| e-texts navigator |
| Wylie |
11a1 པ་མ་སྐྱེས་ནས། འཕོ་ཞིང་འགྱུར་བའི་གནས་ཀྱང་མེད།། བཙལ་ཞིང་སྒྲུབས་པའི་ས་ཡང་མེད།། མེད་པའང་མ་ཡིན་འགྱུར་མེད་སྐུ།། འདུ་འབྲལ་མེད་པའི་དབྱིངས་ཉིད་ལ། བཟང་ངན
11a2 སྤོང་ལེན་རྣམ་རྟོག་མེད།། དབྱེར་མེད་ཆེ་ཆུང་རིམ་པ་མེད།། སྐྱེ་ཤི་གཉིས་ཀྱི་མཚན་མ་མེད། མེད་པ་མ་ཡིན་ཁྱབ་པའི་སྐུ།། མི་འབྱེད་མཉམ་པའི་སྤྱོད་པ་ལ། རང་སྣང་ཐབས་ཀྱི་རྒྱལ་པོ་རོལ།། འདུས་མ་བྱས་པའི་ཀློང
11a3 ཉིད་ན། བཅོས་མ་མེད་པའི་ཡེ་ཤེས་ཤར།། འཛནི་རྟོག་མེད་པའི་ཆོས་ཉིད་ལ།། བརྩལ་བ་མེད་པའི་སེམས་ཉིད་གནས།། གནས་ཙམ་ཉིད་ན་རྟག་པ་མེད།། རྟག་མེད་ཆད་མེད་བདེ་བ་ཆེ།། འགྱུར་མེད་བརྩལ་མེད་རང་འབྱུང་གནས།།
11a4 ང་མེད་བདག་མེད་། ཕྱོགས་རིགས་མེད།། ཚེ་མེད་ཆུང་མེད་གསང་བ་འི་མཁའ།། བཟང་མེད་ངན་མེད་ཀུན་ཏུ་བཟང་།། མ་སྐྱོད་ཇི་བཞིན་དབྱིངས་ན་རྣལ།། བསྐྱེད་པ་རྫོགས་པས་རྫོགས་པ་རིང་།། བྱ་བ་མེད་པས་འདུས་མ་བྱས།། སྨོན
11a5 རུ་མེད་པས་རང་ལ་རྫོགས།། ཁམས་གསུམ་སྣོད་བཅུད་མ་ལུས་ཀུན།། བདེ་བ་ཆེན་པོ་ཉིད་ཀྱི་རྒྱན།། ཡོན་ཏམ་ཆེན་པོའི་ཞིང་ཁམས་ལ། མ་ལུས་པར་ཡང་སངས་རྒྱསོ།། ཇི་ལྟར་སྣང་བའི་ཆོས་རྣམས་ཀུན།། རང་བྱུང་དག་པ
11a6 བདག་ཉིད་ལ། རྣམ་དག་ཀློང་དུ་སངས་རྒྱས་པའོ།། ཡོན་ཏན་ཆེ་བའི་རྣམ་པ་གསལ། རྩོལ་དང་བཅས་པས་མ་གྲུབ་སྟེ། སྤྲོས་བཏགས་མཚན་མའི་སྐྱོན་རྣམས་སྤངས།། ཐམས་ཅད་ཡོངས་སུ་བདེ་བརྡལ་ན།། ཡོན་ཏན་ཆུང་བ
11a7 གང་ཡང་མེད།། ཐམས་ཅད་ཀུན་བཟང་ཡོན་ཏན་ལ།། སྐྱོན་དུ་བྱ་བ་གང་ཡང་མེད།། ཤིན་ཏུ་རྣལ་འབྱོར་གང་ཡོད་པ། ཡོན་ཏན་རྒྱ་ཆེན་རྟོག་འདོད་པས།། ལེའུ་འདི་ལས་བཙལ་བར་བྱ།། ཡན་ཏན་གྱི་རྒྱུ་ཡེ་ནས་ཆེ་བསྟ་བཅུ་གསུམ་པའོ།།
iiif viewer powered by OpenSeadragon
