| e-texts navigator |
| Wylie |
14b1 སངས་རྒྱས་མཛད་པ་དེ་ལྟར་མཛད། རྟོག་པས་སྤྱོད་པས་དེ་ལྟར་སྤྱོད།། ནམཁའ་ཡངས་པའི་མཚན་ཉིད་ལ།། དངོས་པོ་མཚན་མ་ཀུན་ཤོང་ཝཱར།། རྟོགས་པ་ཡངས་པའི་ལྟ་བ་ལ། འཛིན་རྟོག་མཚན་མ་ཅི་ཡང་ཤོང་།། ཤོང་བ་བས་ཀྱང་ཡངས་ཀྱང་ཡངས།
14b2 སྲིད་རྟོགས་པས་ཕྱིའུ་བདེ།། དོན་དམ་རྟོགས་པས་ནང་དུ་བདེ།། དབྱེར་མེད་རྟོགས་པས་གཉིས་མེད་བདེ། སེམས་ཅན་སངས་རྒྱས་ཡིན་རྟོགས་ན།། གཞན་ནས་སངས་རྒྱས་ནོར་པའི་ལམ།། སྣང་སྲིད་ཆོས་ཉིད་ཡིན་རྟོགས་ན།། གཞན་ནས་ཆོས་ཉིད་ནོར།
14b3 པའི་ལམ། ཐམས་ཅད་འདུས་པའི་དབྱིངས་ཉིད་ཆེ།། མ་ལུས་འདུས་པའི་བདག་ཉིད་ཆེ།། ཀུན་ལ་རྟོགས་པའི་ཡེ་ཤེས་ཆེ།། གུ་ཞིག་རྟོག་མེད་ཤེས་རབ་འཚལ།། རྨོངས་ལ་འཁྲུལ་པས་བྱ་བ་ནོར།། དོན་དང་མ་ལྡན་ནོར་པ་དེས།། གང་ཡང་མི་ཤེས
14b4 དོན་མི་ཤེས། ཅི་ཡང་མི་རྟོགས་དོན་མི་རྟོགས། སངས་རྒྱས་བྱང་ཆུབ་སེམས་དཔའ་ཡང་། གང་མ་རྟོགས་པ་དེའི་བདུད། བདུད་དང་ལོག་པའི་ཕྱོགས་རྣམས་ཀྱང་།། གང་གིས་རྟོགས་པ་དེའི་ལྷའོ།། ལྟ་བའི་རྒྱལ་པོས་དམག་ཏུ་དྲངས། སྦྱར་ཤི་མེ
14b5 པར་གཡུལ་ངོ་སྤྲད།། བཟང་ངན་མེད་པར་ལྷན་ཅིག་བསྐྱེད།། ཕྱོགས་རིགས་མེད་པ་ཐོ་ལེས་བཏབ།། དངོས་པོ་མཚན་མ་གཏན་ནས་རླགས།། རིགས་ལྔའི་སངས་རྒྱས་ཐུགས་ངན་སངས།། རྟོགས་པའི་རྒྱལ་པོ་འགྱོད་པ་མེད།། ལམ་ནི་ཉེ་ལམ
14b6 བདེ་གཤེགས་པ། བཅོས་པ་མེད་པའི་ཆོས་ཉིད་ལས།། སའི་རང་བཞིན་ལྷུན་རྫོགས་པ། ཀུན་ཏུ་བཟང་པོ་བཅོས་མེད་པ།། དོན་འདིའི་རབ་ལ་སུ་གནས་པ།། རྟོགས་པ་ཡེ་ཤེས་ཆེ་བའོ།། དོན་རྟོགས་རྣལ་འབྱོར་ཤེས་རབ་ཀྱིས།། དོན་འཆང་རྣལ
14b7 འབྱོར་གང་ཡོད་པ། རྟོགས་པ་ཆེ་བ་ཚོལ་འདོད་ན། ལེའུ་འདི་ལས་ནི་བཙལ་བར་བྱའོ།། རྟོག་པ་ཡེ་ནས་ཆེ་བ་སྟེ་བཅུ་དྲུག་པའོ།། ། ཀུན་ཏུ་བཟང་པོའི་མན་ངག་འདི། མིང་ཙམ་འཛིན་པར་གང་བྱེད་པ། ཆོས་ཉིད་རྟོགས
iiif viewer powered by OpenSeadragon
