| e-texts navigator |
| Wylie |
3a1 བས། དེ་རྣམས་ཐིག་ལེར་འདུས་པས་ན།། ཐཾད་བསྲུངས་བྱ་གང་ཡང་མེད།། བསྲུང་བྱ་བསྲུང་བྱེད་གཉིས་བྱུང་ན།། དེ་ནི་ཡང་ཏི་ནག་པོ་མེན།། ཡུལ་དང་ཡུལ་ཅན་ཡིན་པའི་ཕྱིར།།
3a2 ཐེག་པ་འོག་མའི་ཁྱུ་རུ་གོལ།། དེ་ཕྱིར་ཡེ་སྲུངས་དོན་འདི་སྟན།། ཅེས་གསུངས་སོ།། འཛི་དཔལ་འདུས་པའི་རྒྱུད་ལས།། དེ་ཚིག་བསྲུང་བའི་ལེའུ་སྟེ་བརྒྱད་པའོ།། །། དཀྱིལ་འཁོར
3a3 བསྐྱེད་དུ་མེད་པའི་དོན་འདིའོ།། ལྟེ་བ་མུ་ཁྱུད་འཁོར་ལོ་འཕགས།། ཟླ་ཁམ་རིན་ཆེན་ཟུར་གསུམ་རྣཾས།། རང་ལས་སྣང་བ་ཕྱིར་རུ་ཤར།། དེ་ལ་དེ་པར་འཛིན་པ་ནི།། ཐེག་པ་འོག་མའི་འདོད་གཞུང་ངོ་།།
3a4 ཡང་ཏི་ནག་པོ་འདི་ལྟར་འདོད།། ཕྱིའི་དཀྱིལ་འཁོར་རང་སྣང་ཡིན།། ནང་གི་དཀྱིལ་འཁོར་རང་བྱུང་ཡིན།། གསང་བའི་དཀྱིལ་འཁོར་གཉིས་མེད་ཡིན།། ཡང་ཏིའི་དཀྱིལ་འཁོར་བསྟན་པ་ནི།། ཐཾད་ཡེ་ནས
3a5 སངས་རྒྱས་ཡིན།། ཡིན་པར་ཤེས་པས་བསྐྱེད་དུ་མེད།། ཅེས་གསུངས་སོ།། འཇམ་དཔལ་འདུས་པའི་རྒྱུད་ལས།། ཡང་ཏི་ནག་པོའི་དཀྱིལ་འཁོར་གྱི་ལེའུ་སྟེ་དགུ་པའོ།། །།
3a6 ལྷ་ལ་སྒོམ་དུ་མེད་པའི་དོན་བསྟན་པ།། དབྱིངས་ཕྱུག་ལ་སོགས་ཡུཾ་རྣམས་ནི།། རང་སྣང་ཡུལ་དུ་བཟུང་བས་འཁྲུལ།། ཧེ་རུ་ཀ་སོཊ་ཡབ་རྣམས་ནི།། རང་ཤར་རྟགས་ཏེ་ཡབ་ཏུ་བཟུང་།། ཐུཊ་ལས་སྐྱེས
3a7 པཱི་སྲས་མཆོག་ནི།། ཡབ་ཀྱི་རང་བྱུང་ཆ་ལས་བཟུང་།། དེའི་ཡུཾ་རྣམས་ཐཾད་ཀྱིས།། ཡུམ་གྱི་སྣང་བའི་ཆ་ལས་བཟུང་།། གཉིས་མེད་ཟེར་གྱིས་གཉིསུ་སྒྲུབ།། དེས་ན་སྒྲུབ་པའི་གོལ་ས་ཡིན།། ཡང་ཏི
iiif viewer powered by OpenSeadragon
