| e-texts navigator |
| Wylie |
9b1 བཀའ་སྩལ་པ། ཆོས་རྣམས་ལྷུན་གྱིས་རྫོགས་པ་ནི།། རྣལ་འབྱོར་ཆེན་པོ་སྐལ་ལྡན་དེ།། སྙིང་རྗེའི་རླན་དང་མ་བྲལ་བས།། སེམས་བསྐྱེད་རྣམས་གཉིས་དེ་ལ་རྫོགས།། བྱིང་རྒོད་རྣམ་གཉིས་སྐྱོན་བྲལ་བས།། ཞི་གནས་བདེ་བ་དེ་ལ་རྫོགས། སྒྱུ་མ་ལྟ་བུམ།
9b2 རབ་ཤེས་པས། དངོས་མེད་རྟོགས་པའི་ལྷག་མཐོང་རྫོགས།། སེར་སྣ་འཛིན་པའི་སེམས་མེད་པས།། སྦྱིན་པའི་ཕ་རོལ་ཕྱིན་པ་རྫོགས།། མི་དགེ་ཉེས་བྱས་མི་འབྱུང་བས།། ཚུལ་ཁྲིམས་ཕ་རོལ་ཕྱིན་པ་རྫོགས།། ཆོས་ཀྱི་དབྱིངས་ལ་ཀུན་ཤོད་པས།། བཟོད་པའི
9b3 ཕ་རོལ་ཕྱིན་པ་རྫོགས།། ལྟ་བའི་དོན་ལམ་གཡོས་པས།། བརྩོན་འགྲུས་ཕ་རོལ་ཕྱིན་པ་རྫོགས།། སེམས་ཉིད་དོན་ལ་མི་གོལ་བས།། བསམ་བཏན་ཕ་རོལ་ཕྱིན་པ་རྫོགས།། ཆོས་རྣམས་ལྟ་བས་ཐག་ཆོད་པས།། ཤེས་རབ་ཕ་རོལ་ཕྱིན་པ་རྫོགས།། སྣང་བ་གང་ཡང
9b4 མི་འགོགས་པས། ཐབས་ཀྱི་ཕ་རོལ་ཕྱིན་པ་རྫོགས།། མི་གནས་བླ་མེད་དེན་རྟོགས་པས།། སྨོན་ལམ་ཕ་རོལ་ཕྱིན་པ་རྫོགས།། མ་རིག་མུན་པ་ཀུན་འཇོམ་པས།། སྟོབས་ཀྱི་ཕ་རོལ་ཕྱིན་པ་རྫོགས།། འཁོར་འདས་ཡེ་ཤེས་ལྷུན་རྫོགས་པས།། ཡེ་ཤེས་པ
9b5 རོལ་ཕྱིན་པ་རྫོགས།། ལུས་ངག་དེ་ལས་མ་ཉམས་པས།། ཚོགས་ཆེན་མ་ལུས་ཐམས་ཅད་རྫོགས།། དེ་ཡང་སེམས་དཔའ་རྡོ་རྗེ་ཁྱོད།། དཔེར་ན་ཡིད་བཞིན་ནོར་བུ་ལ།། དགོས་འདོད་ཐམས་ཅད་རྫོགས་པ་བཞིན།། ཆོས་ཉིད་རིག་པ་དབང་ཐོབ་པས།། ཕྱི་ནང་དབང་རྣམས
9b6 དེ་ལ་རྫོགས།། མི་རྟོགས་ཡེ་ཤེས་བགེགས་གསལ་བས།། ཕྱི་ནང་མཚམ་བཅད་དེ་ལ་རྫོགས།། མ་རིགས་རྣམས་རྟོགས་སྒྲིབ་མེད་པས།། དོན་གྱི་བཤགས་པ་དེ་ལ་རྫོགས།། གཉིས་མེད་དོན་ལ་བློ་གནས་པས།། བྱིན་ཆེན་དབབ་པ་དེ་ལ་རྫོགས།། ཉོན་མོངས་བདུད་རྩི་ཆེན་པོ་ལྔ།
9b7 ཡེ་ཤེས་བྱིན་རླབས་དོན་ལ་རྫོགས།། འབྱུང་བ་ལྔ་ཡིས་ཀུན་ཁྱབ་པས།། དབང་ཆེན་རིམ་པ་དོན་གྱིས་རྫོགས།། ཕྱོག་བཅུར་རང་བཞིན་ལྷུན་གྲུབ་པས།། གཞལ་ཡས་ཁང་ཆེན་དེ་ལ་རྫོགས། རིག་ཚོར་དོན་གྱི་ལྷ་ཡིན་པས།། ཡེ་ཤེས་ལྷ་རྣམས་དེ་ལ་རྫོགས།། སངས་རྒྱས
iiif viewer powered by OpenSeadragon
