| e-texts navigator |
| Wylie |
5b1 རལ་གྲིས་བཅད་དེ་གཏང་བར་བྱ།། སྣང་བ་འོད་གསལ་གྱི་ངོ་སྤོད་དོ།། དཀར་དམར་འདོད་ཆགས་ཀྱི་མདུད་པ་ལ།། རང་བྱུང་རང་སྣང་གི་ཡེ་ཤེས་ཀྱིས།། ལྕག་ཀྱུས་བཟུང་བ་གཏང་བར་བྱ།། ཆོས་སྐུ་འོད་གསལ།
5b2 གྱི་ངོ་སྤྲོད་དོ།། སེམས་འགྱུར་རྣམ་རྟོག་གི་མདུད་པ་ལ།། ཉམས་མྱོང་སྒོམ་པའི་སྒོང་རྒྱ་ལ།། རང་རིག་ཡེ་ཤེས་ཀྱི་ངོ་སྤྲོད་བྱས།། སྙིང་པོ་ཡེ་ཤེས་སྣང་མེད་ཀྱིས།། ཆགས་འཛིན་སྒོམ་པའི་ཞོན་པ་སྤངས
5b3 རང་སྣང་ཐིག་ལེའི་ངོ་སྤྲོད་དོ།། ཡིད་འགྱུས་བག་ཆགས་ཀྱི་མདུད་པ་ལ།། འོད་གསལ་གསང་ལམ་གྱི་ངོ་སྤྲོད་ཀྱིས།། རྒྱས་འདེབས་སྤྱོད་པའི་སྒོ་རྒྱ་ལ།། རང་ལ་ཤར་བའི་འོད་གསལ་སྐྱེས།། མཚན་མ
5b4 ལམ་གྱི་གོལ་ས་ཆོད།། ཀུན་གཞི་ཟུང་ཐལ་གྱི་ཐིག་ལེ་དང་།། མཚན་མ་རང་སྡང་གི་ཐིག་ལེ་གཉིས།། བསྲེས་པ་མེད་པར་ཀྲུག་གིས་འདྲེས། འབྲས་བུ་སྤངས་ཐོབ་དུས་ཀྱི་སྒོ་རྒྱ་རལ་ཨེ་མ་ཧོ།།
5b5 ཅེས་གསུངས་སོ།། ཨ་ཏི་རྫོགས་པའི་རྒྱུད་ལས། ཐིག་ལེ་ལྔ་སྦྱོར་དུ་བཤད་པའི་ལེའུ་སྟེ་བརྒྱད་པའོ།། །། དེ་ནས་ཡང་བཀའ་སྩལ་པ། འགག་གི་རྣམ་པ་བསྟན་པར་བྱའོ་ཅེས་གསུངས
5b6 སེམས་འཛིན་ཕྲ་མོ་རྩོམ་པ་ནི།། ཡེ་ཤེས་ཟང་ཐལ་སྐྱེ་བའི་འགག། ཚོགས་དྲུག་བཀག་ནས་དབུགས་ལ་གཏོད།། ཆོས་ཉིད་འོད་གསལ་སྐྱེ་བ་འགག། དབུགས་ལ་གཏོད་ཅིང་དྲུང་ལ་སྐྱོང་།། རང་བྱུང་ཡེ་ཤེས
iiif viewer powered by OpenSeadragon
