| e-texts navigator |
| Wylie |
13a1 པས་དངོས་པོ་མེད།། དངོས་པོ་མེད་པས་ཆོས་ཀྱི་དབྱིངས།། ཆོས་ཀྱི་དབྱིངས་ཀྱང་སེམས་ཅན་ཡིན། སེམས་ཅན་ཤེས་པས་གསལ་བགོ།། གསལ་བར་གོ་བས་ཡེ་ཤེས་ཏེ།། ཡེ་ཤེས་ཉིད་ཀྱང་སེམས་ཅན་ཡིན།། སངས་རྒྱས
13a2 ཀུན་གྱི་འབྱུང་གནས་མཛོད།། དེ་ཕྱིར་སེམས་ཅན་སངས་མེས།། སངས་རྒྱས་སྤྲུལ་པ་ཅིང་ཡང་སྟོན།། དེ་ཕྱིར་སེམས་ཅན་སངས་རྒྱས་སྲས།། ཁམས་གསུམ་སེམས་ཅན་སྐུ་གསུང་ཐུགས།། སྲིད་པ་གསུམ་ནི་དབྱིངས་ཀྱི་ཀློང་།། རྒྱུད་དྲུག་སེམས་ཅན་དོན
13a3 དམ་དང་།། མཐའ་ཡས་སེམས་ཅན་ལམ་གྱི་མཆོག། ཐབས་ཀྱི་རྒྱལ་པོར་གཤེས་པ།། དེ་ཉིད་དོན་རྫོགས་ཐབས་ཀྱི་སྐུ།། མ་སྐྱེས་ཤེས་རབ་དོན་ཤེས་པས།། དེ་ཉིད་བཅོས་མེད་མན་ངག་འཆང་།། རང་བྱུང་རྒྱལ་པོ་སེམས་ཅན་ལ།། རིག་པའི་རྒྱལ་པོ་རྣམ་ཤེས
13a4 ཤར། ཕུང་པོ་ཐིག་ལེ་ཆེན་པོར་རོལ།། རྣམ་ཤེས་པ་བདེ་ཆེན་བརྡལ།། སྐྱེ་མཆེད་ཏིང་འཛིན་གསལ་བ་ལ།། ཐབས་ཀྱི་འཕྲོ་འདུ་གསལ་བར་སྟོན།། གང་ལ་དཔེ་བསྟན་དེ་བཞིན་སེམས་ཅན་དཔེ་བསྟན་པས།། བདེ་བ་ཆེན་པོའི་མན་ངག་འབྱུང་།། དག་པས་བརྟགས་པས
13a5 ཀུན་ཀྱང་གཙང་། རྟོགས་པས་བསམས་ན་གང་ཡང་འགྲུབ།། ལྟ་བ་ཡང་བའི་ནམ་མཁའ་ལ།། འཛིན་རྟོག་མེད་པའི་འོད་བརྡལ་བས།། གང་ཡང་མ་སྤངས་ལྷུན་གྱིས་གྲུབ།། མུ་མཐའ་མེད་པའི་ཤེས་རབ་ལ།། སྐྱེ་བ་མེད་པའི་ཀློང་བརྡལ་བས།། རྣམ་པར་དག་པའི་དབྱིངས
13a6 སུམཁྱེན་མ་བྱུང་མ་སྐྱེས་སྐྱེ་བ་མེད།། སྐྱེ་མེད་ཐ་སྙད་སྒྲོ་བཏགས་པ།། ནན་གྱིས་མཁའ་ལ་འཛིན་པ་ལྟར། དེ་ལྟར་བརྟག་སུ་མི་སྣང་བས། ཤེས་རབ་ཆུང་ལྡན་པ་འཁྲུལ་པར་འགྱུར།། ཚིག་དང་ལྡན་ཀྱང་དོན་ལས་གོལ།། མན་ངག་གདེང་དུ་ཡོང་མི་ཚུད།། གང
13a7 ཞིག་ཤེས་རབ་ཞན་པ་ཡིས།། སྒྲོ་བཏགས་ཆོས་ལ་ཡི་ར་པ།། ལོབ་པ་ལམ་ནོར་འཁྲུལ་པ་ལྟར། ངམ་གྲོགས་གཅོད་དོང་ངེས་པར་ལྷུང་།། དེས་ན་ཐེག་རྒྱལ་ངེས་པ་འདི། ཤེས་རབ་དམན་ལ་བསྟན་མི་བྱ།། དོན་དུ་མི་འགྱུར་སྐུར་པ་འདེབས།། གང་ཞིག་བཀའ་སྨོད
iiif viewer powered by OpenSeadragon
