| e-texts navigator |
| Wylie |
13b1 དགའ་འཐུན་ལ་སྤྱོད་ལམ་གསལ། རང་ཤེས་སྐུ་ལ་གཞན་མི་སྨོད།། དམ་ལ་གནས་ཤིང་བསྒྲུབ་ལ་བརྩོན།། གཡོ་མེད་ཁོང་སྐྱོན་རྗེས་པར་སྤངས།། བཀའ་ཞིན་བྱེད་ཅིང་དོན་དང་མཐུན།། འདི་དག་བཤད་པའི་སྣོད་ཡིན་ནོ།། སྣོད་མེད
13b2 རྣམས་ཀྱི་རིམ་པ་ནི།། དོན་དུ་ཁྱོད་ལ་བཤད་པར་བྱའོ།། དང་པོ་དད་པ་གཞུང་མེད་པས།། དབུལ་མི་དགའ་གཞན་ཡང་སྡོམ།། མན་ངག་ལུང་མེད་བཞོག་སློངས་བྱེད།། སྟོན་པའི་བཀའ་མེད་ཡུག་པའི་ཚིག། ཁེངས་དང་གྲགས་པའི་མཚན
13b3 ཉིད་པས།། བླ་མར་བཀུར་བར་མི་སེམས་ཤིང་།། རང་ཉིད་ཆེ་འདོད་ཚུལ་འཆོས་བྱེད།། བཀའ་རྣམས་མིཉན་འཁོར་ཀུན་སྦྱར།། ཕན་པ་མེད་པའི་ཚིག་རྣམས་ཀྱིས།། གྲོགས་པོ་རྣམས་ཀྱི་ཞེ་གཅོད་ཅིང་།། ཉན་དང་སྒྲུབ་པ་མ་བྱས་པར
13b4 མཁས་པའི་ཆོས་པ་གཞན་ལ་སྨོད།། གསང་བའི་བཀའ་འཆོལ་ཡོངསུ་ཁྱབ།། མན་ངག་གསང་འཛགས་ཕྱལ་བརྡོ་བཏས།། མཚན་ཉིད་ངང་ཚུལ་ན་བ་དེས།། འདི་དག་སྙད་ཀྱང་གོ་མི་འགྱུར།། འཁམ་པ་ལ་སོགས་སྣོད་སྣང་དུ།།
13b5 སེང་གེའི་འོ་མ་གཞོས་པ་ལྟར།། སྣོད་ཀྱང་ཆག་ལ་བཅུད་ཀྱང་པོ། དེ་བས་རིན་ཆེན་སྣོད་ནང་དུ།། བཅུད་མི་འགྲོ་བར་གནས་པ་བཞིན།། བཀའ་དང་མི་ལྡན་རྣལ་འབྱོར་པ།། གཞན་གསུང་ཡུན་དུ་བསྟན་མི་བྱ།། ཉམས་པའི་རྒྱུར་འགྱུར
13b6 འཚིག་པར་ངེས།། དེ་བས་སྣོད་དང་ལྡན་པ་ཡིས།། དོན་གྱི་གཏེར་དུ་འདི་བཅང་ངོ་།། འདི་ནི་སྤྱོད་པའི་འཕྲིན་ལས་ཏེ།། འཇམ་པོར་སྤྱོད་ན་ཞི་བའི་ལས།། མང་པོ་སྤྱད་རྒྱས་པའི་ལས།། ཀུན་བསྡུས་པས་ན་དབང་གི་ལས།
13b7 དྲག་པོར་སྤྱད་ན་མངོན་སྤྱོད་པས།། མ་སྤྱན་གཞན་གྱི་ཆོས་ཉིད་ལས།། སྤྱོད་པའི་ཕྲིན་ལས་མཐར་རྫོགས་པས།། འདི་ལྟར་སྤྱོད་པའི་ཕྲིན་ལས་ཡིན།། སྤྱོད་པའི་རྒྱལ་པོ་བདེ་བརྡལ་ལས།། ཀུན་ལ་རོལ་ཅིང་ཐ~ཾང་འགྲུབ། ཡོང་སུ་སྤྱོད་ཅིང
iiif viewer powered by OpenSeadragon
