| e-texts navigator |
| Wylie |
3a1 སྣར་འཁྲུལ་ཞེ་ན། ཀུན་གཞིའི་ཀླུང་ཆེན་མ་འགག་པས།། མ་ནིང་རླུང་གི་འཁྲུལ་པ་ཡིན།། དེ་ཡང་ཀུན་གཞིའི་སྤྱན་ཡིན། ཏེ།། གཞི་གསུམ་དབྱེར་མེད་སྤྱན་ཆེན་པོ།། གྱེན་དང་ཐང་ཀར་ཐུར་དུ་གཟིགས།། གཟིགས་པའི་སྤྱན་གསུམ
3a2 ཁོང་ནས་ཤ་ར།། ཐུར་དུ་གཟིགས་པས་འགྲོ་དྲུག་སྤྱན།། འགྱུ་བའི་སྤྱན་གྱི་ཀུན་ཏུ་ལྟ།། འོད་ལྔ་ལམ་གྱི་ལྟ་ཕོ་ལ།། ཆགས་སྡང་ལྔ་ཡིས་འཁྲུལ་པ་ཡིན།། ལས་ནི་ལུང་མ་བསྟན་གྱི་ལས།། རྒྱུ་རྐྱེན་དུས་མཚུངས་རྒྱུ་ལྟར་འཁོར།། མ་རིག་འདམ་དུ་བྱིང་པ
3a3 ཡིན། དམྱལ་བ་ལ་སོགས་འགྲོ་དྲུག་འཁྲུལ།། ལས་དང་ལས་ཀྱི་འབྲས་བུ་ལུང་མ་བསྟན།། ཚེ་ཚད་ལ་སོགས་དུས་ལ་ངེས་པ་མེད།། དེ་ནི་ཐུར་དུ་གཟིགས་པའི་སྤྱན།། ཅེས་གསུངསོ།། ལྷ་རྒྱུད་རིན་པོ་ཆེ་སྤུད་པ་ལས།། འགྲོ་དྲུག་རང་སྣང་གི་ལེའུ་སྟེ།
3a4 གསུམ་པའོ།། ། དེ་ནས་གསང་བའི་བདག་པོ་ཡིས།། འགྲོ་དྲུག་འཁྲུལ་པ་ཇི་ལྟར་བཟློག། ཅེས་ཞུས་པས།། ཀུན་ཏུ་བཟང་པོས་བཀའ་སྩལ་པ།། འགྲོ་དྲུག་འཁྲུལ་པ་བཟློག་པ་ནི།། ངོ་བོ་ཉིད་ཀྱི་བྱིན་བརླབས་ནི།། ཆོས་ཀྱི་སྐུའི
3a5 ཀྱིན་བརླབ་སོ།། དེའི་བྱིན་བརླབས་རྡོ་རྗེ་སེམས་དཔའ་ཁྱོད།། དེའི་བྱིན་བརླབས་སྣང་བ་ཐུབ་པ་དྲུག། མཐུན་མོངས་བཟློག་པའི་སྟོན་པ་ཡིན།། ཁྱད་པར་བཀའ་རྒྱུད་བྱིན་རྒྱུད་དང་།། ཐུགསུ་རྒྱུད་པའི་སྟོན་པ་གསུམ།། ཐུགས་རྗེ་ཆོས་ཀྱི་འཁོར་ལོ་ནི
3a6 བྱིན་གྱིས་བརླབས་ཀྱིས་བསྐོར་བ་ཡིན།། མཆོག་གི་སྐུ་གསུམ་རང་སྣང་བས།། ཡེ་ཤེས་རང་སྣང་འཁོར་ལོ་བསྐོར།། རྟོགས་པས་ཡེ་ཤེས་འཁོར་ལོ་ཡིན།། ཆོས་ཀྱི་འཁོར་ལོ་ཕྱི་ནང་གསང་བ་གསུམ།། དེ་དོན་རྟོགས་པ་བྱིན་བརླབས
iiif viewer powered by OpenSeadragon
