| e-texts navigator |
| Wylie |
10a1 གཟུང་འཛིན་མེད་པ་ལ།། རྟག་ཆད་གཉིས་སུ་བལྟ་བཐང་རེ་ཆད།། གཟུང་འཛིན་གཉིས་སུ་འཛིན་པ་ཉོན་རེ་མོངས།། རིག་པའི་ཡེ་ཤེས་ཀློང་དུ་བཤགས་པར་བགྱིས།། ཆོས་དབྱིངས་རྣམ་དག་སྤྲོས་པ་མེད་པ་ཉ།
10a2 ཤེས་དང་ཤེས་བྱར་ལྟ་བ་ཐང་རེ་ཆད།། མཐའ་དབུས་གཉིས་སུ་འཛིན་པ་ཉོན་རེ་མོངས།། ཆོས་དབྱིངས་རྣམ་དག་ཀློང་དུ་བཤགས་པར་བགྱིས།། གཞལ་ཡས་ཁང་ལ་ཡང་ས་དོག་མེད་པ་ལ།། ཕྱི་ནང་གཉིས་སུ་བལྟ་བ་ཐང་རེ་ཆད།། ཡང་དོག་གཉི་སུ་འཛིན་པ
10a3 ཉོན་རེ་མོངས།། ཡང་ངོག་མེད་པའི་ཀློང་དུ་བཤགས་པར་བགྱིས།། ཡུམ་གྱི་མཁའ་ལ་མཐོ་དམན་མེད་པ་ལ།། སྟེང་འོག་གཉིས་སུ་ལྟ་བ་ཐང་རེ་ཆད།། མཐོ་དམན་གཉིས་སུ་འཛིན་པ་ཉོན་དེ་མོངས།། བ་ཀ་ཡངས་པའི་ཀློང་དུ་བཤགས་པར་བགྱིས།
10a4 ཆོས་ཀྱི་སྐུ་ལ་གཉིསུ་མེད་པ་ལ།། ཕྱི་ནང་གཉིས་སུ་ལྟ་བ་ཐང་རེ་ཆད།། སྣོད་བཅུད་གཉིསུ་འཛིན་པ་ཉོན་རེ་མོངས།། ཆོས་སྐུ་འགྱུར་མེད་གློང་དུ་བཤགས་པར་བགྱི།། མ་རིག་རྨོངས་པའི་ཀློང་འདི་སྙིང་རེ་རྗེ།། སྐྱེ་མེད་ཆོས་ལ་ང་དང་བདག
10a5 རྟོགས།། གང་ཟག་འཁྲུལ་པའི་སེམས་འདི་རང་ཉིད་བཀོལ།། གཟུགས་མེད་ཆོས་ལ་དངོས་པོ་མཚན་མར་འཛིན།། སྣང་སྲིད་སྒྱུ་མ་ཡིན་པར་མི་ཤེས་པས།། ཟང་ཟིང་ནོར་ལ་སེམས་ཀྱི་ཆགས་པ་སྐྱེས།། འཁོར་བ་རང་དབང་མེད
10a6 པར་མི་ཤེས་པར།། གཉེན་ཤེས་འཁྲུལ་པའི་གྲོགས་ལ་རྟག་པར་འཛིན།། མི་ཤེས་སྐྱེ་བོའི་བློ་འདི་ཡེ་རེ་འཁྲུལ།། བདེན་པའི་དོན་པོར་ཡི་དག་ས་ལས་ལ་བཙན།། སྟོན་པའི་བཀའ་བོར་མི་ཆོས་གཡེངས་པ་སྲ་བསླུས།། མ་རིག་དོན་མེད་གཡེངས་པའི།
10a7 ལས་ལ་བརྩོན།། འདི་འདྲའི་དོན་མེངད་སེམས་ཅན་སྙིང་རེ་རྗེ།། དབྱེ་སྲི་མེད་པའི་ཀློང་དུ་བཤགས་པར་བགྱིས།། ཞེས་རྡོ་རྗེ་སེམས་དཔས་འགྱོད་ཅིང་བཤགས་སོ།། དེ་ནས་སྟོན་པས་བཀའ་སྩལ་པ།། མན་ངག་འདི་ལས་གང་སྒྲུབ་པ།། འདི་ནི་སྒྲུབ་པའི་འཕྲི
iiif viewer powered by OpenSeadragon
