| e-texts navigator |
| Wylie |
13a1 གཏི་མུག་ལས། དངོས་པོ་ཀུན་བཅོམ་ཞེ་སྡང་ཉིད།། ཡེ་ཤེས་ང་རྒྱལ་བདག་ཉིད་ཆེ།། སེམས་ཉིད་མི་འགྱུར་གཞན་ཕྲག་དོག། འབྱུང་བ་འདོད་ཡོན་དུག་སྔ་ཡང་།། ཐམས་ཅད་ཡེ་ཤེས་ཆེན་པོ་དག། ཀུམ་གྱིང་བཞིན་དེ་ཤེས་པ།
13a2 དེ་ཉིད་དབང་དུ་ཐ~ཾད་འདུས།། ཀུན་གྱིས་དབང་བསྐུར་ཐོབ་པས་ན།། ཡེ་དབང་ཆེན་པོ་རྫོགས་པ་ཡིན།། ཡེ་ཤེས་སེམས་དཔའ་ཆེན་པོ་ཁྱོད།། འཇིག་རྟེན་མ་ལུས་ཁམས་རྣམས་ཀྱང་།། བསམ་གྱིས་མི་ཁྱབ་ཚིག་འགྱུར་ཀྱང་།། ན་མཁའ་ཚིག་པར་མི་འགྱུར
13a3 བཞིན་ཏེ་ཆོས་སྐུ་ངོ་བོ་འགྱུར་མེད་ལ།། བློ་ཡི་སྣང་བ་སྣ་ཚོགས་པ།། རྟོགས་པའི་དོན་ལ་དབྱེར་མེད་པས།། དེ་ཉིད་ཡེ་ཤེས་ལྷུན་གྲུབ་སྟེ།། བདག་དང་གཞན་དུ་སྣང་བ་མེད།། མེད་པ་མ་ཡིན་དྲན་བཞིན་མཆོད།། ཆད་པར་མ་སོ་རིག་ཅིང་གསལ།། རྟག་པར་མ
13a4 སོ་དངོས་པོ་མེད།། གཉི་སུ་མ་སོང་ཟླ་བོ་མེད།། གཅིག་ཏུ་མ་སོང་ཀུན་ལ་ཁྱབ། སྟོང་ཉིད་རྣམ་དག་རྣ་མཁའ་ལ།། གཙང་རྨེ་དབྱེ་ལ་རྡུལ་ཡང་མེད།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས།། འབྱུང་བ་འདོད་པའི་ཡོན་ཏམ་ལྔ།། ཆགས་སྡང
13a5 ལ་སོགས་དུག་ལཱ་ཡང་།། མ་ཡེངས་གནས་སུ། པྤའི་ལེའུ་སྟེ་ཉི་ཤུ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། ང་ཡིས་བཤད་པའི་ཆོས་རྣམས་ལ།། གང་ཟག་བློའི་རབ་འབྲིང་གིས།། ས་དཔལམ་གྱི
13a6 ཁྱད་པར་ལས།། དབང་དང་དམ་ཚིག་ལྟ་བ་དང་།། སྒོམ་པ་སྤྱོད་པ་ལ་སོགས་པ།། ཐ་དད་སྤྲོས་ཀྱང་གཅིག་ལས་མེད།། ཅིག་ལས་སྤྲོས་ཀྱང་ཀུན་གྱི་དང་།། སེམས་ཉིད་རྣམ་པ་སྣ་ཚོག་པས།། སྣ་ཚོགས་སྣང་ཡང་ངོ་བོང་ཅིག། དཔེར་ན་གསེར་རྒྱུ་ཅིག་པ་ལ།
13a7 དབྱིབས་དང་གཟུགསུ་ཐ་དད་པས།། བྱས་པས་དེ་དག་མང་རེར་གྲགས།། གྲགས་ཀྱང་ངོ་བོ་གསེར་དུ་གཅིག། འདུས་པའི་རྡོ་རྗེ་སྙིང་པོ་ཁྱོད།། ཤེས་རབ་ཐབས་ཀྱི་སྤྱོད་པ་ཡིས།། ཆོས་སྐུ་ཡེ་ནས་དག་པ་ལ།། ལུང་གསུམ་ལྡན་པའི་སྐྱེ་མཆོག་གིས།། རྒྱུན་དུ
iiif viewer powered by OpenSeadragon
