| e-texts navigator |
| Wylie |
6a1 སྟན་ལ་ཁན་འཕྲིན་ལས་མཆོག། དེ་ཡང་སྐལ་ལྡན་ངའི་ལས།། གཞན་ཡང་སྐུ་གསུང་ཐུགས་ཡོན་ལས།། དེ་བས་ཀྱང་ནི་སེམས་ཡིན་ཏེ།། སྐུའི་དཀྱིལ་འཁོར་ཡང་དག་པ།། ཆོས་ཉིད་བྱང།
6a2 ཆུབ་སེམས་ལ་ཡོད། གསུང་གི་དཀྱིལ་འཁོར་ཡང་དག་པ།། ཆོས་ཉིད་བྱང་ཆུབ་སེམས་ལ་ཡོད།། ཐུགས་ཀྱི་དཀྱིལ་འཁོར་ཡང་དག་པ།། ཆོས་ཉིད་བྱང་ཆུབ་སེམས་ལ་ཡོད།། ཡོན་ཏན་དཀྱིལ་འཁོར་ཡང་དག་པ།། ཆོས་ཉིད་བྱང་ཆུབ
6a3 སེམས་ལ་ཡོད།། འཕྲིན་ལས་དཀྱིལ་འཁོར་ཡང་དག་པ།། ཆོས་ཉིད་བྱང་ཆུབ་སེམས་ལ་ཡོད།། དེའི་མཚན་ཉིད་གང་ཤེས་པ། ཡང་དག་ངེས་པར་ཉན་པར་གྱིས།། སེམས་ཀྱི་རང་བཞིན་སྐྱེ་བ་མེད།། སེམས་ཀྱི་མཚན་ཉིད་དངོས་པོ་མེད།
6a4 སེམས་ཀྱི་འབྲས་བུ་མ་བཅོས་པ།། སེམས་ཀྱི་སྐུ་ནི་སངས་རྒྱས་ལ།། སེམས་ཀྱི་གསུང་ནི་བཏགས་པ་ཡིན།། སེ་ས་ཀྱི་ཐུགས་ནི་གོ་བ་སྟེ།། སེམས་ཀྱི་ཡོན་ཏན་མི་ཟད་པ།། སེམས་ཀྱི་འཕྲིན་ལས་ལྷུན་གྲུབ་པའོ།། དེ་ཡང་མི་འགྱུར་རྡོ་རྗེ
6a5 སྟེ། འཕགས་པའི་འཕགས་པ་རྡོ་རྗེའི་སྐུ།། སྐུའི་རྡོ་རྗེ་བརྗིད་པ་ཆེ།། ཐུག་ཀྱི་རྡོ་རྗེ་འཛིན་པ་ཆེ།། ཡོན་ཏན་རྡོ་རྗེ་ལེགས་པ་ཆེ།། འཕྲིན་ལས་རྡོ་རྗེ་གྲུབ་པ་ཆེ།། དེའི་གོང་ན་སངས་རྒྱས་མེད།། ཆེ་བ་འདི་ལས་སུ་གནས་པ། རྣལ་འབྱོར་དེ་ནི་སྐལ་བ
6a6 བཟང་། བཟང་བ་མ་ཡིན་དེ་ཉིད་ཡིན།། ངེས་པའི་སངས་རྒྱས་ཅིག་ལས་ཡང་། དོན་ལ་ངེས་པའི་ས་ཚད་ལ། སེམས་ཀྱི་མཚན་ཉིད་འདྲ་བ་ནི།། དེ་ལ་བཅོས་པ་མེད་པར་ཞོག། དེའི་གོང་ན་ཆེ་བ་མེད།། ཡང་དག་ངེས་པར་དེ་ལ་བསྣན། སྐུ་གསུང
6a7 ཐུགས་ཡོན་ཏན་འཕྲིན་ལས་ཆེ་བ་སྟེ། དྲུག་པའོ།། ། དེ་ནས་སྐྱོན་དང་ཡོན་ཏན་ཆེབ་འདི་སྐད་ཅེས་བཀའ་སྩལ་ལོ།། རྣམ་པར་དག་པའི་སྤྱོད་ཡུལ་ལ།། སྐྱོན་དང་ཡོན་ཏན་གཉིས་མེད་དེ།། སྐྱོན་ཉིད་དག་པར་མ་རྟོགས་ན།།
iiif viewer powered by OpenSeadragon
