| e-texts navigator |
| Wylie |
7b1 དོན།། ཞེན་མེད་རང་སྣང་དོན་རྟོགས་པས།། ཞེན་པ་མེད་པའི་བྱ་བ་བཏང་།། ཡེ་ནས་རང་བཞིན་དག་པ་ཡིས།། གཞི་ལས་འཁྲུལ་པའི་བྱ་བ་དང་།། དབང་པོའི་བཟུང་བའི་ཡུལ་དག་ན།། དམིགས་པ་རྐྱེན་གྱི་བྱ་བ་བཏང་།།
7b2 ཡིན་ཚུལ་བློ་ཡིས་བྱ་རུ་མེད།། སྣང་ཚུལ་མིག་གི་ཅིར་སྣང་ཡང་།། རྟོགས་ཚུལ་ཞེན་པ་མེད་པར་རྟོགས།། གྲུབ་པ་བློ་ཡིས་བྱ་བ་བཏང་།། དཔེར་ཉི་མའི་སྙིང་པོ་ཡང་།། མུན་པ་གཞི་ནས་དག་ཅིང་འོད་ཀྱི་རང་བཞིན་མེད།།
7b3 དེ་བཞིན་རྩོལ་མེད་སངས་རྒྱས་དོན་རྟོགས་ན།། འཁྲུལ་པ་གཞི་ནས་དག་པ་ཡིན།། སྣང་བ་མེད་དང་ལྡན་ན་ཀུན་ཏུ་བཟང་པོར་དག་པ་ཡིན།། དུས་གསུམ་འགྱུར་མེད་མཉམ་བཞག་རྗེས་ཐོབ་མེད་པར་ཐོབ།། ཀུན་ཏུ་བཟང་པོ།
7b4 ང་ཡི་རང་བཞིན་ཡིན།། ང་ཡོད་ནི་གཅིག་ལས་མེད་པ་ལ།། བརྒྱད་ཁྲི་བཞི་སྟོང་ང་ཡི་སྤྱོད་ཡུལ་ཡིན།། ངེས་པར་ང་ཡི་རང་བཞིན་ནི།། སྣ་ཚོགས་ང་ཡི་བྱས་པ་སྟེ།། ང་ཡི་རང་བཞིན་བྱེད་པ་ཀུན་ལས་རྒྱལ།། ཅེས་གསུངས།། །
7b5 ཡེ་ཤེས་འཁོར་ལོ་གསང་བའི་རྒྱུད་ལས།། བྱ་བ་བཏང་བའི་ལེའུ་སྟེ་བཅུ་གཅིག་པའོ།། ། དེ་ནས་རིག་པའི་རྒྱལ་པོས་རྡོ་རྗེ་སེམས་དཔའ་ལ་བཀའ་སྩལ་པ།། རྫོགས་ཆེན་རང་སྣང་ཆོས་ཉིད་ནི།། དགོངས་པ
7b6 ཀུན་གྱི་མཆོག་ཡིན་པས།། གང་འདོད་རྩོལ་བ་སྒྲུབ་ཏུ་མེད།། འདོད་པའི་རང་བཞིན་གྲུབ་འདོད་པས།། རྡོལ་གསེར་དུ་གྲུབ་པའོ།། གསེར་འདོད་རྡོ་ལ་རེ་བ་མེད།། ཞེན་པ་མཆོད་བདེ་བ་ཡང་།། ཞེན་མེད་ངོ་བོར་ཐོད་པ་མེད།།
iiif viewer powered by OpenSeadragon
