| e-texts navigator |
| Wylie |
10a1 སངས་རྒྱས་ཐམས་ཅད་སྐྱོན་གྱི་རྒྱུ།། གྱོམ་གྱི་རྒྱུ་འདི་མི་ཤེས་ན།། ཡོན་ཏན་རྒྱུ་འདི་སུ་ལ་ཡང་། སྤྱན་གྱི་རྒྱུ་འདི་མ་རིག་ན།། མ་རིག་པ་ནི་དབྱིས་ཀྱི་མཛོད།། དེའི་གོང་ན་ཆེ་བ་མེད། སྐྱོན་གྱི་རྒྱུ་འདི་འཛིན་རྟོག་གཉིས།
10a2 འཛིན་རྟོག་ཐབས་དང་ཤེས་རབ་ན།། སྐྱོན་གྱི་རྒྱུ་ནི་ཉོན་མོངས་ལྔ།། ཉོན་མོངས་ཡེ་ཤེས་ལྔར་སྣང་བ།། སྐྱོན་གྱི་རྒྱུ་ལས་ཆེ་བ་མེད།། སྐྱོན་གྱི་རྒྱུ་ནི་རྟག་ཆད་གཉིས།། རྟག་ཆད་དབྱིངས། ཡེ་ཤེས་ན། སྐྱོན་གྱི་རྒྱུ་ལས་ཆེ་བ་མེད།། སྐུ་དང་ཡེ་ཤེས་བཤད་པ་ཡང
10a3 སྐྱོན་གྱི་རྒྱུ་ལས་མ་རྟོགས་པ། གཞན་ནས་བཤད་པ་ཅི་ཡང་མེད།། ཡང་དག་ངེས་དོན་བསྟན་པ་ནི།། འོད་མེད་འགྲོ་མེད་འཕོ་ཡང་མེད།། སངས་རྒྱས་བྱང་ཆུབ་དེ་ལ་ཡོད།། བཅོས་མེད་འགྱུར་མེད་མ་བཅོས་པ།། ཡེ་ཤེས་ཆོས་ཉིད་དེ་ལ་ཡོད།། མ་སྤང་མ་བཙ
10a4 མཉམ་བཞག་པ། མཉམ་པའི་ཡེ་ཤེས་དེ་ལ་ཡོད། དག་པའི་རྒྱུ་སྟེ་སྔོན་ནས་གསལ། གྲུབ་པའི་འབྲུ་སྟེ་ནང་ནས་ཤར།། ཐར་པའི་ལམ་དེ་གཞི་ལ་བཞག། མཁྱེན་རྒྱུ་དེ་སེམས་ལ་སྦྱང་།། གཟའ་གཏད་ལམ་ནི་ཐིག་ལེར་བཅའ།། ཀུན་ཏུ་བཟང་པོ་བཅོམ་ལྡན
10a5 འདས། ཤེས་པར་གྱིས་ལ་སྐྱོན་ལ་ཞིག། སྐྱོན་རྒྱུ་ཡེ་ནས་ཆེ་བའོ།། རྣལ་འབྱོར་གཞུང་མཐུན་གང་ཞིག་ཡོད།། སྐྱོན་རྒྱུ་ཆེ་བ་རྟོགས་འདོད་ན།། ལེའུ་འདི་ལས་བཙལ་བར་བྱ།། སྐྱོན་རྒྱུ་ཡེ་ནས་ཆེ་བ་སྟེ་བཅུ་གཉིས་པའོ།།
10a6 དེ་ནས་ཡོན་ཏན་གྱི་རྒྱུ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ།། ཡོན་ཏན་ཆེན་པོའི་རང་བཞིན་ལ། དག་པ་ཉིད་དུ་འདི་ལྟར་བཤད།། སངས་རྒྱས་ཀུན་གྱི་ཡོན་ཏན་ནི།། ངེས་པར་སེམས་ལས་བྱུང་བ་སྟེ། ངའི་སྐུ་ནི་མི་འགྱུར་བའོ།། ངའི་གསུང་ནི་མ
10a7 བཅོས་པའོ།། ངའི་ཐུགས་ནི་མ་གཡོས་པའོ།། ངའི་མཛད་པ་ཁྱད་པར་ཆེའོ།། ངའི་རོལ་པ་ཐབས་ལ་མཁས། ངའི་བྱན་རླབས་འདུས་མ་བྱས།། ངའི་མཐུ་སྟོབས་འཛིན་རྟོག་བཅོམ།། ཕལ་པ་ཞེས་བྱ་བ་མེད།། ང་མེད་བདག་མེད་ཕྱོགས་མེད་པའི།། འཛིན་རྟོག
iiif viewer powered by OpenSeadragon
