| e-texts navigator |
| Wylie |
13a1 འདིན་ཅེས་པ་འགྱུལ་ཏོ།། དང་པོ་གང་ཡིན་པ་ཡིན་པས།། ང་ནི་རྒྱལ་བཀུན་གྱི་ཡག། བར་དུ་ཐམས་ཅད་སངས་སྐྱོང་བས། ཡང་ནི་ཐམས་ཅད་ཀུན་ཀྱི་རྗེ། ཐམས་ཐབས་ཀྱི་འདུལ་བསན།། བ་ནི་རྨ།
13a2 འབྱོར་ཡོངས་ཀྱི་དཔོན།། ཁམས་གསུམ་དག་ལང་དབང་ཆེ།། ངའི་གོང་ན་སུ་ཡང་མེད།། སྲིད་གསུམ་ཆང་ལྟར་ཕབ་ཀྱང་ངམི་གཤེས།། ཁམས་གསུམ་ཆུ་ལྟར་འཁྲུག་ཀྱང་ང་མི་འཁྱེར།། རྒྱུ་དྲུག་མེ་ལྟར་འབར་ཡང་ང་མི་འཆིག
13a3 སྟོང་གསུམ་རླུང་ལྟར་འཕྱོས་ཀྱང་ང་མི་བསྐྱོད།། དུག་གསུམ་མུན་པར་གཏབ་ཀྱང་ང་མི་འཐིབས། ཡེ་ཤེས་ཉི་མར་ཤར་ཀྱང་གསལ་རྒྱུ་མེད།། མ་རིག་མུན་པར་བྱུད་ཀྱང་གནག་རྒྱུ་མེད།། སྐྱེ་ཤི་རིས་སུ་བཅད་ཀྱང་འཆི་བ་མེད།། ཉོན་མོངས་དུག་གསུཾ།
13a4 གནས་ཀྱང་རྒས་པ་མེད།། དངོས་གྲུབ་རྣམ་གསུམ་བྱུང་ཡང་ཆགས་པ་མེད།། ཆོས་སྐུ་འགྱུར་མེད་གྲུབ་ཀྱང་བརྩལ་བ་མེད།། རང་བྱུང་ཉིད་གནས་པར་རག་མི་ལུས་སྙིང་པོ་ལྷུན་གྱིས་གྲུབ་པས་རྟེན་མི་འཆལ།། རྣལ་འབྱོར་པའི་འཕྲིན་ལས་ནི
13a5 དང་པོ་ཐ་མ་མེད་པ་ལ།། སྤངས་པ་མེད་པའི་ལས་སྤྱོད་པ།། འདི་ནི་འཕྲིན་ལས་དང་པོའོ།། ཡིད་ཀྱི་ཤེས་པ་གསལ་གཏབ་ནས།། གསང་ཆེན་ངེས་པའི་དོན་རིག་པ།། འདི་ནི་ཕྲིན་ལས་གཉིས་པའོ།། རྣལ་འབྱོར་བླ་མའི་བློ་ལྡན་ལ།
13a6 ལུང་དང་མཐུན་པའི་ངན་སྟོན་པ།། འདི་ནི་འཕྲིན་ལས་གསུམ་པའོ།། གཞན་ཡང་འཕྲིན་ལས་འདི་སྤྱོད་ཅིང་།། རྒྱུད་འདི་ཉན་པར་གང་བྱེད་པ།། སྣོད་ཀྱི་རིམ་པ་འདི་དག་གོ།། དང་པོ་དད་པའི་ཡོན་གྱིས་འདྲེན།། བར་དུ་སློབ་དཔོན་མི
13a7 ལྟར་བཀུར།། ཐ་མ་མན་ངག་གཏིང་ནས་ཤོང་།། ལྟ་བའི་མན་ངག་གདེང་དུ་འཇོགས།། སྒྲུབ་པའི་མན་ངག་ཕུལ་དུ་ཕྱིན།། སྤྱོད་པའི་མན་ངག་གཞུང་དུ་སྤྱོད།། མཚན་ཉིད་ངང་ཚུལ་བཟང་ལ་ཤིས།། ཡོངས་ལ་ཕྲག་ཡངས་དོག་པ་མེད།། ཀུན
iiif viewer powered by OpenSeadragon
