| e-texts navigator |
| Wylie |
14a1 བཤད་པ་མི་གཙོ་སྒོམ་པ་གཙོ།། བཤད་པ་ཚིག་གི་བཤད་ར་མཁན། བསྒོམས་པ་ལྷ་དང་གཉིས་སུ་མེད།། སྒྲུབ་པ་བས་ཀྱང་རྟོག་པ་རིངས།། རྟོགས་པ་གདེང་དུ་མཚུང་ན། སྒྲུབ་པ་རྟོག་པའི་རྒྱུན་ལ་གནས།། བསྒོམ་པ་མཿ།
14a2 མའི་དཔལ་བསྒོམ།། བརྩོལ་ལ་ཉོན་མོངས་ཞེན་པས་བརྩོལ།། རྟོག་པ་ཡེ་ནས་ཆེ་བ་ནི།། སྣང་སྲིད་རྟོགས་པས་ཡེ་ཤེས་ཆེ།། ཕྱི་ནང་རྟོགས་པས་ཐིག་ལེ་ཆེ།། ཆེ་ཆུང་རྟོགས་པས་མཉམ་ཉིད་ཆེ།། ཡང་དག་རྟོགས་པས་ཀློང་ཆེན་ཆེ།། བཟང་ནས་རྟོགས
14a3 པས་བདེ་ཆེན་ཆེ།། བྱ་བ་རྩལ་རྟོགས་པས་བདེ་ཆེན་ཆེ།། བདེ་ཆེན་རྟོགས་པས་བྱང་ཆུབ་ཆེ།། རྟོགས་པའི་ཀླུང་ཆེན་ཕྱོགས་རིགས་མེད།། མན་ངག་དོན་ལྡན་དབྱེ་སྲེ་མེད།། བདེ་བའི་དོན་འཆབ་འཛིན་རྟོག་མེད།། རང་བྱུང་རང་ཤར་བྱ་བ་རྩལ་མེད།། ཐར་པའི་གནས་རིགས
14a4 སྤོང་ལེན་མེད།། དབྱིངས་ཀྱི་བདེ་བརྡ་ལ་ཕྱོགས་རིགས་མེད།། རྟོགས་ན་བཅོས་མེད་སྙིང་པོར་རྟོགས།། སྟོན་ན་རང་བྱུང་འབྲས་བུ་སྟོན།། ཐོབ་ན་རྣམ་དག་བཅོས་མེད་ཐོབ།། ཉི་མ་ཤར་བས་མུན་པ་དངས།། རྒྱུ་འདི་ཐོས་པས་འཛིན་རྟོག་ཞུབ།། ལུཔ་འདི་བྱུང་བས་རྟག
14a5 ཆད་བྲོས། སྟོང་གསུམ་མ་ལུས་གཡུལ་ངོར་དེད།། ཁམས་གསུམ་མ་ལུས་གཅར་བྱཏོན།། སྲད་གསུམ་མ་ལུས་ཀྲོ་ལས་བཏབ།། འཛིན་རྟོག་གཉིས་ནི་འཆོར་མེད་བཟུང་།། ཆགས་སྡང་གཉིས་མི་དབང་དུ་བྱས།། རྟག་ཆད་གཉིས་ནི་རྡུལ་དུ་རླགས།། སྤོང་ལེན
14a6 གཉིས་ནི་ཕྱེ་མར་བཏགས།། བཟང་ངན་གཉིས་ནི་དུག་གིས་བསྲེས།། སངས་རྒྱས་སེམས་ཅན་ཅིག་ཏུ་བྱས།། མཐོ་རིགས་ངན་སོང་ཅིག་ཏུ་བསྣོས།། བདེ་ལ་ཆེན་པོས་ཞལ་དུ་གསོལ།། དམྱལ་བ་ཆོས་ཉིད་ངང་དུ་སྦྱངས།། ཡི་དགས་བཀྲེས་སྐོམ་རམ་གྱིས་བསྲེགས།།
14a7 བྱོལ་སོ་པ་གཏི་མུག་ཡམ་གྱིས་བུས།། མིའི་སྡུག་བསྔལ་ཁམ་གྱིས་བཀྲུས།། ལྷ་མིན་འཐབ་རྩོད་ལམ་གྱིས་ཞི།། ལྷའི་ཕྲ་དོག་ཨེ་ཡིས་སྦྱངས།། ཐམས་ཅད་བདེ་ཆེན་དབྱིངས་སུ་བཙུད།། བདག་ཉིད་ཆེན་པོ་སངས་རྒྱས་པས།། གཞན་དུ་བྱ་བ་མིང་ཡང་མེད།།
iiif viewer powered by OpenSeadragon
