| e-texts navigator |
| Wylie |
3a1 ཀྱི་ཆེ་བ་དེ་ལ་ཡོད། སྤོང་ལེན་མེད་པའི་འབྲས་བུ་ནི། སེམས་ཀྱི་ཆེ་བ་དེ་ལ་ཡོད།། སེམས་ཀྱི་ཆེ་བ་ཡེ་ནས་ལ། འདི་ལ་རྒྱུ་ཡིས་བཙལ་མེད་ལ། འདི་ལ་འབྲས་བུ་སྦྱང་བ་མེད།། ནམ་མཁའ་བཞིན་དུ་ཡེ་གནས་ལ།
3a2 འཛིན་རྟོག་བཅོས་པའི་རྒྱུ་ཅི་ཡོད་།། ཆོས་དང་སངས་རྒྱས་འཚོ་ལ་འདོད་ན། སེམས་ཀྱི་ཆེ་བ་འདི་ལས་བཙལ། སེམས་ཉིད་ཡེ་ནས་ཆེ་བའི་ལེའུ་སྟེ་དཔ་པོའོ།། ། དེ་ནས་ཆོས་ཉིད་ཡེ་ནས་ཆེས་འདི་སྐད་དུ་བཀའ་སྩལ་ཏོ།།
3a3 ཀུན་ཏུ་བཟང་པོ་ངའི་ཆོས།། རྒྱ་ཆེ་རོལ་པར་བསྟན་པ་ནི།། ཇི་ལྟར་སྣང་བ་དེའི་ཆོས།། རང་བཞིན་མེད་པའི་སྔོན་རོལ་ན།། ཆོས་ཉིད་བྱ་བའི་མིང་ཡང་མེད།། གང་ཟག་རྣལ་འབྱོར་སུ་སྤྱོད་པ།། ཆོས་ཉིད་འབྲས་བུ་སུ་འདོད་པ།། རང་བཞིན་མེད་པས
3a4 བཙལ་བར་བྱ། ཆོས་ཉིད་རང་བཞིན་མེད་པ་ལ།། དེ་ལ་རྟོག་པ་ཆེར་སྐྱེད་ན།། ཆོས་ཉིད་ཆེ་བ་བྱ་བ་ཡིན།། ཡང་དག་ངེས་པའི་ཆོས་ཉིད་ལ།། ཆོས་ཉིད་ཆེ་བས་ཕྱོགས་རིགས་མེད།། ཆོས་ཉིད་ཆེ་བས་བཟང་ངན་མེད།། ཆོས་ཉིད་ཆེ་བས་མཐའ་དབུས་མེད།།
3a5 ཆོས་ཉིད་ཆེ་བས་ཕྱི་ནང་མེད།། ཆོས་ཉིད་ཆེ་བས་སྟེང་འོག་མེད།། ཆོས་ཉིད་ཆེ་བས་སྤོང་ལེན་མེད།། ཆོས་ཉིད་ཆེབས་ཡོད་མེད་མེད།། མེད་པའང་མ་ཡིན་ཁྱས་པར་བརྡལ།། ཁྱབ་པར་བརྡལ་ཡང་རྫས་སུ་མེད།། འདི་འདྲའི་མཚན་ཉིད་གང་ཤེས
3a6 པ། དེ་ནི་ཆོས་ཉིད་ཆེ་བ་སྟེ། ཆོས་ཉིད་མེད་པའི་སྔོན་རོལ་ན། སངས་རྒྱས་སེམས་ཅན་མིང་ཡང་མེད།། ཆོས་ཉིད་ཆེ་བའི་བྱིན་རླབས་ལས།། ཇི་ལྟར་སྣང་བའི་དེ་ལྟར་སྣང་།། གང་ལྟར་ཡིན་པ་དེ་ལྟར་ཡིན། ཡང་དག་པར་ཡང་བཀའ་སྩལ་ཏོ།།
3a7 དེ་དག་ལ་སོགས་ཆོས་རྣམས་ལ། ཆོས་རྣམས་ལ་ཡང་ཆོས་རྣམས་མེད།། རང་བཞིན་ཆ་ཕྲག་པ་འཛིན་པ།། འཛིན་པ་དེ་ལ་ཆོས་ཉིད་མེད།། ཆོས་ཀྱི་འབྲས་བུ་དེ་ལ་མེད།། ཆོས་ཀྱི་འབྲས་བུ་གང་ཡིན་པ།། རིགས་པའི་དོན་ནི་འདི་རྣམས་སོ།།
iiif viewer powered by OpenSeadragon
