| e-texts navigator |
| Wylie |
7b1 ཆོས་ལ་འདས་པ་ཡ་ཆ།། ཡེ་ཤེས་ཁོང་གསལ་རྟོགས་པས་བསམ་དུ་མེད་པ་ཡ་ཆ།། ཆོས་སྐུ་མཁའ་ཁྱབ་དངས་པ་རབ་ཆས་ཡིན་པས་བཙལ་དུ་མེད་པ་ཡ་ཆ། བསྒྲུབས་པས་མ་རྙེད་རང་ལ་ཡོད་པ་ཡ་ཆ། ཡེ་ཤེས་རང་གྲོལ་དུ་ཤར་ནས་སྟོན་པ་གསྐ
7b2 དུས་གཅིག་ལ་རྩོལ་སྒྲུབ་ལ་མ་རྟེན་པར་སངས་རྒྱས་པ་ནི་ཡ་ཆ་གསུང་སོ།། སྟོན་པ་མར་མེ་མཛད་ཀྱི་ཞལ་ནས།། ད་ནི་མཐའ་གཉིས་ཟད་པ་སྟེ་འབྱུང་བ་འོབ་ཏུ་སྣང་བ་ནི་རང་གི་གདངས་ཡིན་པས།། ཉོན་མོངས་བག་ཆགས་ལས་ཀྱི་སྒྲིབ་པའི་མཐའ་ཟད
7b3 པ་དེ་ཡ་ཆ། འཛིན་པ་ཡེ་ཤེས་ཁོང་གསལ་ཆེན་པོའི་རྩལ་དུ་ཤེས་པས་ཤེས་བྱའི་སྒྲིབ་པ་ལས་ཀྱི་མཐའ་ཟད་པ་དེ་ཡ་ཆ།། ཆོས་སྐུ་མཁའ་ཁྱབ་དངས་པ་རང་ཆས་ཡིན། ལས་ཀྱི་སྒྲིབ་པ་མཐའ་ཟད་པ་ཡ་ཆ། ཕུང་པོ་བོར་བས་དུས་ཀྱི་མཐའ
7b4 ཟད་པ་ཡ་ཆ། བར་དོ་མེད་པར་ཡེ་ཤེས་ཁོང་གསལ་དུ་ཐིམ་པས།། ལས་ཀྱི་མཐའ་ཟད་པ་ཡ་ཆ། གསུང་ངོ་།། སྟོན་པ་གསུམ་གྱི་དགོངས་པ་མདོར་བསྡུས་པའི་ལེའུ་སྟེ་དགུ་པའོ།། ། རྩ་བ་ཐམས་ཅད་རང་བྱུང་ལས་འདུས་པས་རྩེ
7b5 སྒྲུབ་ལས་འདས་པ་སྟན་པ་ཡིན།། ཡེ་ཤེས་ཁོ་གསལ་དུ་རྟོགས་པས་མཚན་མ་ཆོས་ལས་འདས་པ་ཡིན།། ཆོས་སྐུ་མཁའ་ཁྱབ་དུ་འདུས་པས་འབྲས་བུ་མ་བསྒྲུབ་པར་སངས་རྒྱས་པར་བསྟན་པའོ།། ཕྱིའི་སྣང་བ་ལྷ་དང་ལྷ་མོ།། བུམ་པ་བསྐྱེད
7b6 པའི་རིམ་པ་རང་སྣང་ཐོགས་མེད་དུ་ངོ་སྤྲང་པས་ཕྱིའི་དབང་ཐང་དུས་གཅིག་ཏུ་ཐོབ་པ་ཡིན།། རང་རིག་པ་ཁོང་གསལ་དུ་ཤེས་པས་ཐབས་དང་ཤེས་རབ་ཀྱི་སྤྱན་གསལ་བས་ཐབས་དང་ཤེས་རབ་ཀྱིས་དབང་སྐད་ཅིག་མ་ལ་ཐོབ་པ་ཡིན།།
iiif viewer powered by OpenSeadragon
