| e-texts navigator |
| Wylie |
11b1 དེ་ནས་སངས་རྒྱས་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ།། སངས་རྒྱས་ཡེ་ནས་ཆ་བ་ནི། འཁོརསངས་པས་བདེ་ཆེན་རྒྱས། སྣང་སྲིད་སངས་པས་བདེ་ཆེན་རྒྱས།། མ་རིགས་སངས་པས་ཡང་དག་རྒྱས།། གཏི་མུག་སངས་པས་ཤེས
11b2 རབ་རྒྱས། དེ་ཡང་བཙལ་བ་མ་ཡིན་ཏེ།། རྟོག་པ་ཉིད་ཀྱི་ཀློང་ནས་སངས།། རིག་པ་ཉིད་ཀྱི་ཀློང་ནས་སངས།། རིག་པ་ཉིད་ཀྱི་དབྱིངས་ནས་རྒྱས། སངས་རྒྱས་ཡེ་ནས་ཆེ་བ་ཡི།། འདིའི་གོང་ན་སངས་རྒྱས་མེད།། ཕུང་པོ་ལྔ་པོ་རིགས་ལྔའི་ངང
11b3 རིགས་ལྔའི་སངས་རྒྱས་ཡེ་ཤེས་ཀློང་།། ཡེ་ཤེས་ཆེན་པོ་བཙལ་མེད་པས།། སངས་རྒྱས་ཡེ་ནས་ཆེ་བ་ཡིན།། འབྱུང་བ་ལྔ་པོ་ཡུམ་གྱི་དང་།། ཡུམ་ཆེན་ལྔ་པོ་དབྱིངས་ཀྱི་ཀློང་།། ཆོས་དབྱིངས་ཆེན་པོ་བཙལ་མེད་པས།། སངས་རྒྱས་ཡེ་ནས་ཆེ
11b4 བ་ཡིན། རྣམ་པར་ཤེས་པ་སེམས་དཔའི་ངང་།། སེམས་དཔའ་ཆེན་པོ་སྤྲུལ་པའི་ཀློང་།། སྤྲུལ་པ་ཆེན་པོ་བཙལ་མེད་པས། སངས་རྒྱས་ཡེ་ནས་ཆེ་བ་ཡིན། ཡུལ་གྱི་རྣམ་པ་སེམས་མའི་ངང་།། འཁོར་གྱི་སེམས་མ་ཁྱབ་པའི
11b5 ཀློང་། ཁྱབ་པ་ཆེན་པོས་བཙལ་མེད་པས། སངས་རྒྱས་ཡེ་ནས་ཆེ་བ་ཡིན།། ཡན་ལག་ཁྲོ་བོ་ཁྲོ་མོའི་ངང་། ཁྲོ་བོ་ཁྲོ་མོ་རོལ་པའི་ཀློང་།། རོལ་པ་ཆེན་པོ་བཙལ་མེད་པས། སངས་རྒྱས་ཡེ་ནས་ཆེ་བ་ཡིན།། འཇིག་རྟེན་དྲུག་པོ་ཐུབ་པའི་ངང
11b6 ཐུབ་ཆེན་པོ་བཙལ་མེད་པས། སངས་རྒྱས་ཡེ་ནས་ཆེ་བ་ཡིན། དབྱིངས་ལ་རིག་པ་བཟང་མོ་བཟང་།། ཀུན་ཏུ་པ་ཡབ་ཡུམ་གནས་པའི་ཀློང་།། གནས་ཆེན་པོ་བཙལ་མེད་པས།། སངས་རྒྱས་ཡེ་ནས་ཆེ་བ་ཡིན།། སངས་རྒྱས་ཡེ་ནས་ཆེ
11b7 ཡི། འདི་ཡི་གོང་ན་སངས་རྒྱས་མེད།། གང་ཞིག་མཚན་མའི་རྟག་འཛིན་ལ། གྲངས་དང་སངས་རྒྱས་སྦྱང་བ་ཙམ།། བགྲང་ཀྱང་སངས་རྒྱས་གྲངས་ལས་འདས།། བགྲངས་ཀྱང་མུ་མེད་བརྗོད་ལས་འདས།། དོན་དམ་དུ་ནི་གང་ཡང་མེད།།
iiif viewer powered by OpenSeadragon
