| e-texts navigator |
| Wylie |
15b1 རྐྱེན་བྱུང་བ་དང་།། ཅིག་ནི་བྱ་བྲལ་ཅིག་བྱས་པ།། ཟེར་ཏེ་དེ་ལ་འདི་སྐད་བརྟགས།། དེ་གཉིས་ཅིག་གམ་ཐ་དད་བརྟགས།། ཐ་དད་ཅིག་བེམ་ཅིག་རེག་སྟེ།། ཡང་ན་གཉིས་ཀརྫ་སུ་ཐལ།། ཡང་ན་འདུས་བྱས་འདུས་མ།
15b2 བྱས།། ཡང་ན་སྒྱུ་འབྲས་འགལ་པའོ།། ཅིག་ནི་རྟོགས་རྐྱེན་རག་ལས་བཞིན།། ཆོས་ཉིད་རྐྱེན་ལ་རག་ལས་འགྱུར།། དེ་ལ་སོས་པའི་རྐྱེན་རྣམས་བྱུང་།། དེ་ནས་མི་རྟོགས་ཞེས་ན་ནི།། ཆོས་ཉིད་མ་རྟོགས་གྲོལ་མེད
15b3 པས།། འཁོར་བ་སྟེ་ཆད་ཉིད་དུ་འགྱུར།། དོན་དམ་ཀུན་རྫོབ་གཉིས་ཀ་རྟོགས་པར་མེད་ཟེར་ན།། བེམ་པོ་ཉིད་དུ་འགྱུར་བའོ།། ཡང་ན་ཆོས་ཉིད་བྱ་བ་བྲལ་བ་བཞིན་དུ། རྟོགས་པར་ཡང་བྱ་བ་བྲལ་བར་ཐལ།། ཀུན
15b4 རྟོག་སུ་ཡོད་དམ་མེད།། དོན་དམ་མི་རྟོགས་དོན་དམ་མི་རྟོགས་དོན་དམ་ཀུན་རྫོབ་གཉིས་ཀར་བསྟན།། ཨེ་མ་དོན་ཉིད་ཡེ་ནས་སྤྲོས་བྲལ་ལ།། ལྟོས་པ་གཉིས་ལ་བརྟེན་པ་མེད།། འཁྲུལ་ཡང་འཁྲུལ་པ་སོང་འགྱུར་མེད
15b5 ལྟར་སྣང་རང་དོར་རང་དག་པསདའདས་ཆོས་ཀུན་གྲུབ་ལྟོས་པ་མེད།། ཁྱོད་ཀྱིས་དེ་ལྟར་ཤེས་པར་གྱིས།། ཅེས་སྐྱེ་བ་མེད་པའི་གསང་ཐིགས་སྟེ་བཅུ་བཞི་པའོ།། །
15b6 བཅོམ་ལྡན་འདས་རང་རིག་དང་ལ་ཕྱག་འཚལ་ལོ།། རང་གིས་རང་རིག་ལེས་དང་།། གཞན་གྱིས་གཞན་རིག་རྣམ་རྟོག་གཉིས།། བླུན་པས་ནམ་ཡང་ཤེས་མི་འགྱུར།། རིག་དུ་ཡོད་པའི་རང་རིག་དང་།། གཉིས་མེད་བྱ་བྲལ
15b7 རང་རིག་གཉིས།། སེམས་ཀྱི་ཡུལ་དང་རང་རིག་ཡུལ།། འཁྲུལ་པའི་སེམས་དང་བྱང་ཆུབ་སེམས།། སེམས་མེན་ལོགས་ནས་སེམས་འདོད་དང་། སེམས་དང་སེམས་ཉིད་རྟག་ཏུ་འདྲེས།། འབྱུང་རྒྱུ་ཡོད་པའི་རང་བྱུང་ནི
iiif viewer powered by OpenSeadragon
