| e-texts navigator |
| Wylie |
12a1 སྒོམ་ཚང་།། དགོད་པ་ཡིད་ཀྱི་ཏིང་འཛིན་མ་གསལ་ན།། འཕྲལ་དུ་འཕྲོ་འདུས་རིག་པའི་ལྷ་མི་གསལ།། ཆོས་ཉིད་རང་གསལ་དོན་གྱི་ཏིང་གོན།། ཏིང་ངེ་འཛིན་གྱི་ཆོམ་འཕྲུལ་མ་སྒོམས་གསལ།། དོད་ཀྱི།
12a2 སྙེན་པ་ཁོང་ནས་མ་ཤར་བ།། འཕྲལ་དུ་མཚན་མར་བརྗོད་པས་གྲུབ་པ་མིན།། ཡིད་ཀྱི་བཟླས་བརྗོད་དུས་དང་རྒྱུན་མེད་ན།། རྣལ་འབྱོར་བསྙེན་པའི་ཆོ་ག་ཡང་དག་རྫོགས།། རྣམ་སྨིན་ལས་ཀྱིས་བརྔས་པའི་སྲིན་པོ་དང་།། ཉོན་མོངས་འདམནས
12a3 འཁོར་བའི་རུ་ཏྲ་རྣམས།། རྟོགས་དང་ལྡན་པའི་ལྟ་བསམ་བསྩལ་ན།། མཚན་མར་བསྒོམས་པས་རྟོགས་པའི་གནས་མ་འཇོངས།། རྣལ་འབྱོར་རྣམས་ལ་དོན་དུ་འདི་ལྟར་བདེ།། མ་སྐྱེས་ཕྱིར་ན་ཐམས་ཅད་གསད་པའི་རིགས།། དངོས་པོ་མེད་པ་འདི་དག
12a4 གྲུབ་པའི་རྫས།། ཞེན་ཆགས་ཆེ་བས་མི་བཞག་བསྒྲལ་བར་བྱའོ།། ལོག་པར་བལྟ་བས་དོན་གྱི་ཙི་ཏ་དབྱུང་།། རྒྱུ་འབྲས་སླུ་བས་ཕུང་པོ་དུག་གསུམ་སྦྱང། ཉོན་མོངས་རྩད་བཅད་ནང་ཁྲོལ་ཐབས་ཀྱིས་དྲང་། དགོངས་པའི་ཏིང་འཛིན་གསལ་བས་དོན
12a5 དུ་ཅིག། ནམ་མཁའི་ཁམས་ལྟར་དོན་དུ་ཐུག་པ་མེད།། སྐྱེ་མེད་བྱང་ཆུབ་སེམས་ནི་ཡན་དུ་ཁྱེར། མཐའ་ལ་ཐུག་པ་མེད་པས་དབྱིངས་ལ་གཡོ་བ་མེད།། ཆོས་སྐུ་འགྱུར་མེད་དུས་གསུམ་ཀློང་ན་བཞུགས།། བྱང་ཆུབ་ཉིད་དེ་དོན་དུ་འཁྲུལ་པ་མེད།། མ་བཅོས
12a6 ཐིག་ལེ་དུ་ཁྲོད་ཅིག་ཏུ་མཁྱིལ།། རྟག་ཆང་མཚན་མར་མ་ཡིན་ཀློང་ནས་བརྡལ།། འདུ་འབྲལ་མེད་པའི་བྱང་ཆུབ་སེམས་ཆེན་པོ།། བདེ་བ་ཆེན་པོའི་དྲོད་ནི་ཉམས་སུ་མྱོང་།། མི་སྐྱེ་མ་འགག་ཀློང་དུ་འཕྲིན་ལས་རྫོགས།། ཐིག་ལེ་དགུ་ནི་དབྱིངས་ན་གསས
12a7 རྣམ་ཤེས་དགུ་ནི་ཀློང་ན་འཕྱོ།། ཧེ་རུ་དགུ་ནི་རོལ་པ་མཛད།། ཡེ་ཤེས་དགུ་ནི་མྱ་ངན་འདས།། ཐིག་ལེ་དགུ་ནི་དོན་ལགས་ལ།། ཕྲིན་ལས་དགུ་ནི་མཁའ་ལ་རྫོགས།། ལུང་ཆེན་དགུ་ནི་མཁའ་ལས་གྲོལ།། བླ་གམ་དགུ་ནི་ཡུམ་གྱི་དབྱིངས།
iiif viewer powered by OpenSeadragon
