| e-texts navigator |
| Wylie |
2b1 ཐིག་ལེ་ཆོས་མེན་ཡིས་ཀློང་།། བྱ་བཙལ་མེད་པས་རང་གྲོལ་ཡིན།། རང་བྱུང་རང་གི་འོད་སྣང་སངས།། འདས་པ་ལྔ་རུ་རྒྱས་པ་མཆོག། དོན་གྱི་ཡེ་ཤེས་ཁོང་ནས་ཤར།། ཡེ་ཤེས་ཁོང་ཤར་མིག་བྱེད་པས།། ཡེ་ཤེས་མི་གཅིག་དྲི་མ་མེད།། མ་རིག་སྒོ་ལྔའི།
2b2 སྦུབས་འབྱེད་པ།། རང་བྱུང་ཡིད་ཀྱི་ཤེས་རབ་ཀྱིས།། འགྱུ་བའི་ལིང་ཐོག་གསེར་གྱི་ཟུར་མས་བྱེད།། མིག་གི་དབང་པོ་སོ་སོར་མ་འགགས་པས།། སོ་སོར་རྟོགས་པའི་ཡེ་ཤེས་ཡིན།། རང་བཞིན་མེད་པའི་ཟང་ཐལ་ཏེ།། ཆོས་ཀྱི་དབྱིངས་ཀྱི་ཡེ་ཤེས
2b3 ཡིན།། དེ་ཉིད་རང་གསལ་ཆེན་པོར་ཤར།། མེ་ལོང་ལྟ་བུའི་ཡེ་ཤེས་ཡིན།། ཕྱི་ནང་མེད་པར་མཉམ་པས་ན།། མཉམ་པ་ཉིད་ཀྱི་ཡེ་ཤེས་ཡིན།། ཐམས་ཅད་མ་ལུས་སྙུན་གྲུབ་པས།། བྱ་བ་གྲུབ་པའི་ཡེ་ཤེས་ཡིན།། ཡེ་ཤེས་ཡིན
2b4 པས་བརྩོལ་གྲུབ་མེད།། ཡོན་ཏན་ཡེ་ཤེས་ལྔ་དང་ལྡན།། འབྲས་བུ་སྐུ་གསུམ་ཁོང་ནས་ཤར།། མཆོག་གི་དང་པོ་སྐུ་གསུམ་འཆང་།། སྐུ་གསུམ་རང་གྲོལ་ལམ་གྱི་མཆོག། ཡེ་ཤེས་རང་ཤར་རིག་པའི་མཆོག། འདས་པ་ལྔ་པོ་འབྲས
2b5 བུའི་མཆོག། ཡེ་ཤེས་ཟང་ཐལ་གདམས་པའི་མཆོག། སངས་རྒྱས་ཀུན་གྱི་དགོད་པ་ཡིན།། ཅེས་གསུངསོ།། ལྷ་རྒྱུད་རིན་པོ་ཆེ་སྤུང་པ་ལས།། ཀུན་ཏུ་བཟང་པོ་རང་སྣང་གི་ལེའུ་སྟེ་གཉིས་པའོ།།
2b6 དེ་ནས་གསང་བའི་བདག་པོ་ཡིས།། འགྲོ་དྲུག་དག་གི་འཁྲུལ་པ་ཇི་ལྟར་ལགས་ཅེས་ཞུས་པས།། ཀུན་ཏུ་བཟང་བས་བཀའ་སྩལ་པ། ཐོག་མ་མེད་པའི་གཞིས་དེ། དེ་ཡོད་པས་ན་འགྲོ་དྲུག་ཀྱང་།། མི་འཁྲུལ་པའི་རང་དབང་མེད།། དེ་ཡ
iiif viewer powered by OpenSeadragon
