| e-texts navigator |
| Wylie |
11a1 སྤྱོད་པས་ནང་གི་སེམས་དྲན་རྩོལ་དུ་མི་སྤྱོད་ན།། རྣམ་པར་མི་རྟོག་པའི་དོན་གྱི་ཡེ་ཤེས་སུས་ཀྱང་མ་བྱས་མ་བཅོས་པས། རང་བཞིན་མི་འགྱུར་བའི་དོན་ལ་སྤྱོད་པས།། སྤྱོད་པ་རྩོལ་གྲུབ་དང་བྲལ་བའི་འཕྲིན་པས།། །
11a2 སྤྱོད་པ་ཐམས་ཅད་གཉིས་སུ་མེད་པར་སྤྱོད་ན། ཕྱིའི་ཡུལ་ཡང་ནང་གི་སེམས་གཉི་སུ་མེད་པས་སྟོང་པའི་ཞིང་། ནང་གི་སེམས་ཀྱང་ཕྱིའི་ཡུལ་དང་གཉིས་སུ་མེད་པར་མ་བཅོས་པ། དེ་ཡང་གཉིས་སུ་མེད་པའི་བྱང་ཆུབ་སེམས་སུ་ལྷུན་གྱིས་གྲུབ་པས
11a3 འདུ་འབྲལ་མེད་པའི་ཀློང་དེ་ཉིད་འདུས་མ་བྱས་པར་སྤོང་བས་ན་སྤྱོད་པ་མཐར་ཕྱིན་པའི་འཕྲིན་ལས་སོ།། སྨོད་པ་གཉིས་སུ་མེད་པར་སྤྱོད་ན། དེ་ནས་བྱས་ཟིན་པ་ལ་ང་རྩོལ་ན་ནད་དུ་འགྱུར་བས། དེ་དག་རྒྱུ་འབྲས་གང་ལ་ཡང་རག་མི་ལུས་པའི་དོན
11a4 ཡིན་པས། སྤྱོད་པ་ཡེ་ནས་ལྷུན་གྱིས་གྲུབ་པའི་འཕྲིན་ལསོ།། དེ་བས་ན་སྤྱོད་པའི་ཕྲིན་ལས་ནི། ཐ~ཾད་དུ་བདེ་བ་ཆེན་པོ་ལོངས་སྤྲོང་རྒྱན་དུ་སྐྲོད་པ་སྟེ། དེ་ལ་འདི་སྐད་ཅེས་བརྗོད་པར་བྱའོ།། སྤྲོད་པའི་རྒྱལ་པོ་བདེར་གཤེགས་རྣམས་ཀྱི་ལས།
11a5 རྣལ་འབྱོར་ཐུགས་ཀྱི་སྦྲམ་བུ་དམ་པོ་ལས།། ངེས་པར་གས་ལ་བའི་ལྡེ་མིག་སྒོ་ཕྱེ་ནས།། རྒྱལ་བའི་བཀའ་ལས་ཕྱུང་སྡེ་བཤད་པར་བྱའོ།། ཕྱི་ནང་ཆོས་རྣམས་ཐཾད་ལ།། དམིགསོ་པ་མེད་པ་གང་སྤྱོད་པ།། འདི་ཡང་སྨོད་པའི་འཕྲིན
11a6 ལས་ཡིན།། འཁོར་བའི་ལས་རྣམས་ཐད་ལ། རྟོགས་དང་ལྡན་པས་གང་སྤྱོད་པ།། འདི་ཡང་སྤྱོད་པའི་འཕྲིན་ལས་ཡིན།། བདག་དང་བཞིན་དུ་སྣང་བ་རྣམས།། གཉི་སུ་མེད་པ་གང་སྤྱོད་པ།། འདི་ཡང་སྤྱོད་པའི་འཕྲིན་ལོས་ཡིན།།
11a7 ཕྱོགས་དང་རིགསུ་སྣང་བ་རྣམས།། གཉིས་མེད་རྒྱལ་པོར་གང་སྤྱོད་པ།། འདི་ཡང་སྤྱོད་པའི་འཕྲིན་ལས་ཡིན།། ལས་ནི་སངས་རྒྱས་ལས་ཡིན་ལ།། སྤྱོད་པ་སངས་རྒྱས་ཉིད་དུ་སྤྱོད།། རོལ་པ་ཐབས་དང་ཤེས་རབ་ལ།། འདོད་པ་ཐ
iiif viewer powered by OpenSeadragon
