| e-texts navigator |
| Wylie |
9a1 མེང། རྒྱུ་ལ་བཟང་དང་ངན་པ་མེད།། འབྲས་བུ་གྲུབ་དང་མ་གྲུབ་སྤངས།། ཁོམ་དལ་ཆེན་པོའི་བདེ་སྒྱིད་ལ། སྡུག་བསྔལ་བའི་འཕོ་འཇུག་ཅིང་།། ཆོས་ཉིད་མཉམ་ཞིང་བདེ་བ་ལ།། གཟུང་འཛིན་རྟོག་པའི་རྫས
9a2 ཅི་ཡོད། སངས་རྒྱས་འཁོར་བ་མ་ལུས་ཀྱང་།། ངའི་ཐབས་ལ་རབ་ཏུ་གནས། ཐབས་ཡེ་ནས་ཆེ་བ་སྟེ་བཅུ་པའོ།། །། དེ་ནས་ཤེས་རབ་ཡེ་ནས་ཆེ་བས་འདི་སྐད་ཅེས་བཀའ་སྩལ་ཏོ།། དོན་དམ་སྤྲོས་པ་མེད་པ
9a3 ཡི། མ་གཡོས་ཆོས་ཉིད་སྐྱེ་འགག་མེད།། ཤེས་རབ་ཡེ་ནས་ཆེ་བ་ཡི།། འདིའི་གོང་ན་སངས་རྒྱས་མེད།། ཤེས་རབ་ཆེན་པོས་སྐད་གཅིག་ལ།། ཆོས་རྣམས་ཁོང་དུ་ཆུད་པར་བྱེད།། སྐྱེ་བ་མེད་པས་འགག་པ་མེད།། དམིགས་པ་མེད།
9a4 པས་སྤྲོས་པ་མེད།། འདུས་མ་བྱས་པས་རྣམ་དག་དབྱིངས།། རང་བཞིན་མེད་པས་བརྗོད་དང་བྲལ།། ཀུན་ལ་ཁྱབ་པས་ཡབ་ཀྱི་དང་།། ཐམས་ཅད་བསྐྱེད་པས་ཡུམ་གྱིས་དབྱིངས།། བརྗོད་པ་མེད་པའི་ཤེས་རབ་ལ།། དམིགས་པ
9a5 མེད་པའི་ཏིང་འཛིན་གསལ། ཀུན་བཞི་ཡུམ་གྱི་ཤེས་རབ་ལ།། རང་བྱུང་ཐབས་ཀྱི་ཡེ་ཤེས་ཤར། འདུས་མ་བྱས་པའི་ཀློང་དཀྱིལ་ནས། སེམས་ཀྱི་རྒྱལ་པོ་ཡེ་ཤེས་འཕྱོ།། སྐྱེ་འགག་མེད་པའི་ཀློང་དཀྱིལ་ནས། ཤེས་རབ་མི་གཅིག་གས
9a6 བནི། ཡོངས་ལ་དབང་བསྒྱུར་རྒྱལ་པོ་སྟེ། ཐམས་ཅད་རོལ་པའི་དབང་ཕྱུག་པས།། མ་འགགས་པར་ཡངས་ཡེ་ཤེས་གསལ།། དེས་མདུག་རྣམས་ཀུན་སེལ་བ།། ནད་དང་ཆོག་དང་བྲལ་བ་ཡི།། བདུད་རྩི་རང་བྱུང་དཀྱིལ་འཁོར་གསལ།། དབང་པོ་ཡུམ་གྱིས
9a7 ཤེས་རབ་ལ། ཐབས་ཀྱི་ཞགས་པ་འབྲེལ་པ་སྐྱོང་།། འབྱུང་བའི་རྒྱལ་པོ་གདོད་ནས་དག། དུས་གསུམ་བདེ་གཤེགས་བསྐྱེད་པ་ཡིས།། ཡུམ་ནི་ཤེས་རབ་ཕོ་རོལ་ཕྱིན།། མི་སྐྱ་མི་འགག་བརྡལ་ས་ལ།། ཀུན་བཟང་ཡངས་པ་ཆོས་ཀྱི་དབྱིངས།། དག
iiif viewer powered by OpenSeadragon
