| e-texts navigator |
| Wylie |
12b1 པ་ཀུན་བཟང་བ་དང་མཉམ། དེ་ཡང་སེམས་དཔའ་རྡོ་རྗེ་ཁྱོད།། སྣང་བ་མི་འགག་རང་བྱུང་ལ།། ཞེན་པ་མེད་པའི་ཡེ་ཤེས་དེ།། ཐམས་ཅད་རབུ་མ་བཅོས་པས།། དེ་ཉིད་དོན་དང་གང་ལྡན་ན།། དམན་པའི་ལུས་ལ་སངས་རྒྱས་ཡིན།། ཆོས
12b2 ཉིད་འབྲས་བུ་ཡེ་རྫོགས་པ། དོག་གཉིས་བྲལ་དེ་ཁོ་ན།། དོར་བར་བྱ་བའི་དངོས་མེད་པར།། བླང་བར་བྱ་བ་ག་ལ་ཡོད།། སེམས་དཔའ་རྡོ་རྗེ་ང་ལ་ནི།། ལམ་མེད་ལམ་ལྟར་མ་སྦྱར་ཅིག། ས་མེད་ས་བཅུར་མ་བགྲོད་ཅིག། རྟེན་འབྲེལ་དམིགས
12b3 ཀྱང་མ་འཆའ་ཅིག། སྒྲིབ་མེད་སྒྲིབ་པ་མ་སྤྱོད་ཅིག། ཡུལ་མེད་ཚོགས་གཉིས་མ་སོག་ཅིག། སེམས་ལ་མཉེན་པོ་མེད་པ་སྤྱོད། ལུང་ལས་མ་བཏུས་མན་ངག་གཱི། སེམས་ལས་མ་རྟོགས་སངས་རྒྱས་མཉེས།། རྒྱུ་ལས་མ་བྱུང་འབྲས་བུ
12b4 ལས་བརྩོན་འདྲ།། དེ་ཡང་སེམས་དཔའ་རྡོ་རྗེ་ཁྱོད།། ཇི་བཞིན་པའི་དེ་ཉིད་ལ།། སངས་རྒྱས་ཉིད་ཀྱིས་བྱང་མེད་པས།། བློ་དང་བློའི་སྣང་བ་ཡིན།། གང་གི་བྱས་དང་སུ་ཡི་བྱས།། བྱེད་པ་པོ་ཡང་ག་ལ་ཡོད།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ
12b5 ལས། ཐེ་ཚོམ་བཀའ་སྩལ་བའི་ལེའུ་སྟེ་བཅུ་དགུ་པའོ།། ། ཀུན་རིག་སེམས་ཀྱི་རྒྱལ་པོ་ཡིས།། འདུས་པའི་ཚོག་ལ་བཀའ་སྩལ་པ།། སེམས་དཔའ་རྡོ་རྗེ་ང་ཡི་ཆོས།། འབྱུང་བ་ལྔ་དག་ཉོན་མོངས་དག་པ་ནི།། སྣང་སྟོང་གོ་འབྱེད་ཀུན
12b6 ཁྱ་མཁས།། ཐེག་པ་ཆེན་པོ་ཀུན་གནས་ས།། ཞི་གནས་རྣམ་དག་ཆུ་ཆེན་པོས།། ལྷག་མཐོ་ཡེ་ཤེས་འོད་འབར་མེ། ཤེས་བྱ་ཐོག་མེད་ཡེ་ཤེས་རླུང་།། ཀུན་ལ་ཁྱབ་པས་ན་མཁལ་ཡི།། འབྱུང་བ་ཡེ་ཤེས་ལྔ་མུ་དག། དེ་ཡང་སེམས་པའ་རྡོ་རྗེ
12b7 ཁྱོད། མ་འདྲེས་ཡོངས་རྫོགས་གསལ་སྟོང་གཟུགས།། ཁྱབ་གསལ་རང་བཞིན་གོ་བའི་སྒྲ།། དད་པས་ཚམ་བྱེད་ཆོས་ཀྱི་དྲི།། སྣོད་བཅུད་ཉམ་སུ་མྱོང་བའི་འོ།། བདེ་མཆོག་དོན་ལ་རེག་པའི་ཐུགས།། དེ་ཡང་འདུས་པའི་ཚོགས་རྣམས་ཀུན།། ཅིར་ཡང་མི་སེམས
iiif viewer powered by OpenSeadragon
