| e-texts navigator |
| Wylie |
4a1 ཚུལ་ཁྲིམས་བསྲུང་དུ་མེད་པའི་དོན་བསྟན་པ།། ཚུལ་ཁྲིམས་དུས་རྣམས་ཐད་དུ།། མ་སྲུང་མ་ཉམས་ཡེ་ནས་སྲུངས།། ཡེ་སྲུངས་བརྡེང་དང་ལྡན་པ་ལ།། ད་བསྲུངས་ཞེས་ནི་གང་འན
4a2 པ། དེ་ནི་ཉན་ཐོས་སྡེ་པར་གོལ།། ཡང་ཏི་ནག་པོའི་ཚུལ་ཁྲིམས་ནི།། ལྷུན་གྲུབ་ཐིག་ལེ་ཆོས་སྐུ་ལ།། སྲུང་དུ་མེད་སྣང་མེད་པའི་ཕྱིར།། ཐཾད་ཡེ་སྲུངས་ཆེན་པོར་འདུག། དེ་ནི་ཚུལ་ཁྲིམས་ཆེན་པོ་ཡིན།།
4a3 དེ་ཚིག་ཆེན་པོ་དེ་ཡིན་ནོ།། ཅེས་གསུངསོ།། འཛེ་དཔལ་འདུས་པའི་རྒྱུད་ལས།། ཚུལ་ཁྲིམས་དང་དམ་ཚིག་བསྲུངས་པའི་ལེའུ་སྟེ་བཅུ་གསུམ་པའོ།། །། སྦྱིན་པ་སྦྱིན་ས་མེད་པར
4a4 བསྟན་པ་ནི།། སྦྱིན་པ་ཀུན་གྱི་རྩ་བ་ནི།། སྣང་བ་འོད་གསལ་དོན་རྟོགས་པས།། ལོངས་སྐུའི་སྦྱིན་པ་ཆེན་པོ་ཐོངས།། རིག་པ་རང་བྱུང་སྤྲུལ་སྐུ་ལ།། སྦྱིན་པ་ལེན་པའི་ཡུལ་ཀྱང་རྫོགས།། སྣང་བ་མེད
4a5 པབའི་ཆོས་སྐུ་ལ།། རང་གི་རིག་པ་སྦྱིན་པ་རྫོཊ།། སྣང་བྱ་སྣང་བྱེད་གཉིས་མེད་ཅིང་།། བཏང་བྱ་སྟོང་བྱེད་གཉིས་མེད་པས།། ཡང་ཏི་ནག་པོའི་སྦྱིན་པ་རྫོགས།། གྲགས་སྣང་གཞན་གྱི་སྦྱིན་པ་རྫོགས།། ཡུལ
4a6 དང་ཡུལ་ཅན་སྦྱིན་པ་སྟོངས།། གཉིས་མེད་གཉི་སུ་བཏང་པས་གོལ།། ཅེས་གསུངསོ།། འཛི་དཔལ་འདུས་པའི་རྒྱུད་ལས།། སྦྱིན་པ་ཡོངསུ་བཏང་པར་བསྟན་པའི་ལེའུ་སྟེ་བཅུ་བཞི་པའོ།། །།
4a7 དེ་ནས་རྗེ་སོས་དཔས་བཀའ་སྩལ་ཏེ།། དངོས་པོའི་གནས་ལས་བྱུང་བ་ཡི།། ཡང་ཏི་ནག་པོའི་དོན་རྫོཊ་པས།། སེན་དབང་པོ་སྨན་པ་དང་།། རང་གི་ཤེས་རབ་ཆུང་བ་དང་།། གྲོལ་བའི་ཐབས་ཆེན་བསྟན་དུ་གསོལ།
iiif viewer powered by OpenSeadragon
