| e-texts navigator |
| Wylie |
9a1 བྷྱས་ས་ན[ऽ]#ས་སྲུང་ལན་ཀྱ་ས་ས་ས་གན་སྣ་#
9a2 རྡོ་རྗེ་ཁྱོད།། དཔེར་མ་ཟངས་ལྕགས་ལ་སོགས་པ།། གསེར་འགྱུར་རྩི་ཡིས་བཏབ་གྱུར་ན།། ཐམས་ཅད་གསེར་དུ་འགྱུར་བ་ལས།། ཟངས་དང་ལྕགསུ་མི་འགྱུར་བཞིན།། རིག་རྣམ་རྟོག་མཚན་མ་ལ།། ཡེ་ཤེས་ཆེན་པོས་རྒྱས
9a3 འདེབས་ན། སྐུ་གསུམ་ཡེ་ཤེས་རང་བཞིན་ལས།། ཁམས་གསུམ་འཁོར་བར་མི་འགྱུར་ཏེ།། གདོད་ནས་མ་སཱ་དཱ་ཡེ་སངས་རྒྱས།། བརྩལ་བ་མེད་པར་ཡེ་ནས་འགྲུབ།། མི་ནུབ་པ་ལ་དོན་གསལ་བའི།། དེ་ཉིད་ལྷུན་གྲུབ་དོན་རྟོགས་ན།། རྟག་ཀྱང
9a4 ཡེ་ཤེས་ཆེན་པོ་རྟག། ཆད་ཀྱང་འཁོར་བརྩད་ནས་ཆད།། ལྡན་ན་སྐུ་གསུང་ཐུགས་དང་ལྡན།། ཡིན་ན་ཡེ་ནས་སངས་རྒྱས་ཡིན།། མེད་ན་ཁམས་གསུམ་འཁོར་བ་མེད།། གོལ་ན་ཆོས་ཀྱི་ཨཱུ་ལུ་གོལ།། མ་བསྒོམས་ཡེ་ཤེས་པོའི་དོན།། བརྗོད་པ་མེད་པའི
9a5 ཤེས་རབ་ལ། དམིགས་པ་མེད་པའི་ཏིང་འཛིན་གསལ།། ཤེས་རབ་དྲང་ཐང་སོ་མ་ལ།། འདུ་ཤེས་མི་བསྐུལ་བཏུལ་ཞུགས་བསྐྱེད།། ཅི་ཡང་མི་བསྒོམ་ཅི་ཡང་ཡིན།། ཡེ་ཤེས་ཟང་ཐལ་ཉིད་དུ་བཞག། ཐམས་ཅད་ཡེ་ནས་མཉམ་ཉིད་ལ།། རྒྱུད་འབྲས་བུར
9a6 དབྱེར་རུ་མེད། ཐ་སྙད་གང་ཡང་མི་གནས་པས།། བརྩལ་དུ་མེད་པས་དངོས་པོ་མེད།། དེ་ཉིད་མི་གནས་བྱང་ཆུབ་སེམས།། སེམས་ཞེས་བྱ་བའི་དོན་རྟོགས་ན།། སེམས་ལ་གཏན་ཚིགས་བཟུང་དུ་མེད།། ཇི་སྲིད་བར་དུ་བཏང་ཡོད་ན།། དེ་སྲིད་བར་དུ་ཁྲུལ་པ་ཡིན།།
9a7 མི་ཤེས་མ་གོ་དྲ་བ་བ་ཙམ།། དེ་ལྟར་རྟོགས་པའི་རྣལ་འབྱོར་ཐུགས། 1པ་ཡིས་རིག་པ་འདི་སྤྱོད་ན།། རང་བྱུང་ཡེ་ཤེས་རྩ་བ་ནི།། བྱང་ཆུབ་སེམས་དཔའ་ཉིད་ཡིན་པས།། དེ་ཉིད་རྟོག་པར་བྱ་བའི་ཐབས།། ཕྱི་ནང་ཆོས་མ་ལུས་པ།། ཇི་སྙེད་རང་བྱུང་ཉིད་ཀྱི་དོན།།
9a8 དེ་ལས་གཞན་པའི་ཆོས་མེད་དོ།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས།། ཡེ་ཤེས་ཀློང་དུ་ཕྱིན་པ་ལས།། མ་སྒོམ་ངོན་དང་མི་འབྲལ་བའི་ལེའུ་སྟེ་བཅུ་བཞི་པའོ།། ། དེ་ནས་སེམས་དཔས་རྡོ་རྗེ་ལ། ཀུན་རིག་རྒྱལ་པོས
iiif viewer powered by OpenSeadragon
