| e-texts navigator |
| Wylie |
5a1 པའོ།། ཐམས་ཅད་འདུས་མ་བྱས་པའི་ངང་།། མི་འགྱུར་མི་ཤིགས་རྡོ་རྗེ་སྟེ། གཉེན་པོ་ཅིས་ཀྱང་མི་ཚུགས་པའི།། ཐམས་ཅད་ཀུན་ལྡན་ཡེ་ཤེས་སྨྲ།། རྡོ་རྗེའི་མུ་སྟེ་གཉིས་པའོ།། རིག་པ་རང་གནས
5a2 མངོན་སུམ་སྣང་། ཉེས་པ་གང་གིས་མི་ཚུགས་པའི།། ལེགས་པའི་ཡེ་ཤེས་རང་སྣང་བའི།། མངོན་པར་བྱང་ཆུབ་སྐུ་བསྟན་པའོ།། གཉིས་མེད་ཆོས་ལ་ལོངས་སྤྱོད་པའི།། མ་སྤངས་ཡེ་ཤེས་ལོངས་སྤྱོད་བརྒྱན།། ཐམས་ཅད་ཆེ་བའི་རོལ་པ་ལ
5a3 ལོངས་སྤྱོད་རྫོགས་སྐུ་མཐར་ཕྱིན་པའོ།། གཉིས་མེད་སེམས་ཀྱི་སྤྲུལ་པ་ལ། ཡོངས་སུ་མ་ཁྱབ་ཅིག་ཀྱང་མེད། དོན་དམ་ཐབས་ཀྱི་སྤྲུལ་པ་འཆར།། སྤྲུལ་པའི་སྐུ་སྟེ་ཀུན་ཁྱབ་པའོ།། སྐུའི་སུ་སྟེ་ཀུན་གྲུབ་པ། སྐུའི་བདག་ཉིད་སྐྱེ
5a4 ཤི་མེད། རོལ་པས་སངས་རྒྱས་ཉིད་ཀྱི་རྒྱན།། སྟོང་གསུམ་སྟོང་གི་འཇིག་རྟེན་ན། འཕོ་འགྱུར་མེད་པ་སྐུ་ཡི་མཆོག། སྟོང་གསུམ་སྟོང་གི་འཇིག་རྟེན་ན། རང་བཞིན་མེད་པ་གསུང་གི་མཆོག། སྟོང་གསུམ་སྟོང་འཇིག་རྟེན་ན།། རྟག་ཆད
5a5 མེད་པ་སྐུའི་མཆོག། སྐུ་མཆོག་དྲི་མེད་དག་པ་ལ། སེམས་ཀྱིས་ཡེ་ཤེས་མཐར་ཕྱིན་པས།། རིག་པ་བློའི་བརྟུལ་ཞུགས་ཀྱིས།། སྟོང་གསུམ་སྐུའི་དབང་དུ་བསྡུས།། དབང་དུ་མ་གྱུར་གང་ཡང་མེད།། མི་གཡོའི་བྱང་ཆུབ་མཆོག་གི་རྒྱ
5a6 རྣམ་པར་སྣང་མཛད་པའི་སྐུ།། ཟླ་བ་དྲི་མེད་དག་པ་ཡི།། སྟོང་གསུམ་ཀུན་སྣང་ཁྱབ་པའི་དབྱིངས།། མཐའ་ལ་ཐུགས་པ་མེད་བཞིན་དུ། ཤེས་རབ་ཐབས་ཏེ་དེ་ལྟར་སྣང་།། མན་ངག་རྒྱ་མཚོ་ཆེན་པོ་འདི།། ཡོངས་ལ་བསྟན་པའི་ཤེས་རབ་ཏེ།
5a7 ཆོས་སྐུ་བདག་པོར་ཀུན་བཅོམ་ན། དཀྱིལ་འཁོར་འཕྲོ་འདུ་ཉོན་རེ་མོངས། ཡོངས་ལ་ཤར་བའི་དོན་བྱུང་ན། རྟོག་པའི་རླུང་བསྒོམས་སྙིང་རེ་རྗེ། མཁའ་ལྟར་མཉམ་པ་ཉིད་ལ་མནོས།། རབ་སེམས་མེད་པའི་སྔོན་རོལ་ན།། སང
iiif viewer powered by OpenSeadragon
