| e-texts navigator |
| Wylie |
10a1 སེམས་ཅན་དབྱེར་མེད་པས། སྤྱན་དྲངས་བསྟིམ་པ་དེ་ལ་རྫོགས།། ཆོས་ཉིད་རྣོལ་མི་འགྱུར་བས།། བསྟན་པར་བཞུགས་པ་དེ་ལ་རྫོགས།། ཐམས་ཅད་བཟང་ངན་མི་དབྱེ་བས།། ཟིལ་གྱི་མནན་པ་དེ་ལ་རྫོགས།། ཐམས་ཅད
10a2 འདྲེས་པ་ཆེན་པོ་ལ།། ནན་ཏན་ཕྱག་རྒྱ་དེ་ལ་རྫོགས།། བསྐུལ་བསྐྱོད་ཐམས་ཅད་ཡེ་ཤེས་པས།། ཕྱག་རྒྱའི་མཆོད་པ་དེ་ལ་རྫོགས།། སེམས་དང་ཆོས་སུ་དོན་སྦྱོར་ལ། སྦྱོར་སྒྲོལ་མཆོད་པ་དེ་ལ་རྫོགས།། ཡོན་ཏན་ཐམས་ཅད་ལྷུན་གྲུབ་པས།། མཐར་ཕྱིན་སྨོན
10a3 ལམ་དེ་ལ་རྫོགས།། སྐུ་གསུང་ཐུགས་ཀྱི་དོན་རྫོགས་པས།། བཟླས་བརྗོད་འཕྲོ་འབུ་དེ་ལ་རྫོགས་ཚོགས་རྣམས་སྣོད་བཅུད་ཡེ་ཡིན་པས།། ཚོགས་ཀྱི་མཆོད་པ་དེ་ལ་རྫོགས།། བདེ་ཆེན་གཉིས་མེད་དོ་ག་ལ། ལྷག་མའི་མཆོད་པ་དེ་ལ་རྫོགས།། མི་བཟུང་ཡེ་ཤེས་ཆེན
10a4 པོ་ལ། གཏོང་མ་འི་མཆོད་པ་དེ་ལ་རྫོགས།། ཐིག་ལེ་ཅིག་ལ། འདུས་པ་ལ།། དཀྱིལ་འཁོར་བསྡུ་བ་དེ་ལ་རྫོགས།། ཡེ་ཤེས་ལྷུན་གྲུབ་གོ། ལྡན་པས།། བཀའ་ནན་ལུས་སྲུང་དེ་ལ་རྫོགས། གཉིས་མེད་དོན་དུ་སངས་རྒྱས་པས།། དག་རྩ་སྔོ་པ་དེ་ལ་རྫོགས།། མཚན
10a5 དང་དཔེ་བྱད་ཐམས་ཅད་ཀྱིས།། ཡེ་ཤེས་ལྷུན་གྲུས་དེ་ལ་རྫོགས། རྫོགས་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས།། ཆོས། ཐམས་ཅད་ལྷུན་གྱིས་རྫོགས་པའི་ལེའུ་སྟེ་བཅོ་ལྔ་པའོ།། ། དེ་ནས་སེམས་དཔའ་རྡོ་རྗེ་ལ།། ཀུན་རིག་སེམས་ཀྱི་རྒྱལ་བ
10a6 ཡིས། དབང་གི་ཆེ་བ་བཀའ་སྩལ་པ།། སངས་རྒྱས་རྣམས་ཀྱི་དགོངས་པ་ཡིན།། ན་མཁའ་རྒྱ་མཚོ་ཉ་ཅིག་བཞིན།། མ་སྤྲོས་མ་བསྡུས་རབ་སྣང་བཞིན།། བྱང་ཆུབ་སེམས་ལས་མ་གཡོས་པའི།། ཀུན་ལ་ཁྱབ་པའི་རིག་པ་གསལ།། དབབ་མུ་མར་མེ་དུག་སྔ
10a7 བཞིན། དམིགས་པ་དྲུག་ལ་སྒོ་ལ་གསལ།། རྣམ་རྟོག་ཉིད་ཀྱང་ཡེ་ཤེས་གསལ།། གཅལ་ཙམ་ཉིད་ན་ནུབ་པ་མེད།། ས་གཞི་ཆུ་ཟླ་གང་ག་བཞིན།། སྣ་ཚོགས་ཉིད་ན་གཟུང་དུ་མེད།། ཆེ་བའི་ཡེ་ཤེས་རྒྱུན་མི་འཆད།། མེད་ལ་མི་ཟད་འབྱུང་བའི་གཏེར།། མཚན་མ་ཐིལ
iiif viewer powered by OpenSeadragon
