| e-texts navigator |
| Wylie |
4a1 སྐྲ#བདག་སྣན། ཆེ་མཆོག་ཐབས་ཀྱི་རྒྱལ་པོར་རོལ།། ཐམས་ཅད་འབྱུང་བ་ལྔ་ཡིས་སྐྱེད།། འབྱུང་ཆེ་བའི་དོན་རྟོགས་ན།། ཐམས་ཅད་ཆེ་བའི་རྒྱལ་པོར་འགྱུང།། ཆེ་བའི་རྫུ་འཕྲུལ་ཇི་ལྟར་སྟོན།། བདག་ཉིད་ཐབས་ཀྱིས་ཁྱིམ།
4a2 བརླབས་ལས།། འབྱུང་བའི་ཆོ་འཕྲུལ་སྣ་ཚོགས་ཀྱིས། མ་རིག་རྟོག་པའི་ལིང་རྟོག་གསལ།། དད་པ་བདག་ཏུ་འབྱེད་པ་བཅོམ།། ཕྱོགས་དང་རིགས་སུ་ལྟ་བ་གསལ།། མཚན་མའི་འཛིན་རྟོག་གནས་ནས་བཀྲོལ།། ཡངགས་པ་ངེས་པའི་ལམ་དུ་བཞག
4a3 ཐར་པལི་གནས་ཞེས་དེ་ལ་གསུངས།། གང་ཞིག་མ་སྐྱེས་དོན་འདོད་པས།། འབྱུང་བ་ཡེ་ནས་ཆེ་བའི་ཆེ་བ་འདི་ལས་བཙལ་བར་བྱའོ།། འབྱུང་བ་ཡེ་ནས་ཆེ་བའི་ལེའུ་སྟེ་གསུམ་པའོ།། །། དེ་ནས་ཡེ་ཤེས་ཡེ་ནས་ཆེ་བ་འདི
4a4 སྐད་ཅེས་བཀའ་སྩལ་ཏེ།། ཡེ་ཤེས་རྒྱལ་པོ་གང་འདོད་པ།། རང་གི་སེམས་ལས་བཙལ་བར་བགྱི།། འགྲོ་ཀུན་བླ་མེད་བྱང་ཆུབ་པའི།། རྟོགས་པའི་རྒྱུ་ལ་རང་རིག་པ།། དེ་ནི་ཡེ་ཤེས་ཆེ་བའོ།། སྟོང་གསུམ་ཡེ་འབྱམ་དོན་ཤེས་ཤིང་།། བརྡལ་བ
4a5 ཆེན་པོར་ཕྱོགས་མེད་ན།། ཡེ་ཤེས་ཆེ་བའི་དམ་པ་སྟེ།། བཟང་ངན་མེད་པར་དོན་ཤེས་ན།། ཀུན་ཏུ་བཟང་པོར་སངས་རྒྱས་ཏེ།། ཆོས་ཉིད་ཡེ་ནས་མ་བཅོས་པ།། དེ་དོན་ཤེས་པ་ཡེ་ཤེས་ཡིན།། ནམ་མཁའ་ཡེ་ནས་མ་བཅོས་པ།། དེ་དོན
4a6 ཤེས་པ་ཡེ་ཤེས་ཡིན། སེམས་ཉིད་ཡེ་ནས་མ་བཅོས་པ།། དེ་དོན་ཤེས་པ་ཡེ་ཤེས་ཡིན།། ཡེ་ཤེས་དམ་པ་འཚོལ་འདོད་པས།། གཔལ་ཐེ་ཚོམ་མ་སྐྱེས་པ།། རྟོགས་པའི་ཀློང་དུ་དོན་སྤྱོད་དང་།། རང་བྱུང་ཡེ་ཤེས་དེ་ལ་འཆར།། མི་གནས
4a7 ཡེ་ཤེས་ཕྱི་ནང་མེད།། ལྷུན་གྲུབ་ཡེ་ཤེས་ཕྱོགས་རིགས་མེད།། སྟོང་པའི་ཡེ་ཤེས་དངོས་པོ་མེད།། མེ་ལོང་ཡེ་ཤེས་རྟོག་པ་མེད།། མཉམ་པའི་ཡེ་ཤེས་ཆེ་ཆུང་མེད།། སོ་མེར་རྟོག་པ་མ་འདྲེས་གསལ།། བྱ་བ་ནན་ཏན་ཐར་ཕྱིར
iiif viewer powered by OpenSeadragon
