| e-texts navigator |
| Wylie |
12a1 པོ་ཁྱུད། སྐྱོན་དང་ཡོན་ཏན་རྣམས་གཉིས་ཀྱིས།། ཆོས་ཉིད་འཁྲུལ་པའི་གཞི་གཞག་ནས།། གཉིས་ཀ་ལྕང་ཡང་མི་འགལ་ཕྱིར།། ཀུན་ཀྱང་ཡིན་ལ་ཐམས་ཅད་མེན།། དཔེར་ན་ཉི་མའི་སྙིང་པ་ལ།། མུན་སྣང་གཉིས་ཀ་མི་འགལ
12a2 བཞིན། གཞི་ཅིག་གང་ཡང་མི་འགགས་པས།། དེ་ཉིད་དུས་ན་དངོས་གཟུངས་མེད།། དེ་ཡང་རྡོ་རྗེ་སྙིང་པོ་ཁྱོད།། ཆུ་བྲན་རྒྱ་མཚོར་རོ་ཅག་བཞིན།། སྣང་སྲིད་ཡེ་ཤེས་ཆེན་པོ་ལ། བྱིས་པ་རྣམས་ཀྱིས་ཐ་དད་བཟུང་།། དེ་ཕྱིར་བློ་ཡི་སྣང་བ་ཡིན།། འབྱུང་བ་ནམ
12a3 མཁའ་གཞི་ཅིག་བཞིན།། ཆོས་རྣམས་སེམསུ་གཅིག་པ་ལ། བློ་གཞན་ཐེགས་པ་རིམ་དགུ་བྱུང་།། འབྱུང་བ་ལྷུན་གྲུབ་ཅིག་ལས་མེད།། དེ་ཡང་སེམས་དཔའ་རྡོ་རྗེ་ཁྱོད།། རང་བྱུང་ཆེན་པོའི་རྩ་བ་ནི།། དངོས་པོར་མེད་ལ་ཤེས་པར་ཡོད། སྣང་པ་སེམ
12a4 ཀྱི་རང་བཞིན་ལ།། ངེས་དོན་བཀའ་དང་དྲང་དོན་ལས། ངོ་བོར་གཞི་ཅིག་མི་འགལ་ཀྱང་།། ཤག་ཐུབས་རྣམ་སྣང་མི་མཁས་བཞིན།། དྲུག་གི་སྣང་བ་ཐ་དད་པ།། མཉེན་པོ་བཞིའི་རང་བཞིན་ལ།། སྣང་བ་ཞེན་པ་གང་འགོག་པ།། ལྟ་བའི་ཡུལ་ཡང་རྣམ་ཞི
12a5 སྟེ། གཉིས་མེད་སྣང་བ་སྟོང་ཁས་མི་ལེན།། ཐམས་ཅད་བློ་ཡི་སྣང་བ་སྟེ།། དེ་བས་རང་སེམས་རྟོགས་པའི་ཐབས།། ཀུན་གཞི་ཆོས་སྐུ་ངོས་ཟིན་པའི།། ཐཾད་རང་འབྱུང་དབྱེར་མེད་མཛོད།། དེ་ཡུ་འཇུག་ཅིང་རྟོག་འདོད་པས།། སྒོ་གསུམ་སྡེ་མག
12a6 ཕྱེ་ནས་ཀྱང་། ཡེ་ཤེས་ལྷུན་གྲུབ་རྫོང་ཆེན་དུ།། རང་གི་རྒྱལ་པོ་ཤེས། འཕྱོ།། དེ་ཡང་འདུས་པའི་ཚོགས་རྣམས་ཉོན།། མ་རྟོག་པར་ནི་དག་པའི་ཕྱིར། མདོ་སྡེ་དང་ནི་རྒྱུད་སྡེ་ལས། མཚན་མ་བཞིའི་གཏན་ཚིགས་ཀྱིས།། ཆེ
12a7 པ་གོང་འོག་ཁྱད་པར་གྱིས། མིང་ད་ཐ་སྙད་བསམ་ཡས་ཀྱང་།། ཞེན་པ་བཟློག་པའི་ཐབས་སུ་ཟད།། རྡོ་རྗེ་ཐེག་པའི་ལས་མེད་དེ། དེ་བཞིན་རྟོག་པའི་རྣལ་འབྱོར་པ། ཡལ་བར་འདུག་པ་ལམ་ཡང་མེན།། དེ་དོན་རྒྱུན་དུ་མ་ཡ་ན།། དགོངས
iiif viewer powered by OpenSeadragon
