲུལ་པ་ཟད་པའི་མཁས་པ་ངོ་མཚར་མེ
5b5 ཡེ་ཤེས་གཉིས་སྟེ་མཚན་ཉིད་རྟགས།། མཚན་ཉིད་ཐོག་མཐའ་སྐྱེ་འཇིག་མེད།། བརྟགས་པས་འཁྲུལ་པ་ཟད་པའོ།། རང་བྱུང་དེ་ཉིད་ཐོག་མེད་དང་། བློ་བུར་འབྱུང་བ་གཉིས་ཡིན་ནོ།། ཐོག་མེད་མི་འགག་བློ་བུར་འགག། རྟོག་པའི་ཡེས
5b6 འགག་ཞེ་ན།། རྟོག་པའི་ཡེ་ཤེས་ཞེ་བྱ་བ།། འཁྲུལ་པ་ཟད་པ་ཙམ་ལ་སྟེ།། གང་ལ་སྐྱེ་དང་འགག་པ་མེད།། ཟད་ཡོད་འཕེལ་བ་ཡོད་ཞེ་ན།། དོན་མཐོང་ཟད་དང་འཕེལ་བ་མེད།། ཇི་སྲིད་ཚིག་ཡོད་འཁྲུལ་པའི་སེམས།། ཉན་བཤད
5b7 དགོས་པ་མེད་ཞེ་ན།། བྱང་ཆུབ་སེམས་ལ་ཕན་གནོད་མེད།། འཁྲུལ་སེམས་དགོས་མེད་ཅིའི་ཕྱིར།། འཁྲུལ་པ་ཟད་ཅིང་འཁྲུལ་ལ་ཕན།། ཁ་ཅིག་སྔགས་པ་འདི་སྐད་ཟེར།། ཉོན་མོངས་མི་སྤོངས་འཕགས་པར་འདོད།། སྙིང་རྗེ
iiif viewer powered by OpenSeadragon
