| e-texts navigator |
| Wylie |
8a1 གསང་བ་ཕྱི་ནང་མེད་པར་ཆོས་སྐུ་མཁའ་ཁྱབ་ཏུ་རྟོགས་པས། གསང་བ་ཡིས་ཀྱི་དབང་སྐད་ཅིག་ལ་ཐོབ་པ་ཡིན།། དེ་རྣམས་བླ་མས་བསྟན་ན་མི་གོ་མི་སྲིད་པར་སྙན་པས་ཚིག་དབང་རིན་པོ་ཆེའི་དབང་དུས་ཅིག་ལ་ཐོབ་པ་ཡིན་ནོ།། དབང་བསྐུ།
8a2 པའི་ལེའུ་སྟེ་བཅུ་པའོ།། ། རང་བྱུང་ཡེ་ཤེས་ཆེན་པོ་ལ། རང་གདངས་སྣ་ཚོགས་རིགས་ལྔ་སྣང་།། སྣང་བ་ཡིན་པར་ཐག་ཆོང་པས། ལྷའི་བསྐྱེད་རིམས་སྐད་ཅིག་གིས་རྫོགས།། མ་བྲིས་དཀྱིལ་འཁོར་རང་སྣང་བས།། དཀྱིལ་འཁོར
8a3 གཞལ་ཡས་ཁང་།། སྒོམ་པ་སྐད་ཅིག་ཙམ་ལ་རྫོགས།། རྫོགས་པའི་ངངལ་མི་འདའ་བས།། དམ་ཚིག་ཐམས་ཅད་དུས་གཅིག་བསྲུངས།། ཡེ་ཤེས་ཁོང་གསལ་མི་འགྱུར། དྲན།། སྔགས་ཀྱི་འཛབ་འདྲེན་དུས་ཅིག་ཐོན།། དེ་ཡི་དོན་ལ་ཡེ་གནས
8a4 གསལ།། བསྲུང་མཚམས་ཐམས་ཅད་དུས་གཅིག་བསྲུངས་པ་ཡིན། ལྷ་རྣམས་བསྐྱེད་དང་དཀྱིལ་འཁོར་སྒོམ་པ་དང་།། དམ་ཚིག་བསྲུང་དང་སྔགས་ཀྱི་འཕྲོ་འདུ་དང་།། བསྲུང་བ་མཚམས་ཀྱི་འཁོར་ལོ་བསྟན་པའི་ལེའུ་སྟེ། གཅུ་གཅིག་པའོ།།
8a5 སྟོན་པ་གསུམ་གྱི་རྫ་མཁན་གྱི་བུ་མོ་ཐང་སྲོག་གཅད་ནས་གཅིག་པུ་རབ་ཏུ་ཆེ་བའི་ལྷའི་གམ་དུ་བསྐྱལ་པ་དེ་ཡ་ཆ།། སྲོག་བཅད་པ་དང་བདུད་གཅད་པའོ།། ཀུན་ཏུ་བཟང་པོ་ལ་བདུད་ཞུགས་པའི་དུས་སུ། འཁྲུལ་སྣང་ལོངས་སྐུར་འཁྱམས་པ
8a6 ཚོར་ནས་སྟོང་པ་འོད་བསྲུངས་དང་བསྒོས་པས་མི་ཐུབ་པར་གཟིགས་ནས་རང་སྲོག་རང་གིས་གཅད།། རང་བདུད་རང་གི་གཅད་ནས་མཁའ་ཁྱབ་དངས་པའི་དུར་སར་ང་ཕུང་པོ་ལྷག་མ་མེད་པར་མྱ་ངན་འདས་ནས་ཕྱིར་འོང་མ་ནུས་པ་ཡ་ཆ།
iiif viewer powered by OpenSeadragon
