| e-texts navigator |
| Wylie |
5a1 དངས་ནས་ཡེ་ཤེས་གསལ།། འགྱུ་བ་མེད་ན་ཡེ་ཤེས་ག་ལ་གསལ།། འགྱུ་བ་དངས་པས་ཡེ་ཤེས་གསལ།། རང་གྲོལ་སྤྲུལ་པའི་སྐུའི་ངོ་སྤྲོསྤྱོད་ཡིན།། རང་གྲོལ་ལོང་སྐུའི་ངོ་སྤོད་ནི།། འགྱུར
5a2 དང་པས་འོད་གསལ་ལ།། ལྷ་ནི་བརྟན་པར་གནས་པ་དེ།། དེ་ནི་ལོང་སྐུའི་ངོ་སྤྲོད་དོ།། འགྱུ་བ་འོད་གསལ་གཉི་སུ་མེད།། གང་གི་ཕྱོགསུ་མ་ལྷུང་བ།། དེ་ནི་ཆོས་སྐུའི་ངོ་སྤྱོད་ཡིན།། ཐིག་ལེ་ཡིས་ཟང་ཐ
5a3 ལ། རྒྱུ་དང་རྐྱེན་གྱིས་མ་སྐྱེད་པར།། རང་བཞིན་ཤུགས་ཀྱི་ཤར་བ་དེ།། ངོ་བོ་ཉིད་ཀྱི་སྐུའི་ངོ་སྤྲོད་ཡིན།། ཅེས་གསུངསོ།། ཨ་ཏི་རྫོགས་པའི་རྒྱུད་ལས། ཐིག་ལེ་བཞི་སྦྱོར་ངོ་སྤྲོད་ཀྱི་ལེའུ་སྟེ་བདུན་པའོ།། །
5a4 དེ་ནས་ཡང་བཀའ་སྩལ་པ། ཐིག་ལེ་ལྔ་སྦྱོར་བཤད་པ་ནི།། དབྱིངས་ཀྱི་ཐིག་ལེ་འོད་གསལ་བ།། རང་བྱུང་ཡེ་ཤེས་མལ་དུ་གཞུག། ཡེ་ཤེས་ཐིག་ལེ་ཆེན་པོ་དེ།། རིག་པའི་ཡེ་ཤེས་མ་བུ་སྨད།། གཉི་སུ་སྣང
5a5 པའི་ཡེ་ཤེས་དེ།། ལྷག་མཐོང་རིག་པའི་ཡེ་ཤེས་ཀྱིས།། བཟུང་འཛིན་ཐག་པ་བཅད་པར་བྱ།། དེ་ནི་ལྷུན་གྲུབ་ཐིག་ལེ་ཡིན།། སྙིང་པོ་གཡོ་མེད་ཡེ་ཤེས་ཀྱིས།། དང་དུ་ཕྲད་ན་བཟུང་འཛིན་འཆད།། དབྱིངས
5a6 ཉིད་རྣམ་དག་ཐིག་ལེ་ཡིན།། ཡིས་ཟང་ཐལ་ཆེན་པོར་བཟླ།། བལྟ་བའི་སྒོ་ང་རྒྱ་རལ་པ་ཡིན།། ལྷུན་གྱི་གནས་པའི་ཐིག་ལེ་ཡིན།། སྒོ་ལྔ་ཆགས་སྡང་མདུད་པ་ལ།། ལྷག་མཐོང་རིག་པའི་ཡེ་ཤེས་ཀྱིས།།
iiif viewer powered by OpenSeadragon
