| e-texts navigator |
| Wylie |
5b1 འབར་བ་སྟེ།། འཁོར་རྣམས་རང་གདངས་ཆེན་པོ་ལ།། བསྟན་པ་རང་ཤར་ཆེན་པོ་ཡིན།། ཅེས་གསུངསོ།། ངོ་བོ་རང་བཞིན་ཐུགས་རྗེ་གསུམ་དུ་གནས།། ངོ་བོ་སྟོན་པ་འོད་མི་འགྱུར་བ་ཞེས་བྱ་བ།། རང་གསལ་བརྡལ་ཁྱབ་འདུས་མ་བྱས་སུ་གན
5b2 སོ།། ཐུགས་རྗེའི་སྟོན་པ་མར་མེད་མཛད་ཅེས་བྱ་བ།། འགག་མེད་བརྡལ་ཁྱབ་འདུས་མ་བྱ་སུ་གནསོ།། རང་བཞིན་གྱི་སྟོན་པ་འོད་སྲུངས་ཅེས་བྱ།། གཉིས་མེད་བརྡལ་ཁྱབ་འདུས་མ་བྱསུ་གནསོ།། གཞི་གཏན་ལ་དབབ་པའི་ལེའུ་སྟེ་གཉིས་པའོ།།
5b3 སྟོན་པ་གསུམ་ལ་སྲས་རྣམ་གསུམ་འཁྲུངས་པ་ཡ་ཆ།། ལྷུན་གྲུབ་རླུང་ཆེན་མ་འགགས་པས་རིག་པ་རང་གསལ་ཆེན་པོར་བསྐྱོད།། སྟོང་པ་རང་གདངས་འོད་དུ་ཟུང་སྲས་གསུམ་དུས་མེད་རྟག་ཏུ་འཐབ་པ་ཡ་ཆ།། འབྱེད་པ་མེད་པའི་ཆོས་སྐུ་ལ་སྐུ་གསུམ
5b4 སྣང་བ་གསུམ་དུ་ཤར།། སྐུ་གསུམ་རང་བཞིན་འདུག་ཚུལ་གཅིག་པ་ལ་དུག་གསུམ་དབང་གི་འཁོར་བ་ཡ་ཆ།། སྲས་གསུམ་འགག་པ་མེད་པ་ལས། རང་གདངས་ཡུལ་ལ་སྟོང་འབྱེད་པ་ཡ་ཆ། བརྡའི་ངོ་སྤྲོད་ཀྱི་ལེའུ་སྟེ་གསུམ་པའོ།།
5b5 སྒྲུབ་པ་མ་ཧཱ་ཡོ་གའི་ངོ་སྤྲད་པ་ནི། སྣང་ལ་རང་བཞིན་མེད་པའི་སྐུ། མེ་ལོང་ལོགས་ལ་ངོ་སྤྲད་།། ཡུལ་གསལ་ལ་མ་འདྲེས་པ་ན་མཁའི་འཇའ་མཚོན་ལ་ངོ་སྤྲད། གཉིསུ་མེད་པ་ཆུའི་ཟླ་བ་ལ་ངོ་སྤྲད་།། མ་ཧཱ་ཡོ་གའི་ངོ་སྤྲོད་གསུམ་པོ་འདིས་ནི་མ་སྒྲུབས་པ་སངས
5b6 རྒྱས་པར་བསྟན་པའོ།། ལུང་ཨ་ནུ་ཡོ་གའི་ངོ་སྤོང་བསྟན་པ་ནི།། འཛིན་པའི་རིག་པ་ནི་ཀུམ་ཏུ་བཟང་པོ།། ཡུལ་དང་གདངས་ནི་ཀུན་ཏུ་བཟང་མོ།། གཉིསུ་མེད་པ་ནི་བདེ་བ་འགག་མེད་དུ་ངོ་སྤང་པ་བརྩོལ་བ་མེད་པར་སངས་རྒྱས་པར་བསྟན་པའོ།།
iiif viewer powered by OpenSeadragon
