| e-texts navigator |
| Wylie |
11b1 འགྱུར་མེད་པས་གཡོན་པ་བྱ།། ཞེན་ཆགས་མེད་པས་ཁོང་མི་ཀྲུག། ཉམས་བླང་མེད་པས་ཡལ་མི་དོར།། རང་གྲོལ་ཆེན་པོས་མདུད་པ་བཀྲོལ།། ཡེ་ཤེས་ཆེན་པོས་ངོ་ཏི་སྤྲད།། ཅེས་གསུ།
11b2 གདམས་ངག་སྣ་ཚོགས་འཁོར་ལོའི་རྒྱུད་ཕྱི་མ་ལས། སེམས་ཟིན་པའི་གང་ཟག་རང་བྱུང་ཡེ་ཤེས་ལ་བསླབ་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་སྟོན་པ་དག
11b3 རབ་རྡོ་རྗེ་ཞེས་བྱ་བ་དེས་འཇམ་དཔལ་བ་ཤེས་གཉེན་ལ་སོགས་པའི་འཁོར་རྣམས་ཀྱི་དགོངས་པ་ཐུགསུ་ཆུད་ནས།། ལྟ་བས་ཐག་བཅད་ཅིང་འཛིན་པའི་མདུད་པ་དགྲོལ་བ་འདི་བཀའ་སྩལ
11b4 པ། རིག་པ་རྩལ་གྱི་རང་བཞིན་གྱིས།། སྣང་སྲིད་རིག་པའི་རྩལ་དུ་ཤར།། གབ་པ་མངོན་ཕྱུང་རང་བཞིན་གྱིས།། དྲན་རྟོགས་རང་གསལ་ཆོས་སྐུར་ཤེས།། ཡེ་ཤེས་ཟང་ཐལ་ཆེན་པོ་ཡི།
11b5 རྣམ་སྤྲུལ་ཅིར་ཡང་ཤར་བ་ལ།། སྟོང་པས་རྒྱས་བཏབཞིན་ཆགས་མེད།། ཆོས་སྐུ་རང་གས་ལ་ཐུག་ཕྲད་ཀྱི།། ཡེ་ནས་གྲུབ་པར་ཐེ་ཚོམ་མེད།། དབྱེར་མེད་རང་བྱུང་རང་གསལ་ཡིན།། ལྷན
11b6 གྲུབཙོག་བཞག་ཆེན་པོ་ཡིན།། རང་སྣང་དབྱེར་མེད་དྲན་རྟོག་བྲལ།། འདི་ལ་བཟུང་ཞིང་རྟོག་དཔྱོད་བྲལ།། བླང་དོར་དབྱེ་གསལ་དང་གི་བྲལ།། རྗེས་མེད་དོན་གྱི་རྗེས་བརྩལ་བས།། འདི་ལ་འདི
iiif viewer powered by OpenSeadragon
