| e-texts navigator |
| Wylie |
2b1 ལུས་ལ། སེམས་ཅན་གྱི་ལུས་གང་ཡིན་པ་ནི་བདག་གི་ཕུང་པོ་སྟེ།། བདག་གིས་ཕུང་པོ་ལངས་ཀྱང་རུང་།། འགྲོ་ཡང་རུང་། འདུག་ཀྱང་རུང་། འགྲེང་ཡང་རུང་སྟེ། གནས་ཀྱང་རུང་། མི་གནས་ཀྱང་རུང་སྟེ། རོལ་ཀྱང་རུང་། ཕ་རོལ་ཀྱང་རུང་སྟེ། འཕྲིན་ལས།
2b2 ཀྱི་སྐབས་སྦྱོར་བ་ཉིད་དུ་མཛད་པ་སྟེ།། དེ་ཅིའི་ཕྱིར་ཞེས་ན།། ལུས་ལངས་ན་སྐྱེ་བ་མེད་པ་ཆོས་ཀྱི་དབྱིངས་བཞེངས་པའི་སྐུ་སྟེ། དོན་ཆོས་ཉིད་དུ་སྦྱོར་བའི་འཕྲིན་ལས་སོ།། ལུས་འདུག་ན་ཡུམ་ཀུན་ཏུ་བཟང་མོའི་རང་བཞིན་དག་པའི་མཁའ་ལ་བཞུགས་པའི་སྒྲ་སྟེ།
2b3 ཡབ་ཡུམ་དུ་བཞུགས་པའི་འཕྲིན་ལས་སོ་། ལུས་འགྲོ་ན་ཐུགས་རྗེ་ཆེན་པོ་ཡོངས་ལ་ཁྱབ་པ་སྤྲུལ་པའི་སྐུ།། ཐབས་དང་ཤེས་རབ་ཏུ་སྦྱོར་བའི་འཕྲིན་ལ་སོ།། ལུས་འགྲེང་ན་བདེ་ཆེན་ལོངས་སྤོད་རྫོགས་པའི་སྒྲ་སྟེ། ཡབ་ཡུམ་གཉིས་སུ་མེད་པ་སྦྱོར་བའི
2b4 འཕྲིན་ལས་སོ།། ལུས་གནས་ན་དབྱིངས་དང་ཡེ་ཤེས་གཉིས་སུ་མེད་པའི་ཆོས་ཀྱི་སྐུ་སྟེ།། གཉིས་སུ་མེད་པའི་ཕྲིན་ལས་སོ།། ལུས་མི་གནས་ན་མ་སྐྱེས་པ་ཆོས་ཉིད་མངོན་པར་བྱང་ཆུབ་པའི་སྐུ་སྟེ།། ཡེ་ཤེས་ཆོས་ཉིད་དུ་དབྱེར་མེད་པའི་འཕྲིན་ལོས་སོ།།
2b5 ལྷས་རོལ་ན་འཆི་བ་མེད་པའི་རྡོ་རྗེའི་སྐུ་སྟེ།། ཡེ་ཤེས་སྐྱེ་འཇིག་མེད་པའི་འཕྲིན་ལས་སོའོ། ལུས་དངོས་སུ་སྣང་བ་ཐ~ཾད་རྡོ་རྗེའི་རིགས་ཏེ། སངས་རྒྱས་ཅན་དང་གཉིས་སུ་མེད་དེ། མེ་ལོངས་ལྟ་བུའི་ཡེ་ཤེས་ཀྱི་འཕྲིན་ལས་སོ།། ལུས་ཐམས་ཅད་དུ
2b6 རླ་ཞིང་སྡུད་ནས་ཐ~ཾད་རིན་པོ་ཆེའི་རིགས་ཏེ་པཱ་མ་ཀཱི་དང་གཉིས་སུ་མེད་དེ།། མཉམ་པ་ཉིད་ཀྱི་ཡེ་ཤེས་ཀྱི་ཕྲིན་ལས་སོ།། སུས་དྲོད་འབྱུང་བ་ཐམས་ཅད་པད་མའི་རིགས་ཏེ།། གོས་དཀར་མོ་དང་གཉིས་སུ་མེད་སྟེ། སོ་སོར་རྟོགས་པའི་ཡེ་ཤེས་འདྲི།
2b7 ལས་སོ།། ལུས་ཀུན་ཏུ་བསྐྱོད་དུ་བཏུབ་པ་ཐམས་ཅད་ནི།། ལས་ཀྱི་རིགས་ཏེ།། དམ་ཚིགས་སྒྲོལ་མ་དང་གཉིས་སུ་མེད་སྟེ་བྱ་ནན་ཏན་གྱི་ཡེ་ཤེས་ཀྱི་ཕྲིན་ལས་སོ།། ལུས་བཞིགས་ན་རང་བཞིན་མེད་པ་ཐ་དེ་ནི།། དེ་བཞིན་གཤེགས་པའི་རིགས་ཏེ།
iiif viewer powered by OpenSeadragon
