| e-texts navigator |
| Wylie |
10b1 གྱིས་གནོན་པ་ཡིས།། སེམས་ཀྱི་དབང་ཆེན་དང་པོ་ཡིས།། འདོད་ཁམས་ཉི་ཤུ་ཟིལ་གྱིས་གནོན།། འགྲོ་དྲུག་གཡངས་གཅོད་པ་ཡི།། ཡེ་ཤེས་ཆེན་པོས་ཟིན་པས།། གཟུགས་ཁམས་བཅུ་འདུན་དེ་མི་འཁོར།། ཡེ་ཤེས་སྤྱི་ཐུགས་ངན་སྐམས་པས།། གཟུ།
10b2 མེད་ཁམས་བཞིར་དེ་མི་སྐྱེ།། ཡེ་ཤེས་ཆེན་པོ་ལ་བཟློས་པས།། ས་བཅུར་རིམས་ཀྱི་དེ་མི་བགྲོད།། དབང་གསུམ་གཅིག་ཏུ་རྟོགས་པ་ཡིས།། མ་བཅོས་པ་ཡི་ཆོས་ཉིད་ཀྱིས།། བཅོས་པའི་མཚན་མ་ཟིལ་གྱིས་མནན།། དམིགས་པ་མེད་པའི་ན་མཁའ་ཡིས།། མིན།
10b3 པའི་འབྱུང་བ་ཟིལ་གྱིས་མནན། སྐྱེ་བ་མེད་པའི་ཡེ་ཤེས་ཀྱིས།། སྐྱེ་བའི་ཕུང་པོ་ཟིལ་གྱིས་མནན།། རིག་པ་ཆོས་ཀྱི་ཆོས་ཉིད་འདི།། དུས་གསུམ་སངས་རྒྱས་ཐམས་ཅད་ཀྱིས།། དུར་ཁྲོད་ཆེན་པོའི་དེའི་སེམས།། སེམས་ལས་མ་རྟོགས། སངས་རྒྱས་མེད།།
10b4 རིག་པ་ཐུགས་ཀྱི་དབང་ཆེན་ནི། སངས་རྒྱས་ཀུན་གྱི་མེས་པོ་ཡིན།། འདི་ལས་མ་བྱུང་སངས་རྒྱས་མེད།། དེ་ཕྱིར་དབང་གསུམ་རབ་ཏུ་བསྔགས།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས།། རིམ་པ་དབང་གི་ཆེས་བསྟན་པའི་ལེའུ་སྟེ་བཅུ་དྲུག་པའོ།། །།
10b5 ཀུན་རིག་སེམས་ཀྱི་རྒྱས་པོ་ཡིས།། ཆེ་བའི་ཡོན་ཏན་བཀའ་སྩལ་པ།། སྙིང་པོ་དོན་གྱི་འབྲས་བུ་སའི་ཆོས།། ཤེས་ནས་དེ་ལ་གང་གནས་པ།། རང་རིག་ཉིད་ལ་དབང་ཐོབ་ནས།། སྐྱེ་བ་གཞན་དུ་མི་ལེན་པར།། སངས་རྒྱས་རིག་འཛིན་ཆེན་པོ་ཐོབ།། རྡོ་རྗེ་སེམས
10b6 དཔའ་ཆེན་པོའི་ངན།། ཇི་བཞིན་མ་བཅོས་དེ་ཉིད་ལ།། དེ་བཞིན་པའི་བློ་བཞག་ནས།། ཡེ་ཤེས་དེ་ཉིད་མ་ཡིན་པ།། སྒྲུབ་དང་སྒྲུབ་པ་ག་ལ་ཡོད།། དེ་ལ་ཡེ་ཤེས་མངོན་གྱུར་ན།། མེད་ལ་མི་ཟང་འབྱུང་བའི་གཏེར།། ཁམས་གསུམ་རིན་ཆེན་རྙེད་པའི་མི།། ཇི་ལྟར
10b7 འདོད་པ་བཞིན་དུ་འབྱུང་།། ཡེ་ཤེས་ཆེན་པོ་འདི་རྟོགས་པས།། ཆེ་བའི་ཡོན་ཏན་རྒྱུན་མི་ཆད།། ཅི་ཡང་ཀུན་འབྱུང་རིན་ཆེན་གཏེར།། དེ་བཞིན་ཉིད་དུ་ཀུན་རིག་ན།། འཁོར་བ་དང་ནི་མྱ་ངན་འདས།། སོ་སོར་སྣང་བ་མ་ཡིན་ཏེ།། ཇི་བཞིན་པ་དེ་རྟོགས་ངེས་ན།། དེ་ལ་ལ
iiif viewer powered by OpenSeadragon
